POKER STRATEGY

Strategy ჰოლდემი

პრეფლოპი: რეიზი

შესავალი

ამ სტატიაში

როგორ გავათამაშოთ ძალიან ძლიერი ხელები
როგორ გავათამაშოთ მარგინალური ხელები
როგორ გავათამაშოთ სხვა ტიპის ხელები

წინა სტატიებიდან თქვენ უკვე იცით თუ როგორია პრეფლოპზე ჩვენი თამაშის ლოგიკა. იმის გამო რომ ვაჭრობის პირველ რაუნდში ჩვენი მოქმედებების სისწორე დამოკიდებულია ძალიან ბევრ ფაქტორზე, ძალიან რთული ან თითქმის შეუძლებელია შევადგინოთ რაიმე სახის ცხრილი.

ამის გამო ამ სტატიაში განხილული იქნება მხოლოდ ის მაგალითები, რომლებშიც ჩვენ გვყავს სათამაშო ხელი და პირველები ვაკეთებთ რეიზს (ყველა სხვა მოთამაშე ან დაწვა ან გალიმპა). თქვენ ნახავთ თუ რატომ არის რეიზი საუკეთესო გადაწყვეტა, რა სახის ქმედებებს უნდა ველოდოთ ოპონენტებისგან და როგორ მოვახდინოთ მათზე რეაგირება.

როგორ გავათამაშოთ ძალიან ძლიერი ხელები?

ძალიან ძლიერ სასტარტო ხელებად როგორც ვიცით ითლება AA, KK, QQ და AK. ამ ხელებით თითქმის ყოველთვის წინ იქნებით პრეფლოპზე. ჯიბის ტუზებით ან პაპებით თქვენი მიზანი პრეფლოპზევე ოლინის თქმაა. არ არის საჭირო სლოუფლეის ან სხვა ეშმაკური მუვების გაკეთება, ყველაზე მარტივი საქვეყნოდ აღიარებული წესი ჟღერს შემდეგნაირად:

ტუზებით და პაპებით მთავარი სათამაშო ხაზი არის რეიზი/3-ბეთი/ოლინი.

ის ვინც ამ წესს ბოლომდე გაყვება არასდროს არ დაუშვებს შეცდომას გრძელ დისტანციაზე. შესაბამისად მაგალითებს არ მოვიყვანთ. აჯობებს უფრო რთული სიტუაციების ილუსტრირება მოვახდინოთ.

საწყისი სიტუაცია

PartyPoker $25 NL Hold'em (6-handed)

Pre-flop: Hero is UTG with Q, Q
Hero raises to $1.00,…

ქვემოთ გარჩეული იქნება 4 მაგალითი როდესაც ჩვენ გვყავს ქალის წყვილი UTG პოზიციაზე. ცხადია ვაკეთებთ რეიზს ველიუს მაქსიმიზაციის და ხელის დაცვის მიზნით.

თქვენ სხედხართ 6 კაციან მაგიდაზე, რომელთაგან სამზე გაქვთ გარკვეული ინფორმაცია ანუ რიდსები. მაგრამ ეს ინფორმაცია შეიცავს მხოლოდ სტატისტიკას, ასე რომ თქვენ მხოლოდ უხეშად შეგიძლიათ დააჯგუფოთ მოთამაშეები თამაშის სტილის მიხედვით.

CO ძალიან გავს ლუზ პასიურ მოთამაშეს, რომელსაც ავტომოპასუხედ აღიქვამთ. პატარა ბლაინდი ძალიან გავს TAG-ს, რომელიც ცოტა საწყის ხელს თამაშობს მაგრამ აგრესიულად. ბათონზე კი ლუზ აგრესიული მოთამაშე ზის, რომლისგანაც ყოველთვის ელოდებით ექშენს. დარჩენილი 2 მოთამაშე სამწუხაროდ თქვენთვის უცნობია.

UTG დან ოუპენ რეიზის დროს თქვენ უკვე გაქვთ გარვეული წარმოდგენა გათამაშების შემდგომ განვითარებაზე. თქვენ შეგიძიათ დაახლოებით განსაზღვროთ რას მოიმოქმედებენ ოპონენტები თქვენს შემდეგ. CO ხშირად გააკეთებს ქოლს, თუ 3ბეთს გააკეთებს, უნდა დაფიქრდეთ, რადგან მიუხედავად იმისა რომ ის ლუზია მისი PFR=12% რაც TAG-ის დიაპაზონს წააგავს.

შესაბამისად მისი პრეფლოპ რეიზის დიაპაზონი საკმაოდ მოკლეა, მაგრამ მისი განსაზღვრა საკმაოდ რთულია, რადგან ოპონენტის თამაში არ არის კოორდინირებული. (34/12)

რაც შეეხება TAG-ს თქვენ იცით რომ ის 3-ბეთს გააკეთებს საკმაოდ ძლიერი ხელით, წინააღმდეგ შემთხვევაში კი უბრალოდ დაწვება.

ხოლო LAG-ი პირიქით საკმაოდ ფართე დიაპაზონით გააკეთებს 3-ბეთს და ხშირ შემთხვევაში თქვენ მასზე უკეთესი ხელი გეყოლებათ.

მაშ ასე თქვენ როგორ გინდათ განვითარდეს მოვლენები თქვენი რეიზის შემდეგ? თუ თქვენ მსგავს სიტუაციაში აღმოჩნდებით, იდეალური იქნებოდა თუ CO დაქოლავდა და BU გააკეთებდა სქუიზს. სქუიზი ნიშნავს რომ ის გააკეთებს საკმაოდ მოზრდილ 3-ბეთს რეიზის და ქოლდქოლის შემდეგ. ამის შემდეგ თქვენ გააკეთებთ საკმაოდ მარტივ 4-ბეთს და იტყვით ოლინს პრეფლოპზევე.

მაგალითი 2-ში ყველაფერი მსგავსი სცენარით ვითარდება, მაგრამ სამწუხაროდ ყველაფერი ისე არ მიდის როგორც დაგეგმილი გვქონდა.

მაგალითი 1

PartyPoker $25 NL Hold'em (6-handed)

Stacks & Stats
Hero ($25)
MP ($25)
CO ($25) (34/12/1.1/28/101) [VPIP/PFR/AF/WTS/Hands]
BU ($25) (26/22/3.4/22/390) [VPIP/PFR/AF/WTS/Hands]
SB ($25) (16/13/2.5/21/456) [VPIP/PFR/AF/WTS/Hands]
BB ($25)
Pre-flop: Hero is UTG with Q, Q
Hero raises to $1.00, 1 fold, CO calls $1.00,1 fold, SB raises to $4.50, 1 fold, Hero...

აქ CO მხოლოდ ქოლავს თქვენს რეიზს, რაც ნამდვილად არ არის სიურპრიზი თქვენთვის. მაგრამ სქუიზს თაგი აკეთებს, რამაც არ შეიძლება რომ არ აგაღელვოთ.

პატარა ბლაინდი პოსტფლოპზე უპოზიციოდ იქნება და ხედავს რომ რეიზი UTG-დან გააკეთეთ. შესაბამისად ის საკმაოდ ვიწრო დიაპაზონს მოგანიჭებდათ და ამ ფაქტის გათვალისწინებით მისი 3-ბეთი კიდევ უფრო სერიოზული ხდება.

მეორეს მხრივ ის საკმაოდ კარგ პოზიციაში იყო სქუიზის გასაკეთებლად. ის უკვე დაინახავდა რომ თქვენ ადრეული პოზიციიდანაც აკეთებთ ოუპენ რეიზს დაბალი ჯიბის წყვილებით ან მარგინალური ხელებით. მან ასევე იცის რომ CO ზედმეტად ლუზია, ასე რომ პატარა ბლაინდს შესაძლოა ეგრძნო რომ „მკვდარი ფული“ და ფოლდ-ექუითი მომგებიანს ხდის მის სქუიზს. მისი აზრების მსგავს ხაზში არის ლოგიკა. ნებისმიერ შემთხვევაში თქვენ უნდა მიიღოთ გადაწყვეტილება, უნდა დაყაროთ თუ არა ჰოლდემში სიძლიერით მესამე ხელი?

თქვენ თამაშის გაგრძელების სამი ვარიანტი გაქვთ, რომელთაგან ერთ-ერთი ფოლდი უნდა აირჩიოთ მხოლოდ ძალიან იშვიათ შემთხვევებში. ქალების წყვილი უბრალოდ ძალიან ძლიერი საწყისი ხელია. პატარა ბლაინდთან მიმართებაში თქვენ გაქვთ პოზიცია ამიტომ შესაძლებელია იფიქროთ ქოლზე. მაგრამ CO-ს მოსალოდნელი ქოლი თქვენ გაგირთულებთ გათამაშების წარმართვას.

თუ 4-ბეთს გადაწყვეტთ, მზად უნდა იყოთ პრეფლოპზევე გახსნათ კარტი. ცხადია პატარა ბლაინდი ძალიან ვიწრო დიაპაზონით დაფუშავს მაგრამ მსგავსი რეინჯის: AA, KK და AK თქვენ მომგებიან ქოლს გააკეთებთ პოტ-ოდსების გათვალისწინებით.

რეალურ დარიგებაში მოთამაშემ სწორედ გათამაშების მსგავსი ხაზი აარჩია. საერთო ჯამში არ არის შეცდომა ოლინი თქვათ QQთი ან AK-ით. მსგავს სიტუაციებში როგორც წესი თქვენ არ გაქვთ სხვა არჩევანი. თუ ქალების წყვილს 3-ბეთის შემდეგ დაყრით, იქნება კი მსგავსი სვლა მომგებიანი გრძელ დისტანციაზე? ძალიან ადვილი იქნება ბანკებიდან თქვენი გაგდება. იმის გამო რომ ქოლი არ იქნება სწორი გადაწყვეტილება, იმ ფაქტის გათვალისწინებით, რომ თქვენ ითამაშებთ 2 ოპონენტის წინააღმდეგ და მოქცეული იქნებით სენდვიჩში, პრეფლოპზევე უნდა გახსნათ კარტი და თქვათ ოლინი.

მაგალითი 2

PartyPoker $25 NL Hold'em (6-handed)

Pre-flop: Hero is UTG with Q, Q
Hero raises to $1.00, 1 fold, CO calls $1.00,BU raises to $4.50, 2 folds, Hero...

საუკეთესო ვარიანტი რაც შეიძლება რომ მომხდარიყო: თქვენ არეიზებთ, ლუზი CO ქოლავს, ხოლო ლუზ აგრეისული BU სქუიზს აკეთებს. BU-ს რეინჯის წინააღმდეგ თქვენ საკმაოდ წინ დგახართ, არაფერი რომ არ ვთქვათ CO-ს დიაპაზონზე. თქვენ აგრძელებთ ხელის დაცვას და აკეთებთ 4-ბეთს და მზად ხართ თქვათ ოლინი, რადგან 4-ბეთ/ფოლდ ხაზი ძლიერი ხელით წარმოუდგენელია.

მაგალითი 3

PartyPoker $25 NL Hold'em (6-handed)

Pre-flop: Hero is UTG with Q, Q
Hero raises to $1.00, 1 fold, CO raises to $4.50, 1 fold, SB calls $4.50, 1 fold, Hero...

აქ სიტუაცია შეიცვალა: ამჯერად CO აკეთებს 3-ბეთს და საკმაოდ თაითმა პატარა ბლაინდმა მოულოდნელად დაქოლა. იშვიათად ნახავთ რომ TAG-მა 3-ბეთი დაქოლოს ბლაინდზე. მას აქ ან ძალიან ძლიერი სპეკულატიური ხელი ყავს ან ძლიერი ხელი გათამაშების მაღალი პოტენციალით, რომლითაც როგორც თავად თვლის აქვს საკმარისი იმფლაიდ ოდსები. ასევე შესაძლებელია მახეს აგებდეს მონსტრით.

თქვენ კვლავაც რთული გადაწყვეტილების წინაშე დგახართ, მაგრამ არჩევანი ორი გაქვთ, ფოლდის განხილვაც არ ღირს. ბოლო სიტყვა თქვენია და თქვენ შეგიძლიათ უბრალოდ დაქოლოთ სეტ ველიუსთვის. თუ თქვებ ფლოპზე სეტს დაიჭერთ თითქმის ყოველთვის მოახერხებთ საჭირო თანხის მოგებას. თუ ფლოპზე ოვერწყვილი გეყოლებათ, ცხადია სიტუაცია აღარ იქნება ასე მიმზიდველი, მაგრამ ასეთ შემთხვევაშიც ვერ ვიტყვით რომ ბანკი დავკარგეთ. თქვენ უნდა შეეგუოთ იმ ფაქტს, რომ პოსტფლოპზე თქვენ სენდვიჩში იქნებით მოქცეულნი.

როგორც უკვე აღვნიშნეთ მსგავს სიტუაციებში ყველაზე მეტი უნდა ვიფიქროთ 4-ბეთზე. პრინციპში CO-ს ბევრი ხელით შეეძლო 3-ბეთის გაკეთება და ასევე მზად არის ოლინი თქვას ჩვენსაზე სუსტი ხელითაც. იმის ალბათობა რომ ის დაქოლავს ჩვენს 4-ბეთს ისეთი ხელებით როგორებიცაა AK, AQ ან JJ- გაცილებით მაღალია, ვიდრე იმის რომ მსგავსად ითამაშებს თაგი.
ცხადია პრობლემებს ქმნის მოთამაშე პატარა ბლაინდზე, მაგრამ იმისთვის რომ მისი მხრიდან მონსტრი ვივარაუდოთ ინფორმაცია არ გვყოფნის. ხშირად მას ეყოლება ჯიბის წყვილი, რომლითაც სტეკის მოგება უნდა თუ სეტს დაიჭერს ფლოპზე.

ხშირ შემთხვევაში საუკეთესო თამაში 4-ბეთ/ქოლია მაგრამ როგორც პირველ მაგალითში ასევე აქაც უბრალო ქოლიც შესაძლებელია.

მაგალითი 4

PartyPoker $25 NL Hold'em (6-handed)

Pre-flop: Hero is UTG with Q, Q

Hero raises to $1.00, 4 folds, BB raises to $3.25, Hero...

თქვენს რეიზზე ყველა წვება თქვენთვის უცნობი დიდი ბალინდის გარდა, რომელიც აკეთებს 3-ბეთს. რიდსები თქვენ არ გაქვთ. შესაბამისად არ გაქვთ წარმოდგენა მის შესაძლო დიაპაზონზე. დასაშვებია ქოლი რადგან პრეფლოპზე ბოლო სიტყვა თქვენ გეკუთვნით, ხოლო პოსტფლოპზე ითამაშებთ ერთი-ერთზე და იქნებით პოზიციაში. თუ ფლოპზე ოვერწყვილი გეყოლებათ, მარტივად მიხვალთ დასკვნამდე რომ სტეკზე უნდა ითამაშოთ. მისი გადაყრა მსგავს სიტუაციებში არ იქნებოდა მართებული.

ცხადია ჩვენ ყოველთვის გვაქვს 4-ბეთის ვარიანტი. ამ შემთხვევაში შესაძლებელია 4 ბეთის დაბალანსება. ზოგჯერ 3-ბეთი ზოგჯერ ქოლი, მაგრამ უპირატესობა მაინც 4-ბეთს უნდა მიანიჭოთ.

რეზიუმე

ძლიერი ხელებით უმეტეს შემთხვევებში თქვენ წინ ხართ პრეფლოპზე, AK-ს გათამაშება თითქმის ყველა მაგალითში იგივენაირი იქნებოდა როგორიც QQ-ის იყო. უძლიერესი ხელებით თქვენი უმთავრესი მიზანი დაცვა და ბანკის გაზრდა უნდა იყოს. მსგავსი ხელების სწორხაზოვანი გათამაშება თითქმის არასდროს არ არის შეცდომა.

როგორ ვითამაშოთ საშუალო სიძლიერის ხელებით?

საშუალო სიძლიერის ხელებში ვგულისხმობთ ისეთებს როგორებიცაა: AQ, AJ, AT, KQ, KJ და JJ-88. FR ს ორი მაგალითით ჩვენ შევეცდებით გავაანალიზოთ სიტუაცია, როდესაც პოტენციურად დომინირებადი ხელებით ვთამაშობთ.

საწყისი სიტუაცია

PartyPoker $25 NL Hold'em (10-handed)

Stacks & Stats
UTG ($25)
UTG+1 ($25) (40/5/0.3/35/432) [VPIP/PFR/AF/WTS/Hands]
UTG+2 ($25)
MP1 ($25)
MP2 ($25)
Hero ($25)
CO ($25) (8/5/1.8/18/371) [VPIP/PFR/AF/WTS/Hands]
BU ($25) (15/12/2.1/23/800) [VPIP/PFR/AF/WTS/Hands]
SB ($25)
BB ($25) (12/9/2.6/21/333) [VPIP/PFR/AF/WTS/Hands]

Pre-flop: Hero is MP3 with A , J

… ორივე მაგალითში თქვენ იმყოფებით MP3-ის პოზიციაზე და თქვენამდე არავის გამოუჩენია აგრესია. მაგიდაზე 4 მოთამაშე ზის რომლებზეც გაქვთ ინფორმაცია.

თქვენამდე ზის UTG+1 (საკმაოდ ლუზ მოთამაშე რომელიც ბევრს ლიმპავს და ქოლავს). თქვენს შემდეგ სხედან მოთამაშეები რომელთა წინააღმდეგ თამაში არც თუ ისე მომგებიანია. CO (8/5) შეგვიძლია ჩავთალოთ რომ როქია, ბათონი (15/12) რომელიცTAG-ია და დიდი ბლაინდი (12/9) რაღაც ამ ორს შორის.

როგორია გათამაშების იდეალური განვითარება თქვენთვის? თქვენ გყავთ ხელი, რომლისაგანაც ტოპ წყვილი/ტოპ კიკერზე ძლიერ კომბინაციას არ უნდა ელოდოთ. შესაბამისად თქვენ გინდათ იბრძოლოთ პატარა ბანკისთვის, სასურველია ჰედზ-აფში ლუზ მოთამაშის წინააღმდეგ. უფრო სუსტი ხელი იშვიათად გადაიხდის მსგავს სიტუაციაში.

რამდენიმე ოპონენტის წინააღმდეგ თქვენი ხელი საკმაოდ კარგავს ძალას. ამასთან თქვენ არ გინდათ ითამაშოთ დიდ ბანკზე თქვენს შემდეგ მსხდომი თაით მოთამაშეების წინააღმდეგ, რადგან ამ სამი ადამიანიდან არცერთი არ გადაგიხდით უარესი ხელებით, როგორი ფლოპიც არ უნდა ამოვიდეს.

მაგალითი 1

PartyPoker $25 NL Hold'em (10-handed)

Pre-flop: Hero is MP3 with A , J

1 fold, UTG+1 calls $0.25, 3 folds, Hero raises to$1.25, 1 fold, BU raises to $4.00, 2 folds, UTG+1 calls $4.00, Hero...

ყველაფერი ისე ხდება როგორც წარმოგედგინათ UTG+1 ლიმპავს, სხვები წვებიან. როგორც უკვე აღვნიშნეთ ჰედზაფის გათამაშება მსგავს ოპონენტთან თქვენთვის პრობლემას არ წარმოადგენს. თქვენი ხელი საკმაოდ წინ დგას მისი დიაპაზონის წინააღმდეგ და თქვენ შეგიძლიათ მიიღოთ ველიუ უფრო სუსტი ხელებისგან.

თუმცა სიხარულმა დიდხანს არ გასტანა ბათონმა 3-ბეთი გააკეთა. ცხადია ეს არ შედიოდა ჩვენს გეგმებში, ბათონის წინააღმდეგ პოსტფლოპზე უპოზიციოდ იქნებით. ლუზი მოთამაშე ქოლავს რითიც საკმაოდ მიმზიდველ პოტ-ოდსებს გვაძლევს. ახლა როგორც სხვა შემთხვევებში, მოქმედების 3 გზა გვრჩება: ფოლდი, ქოლი, 4-ბეთი.

თავიდან განვიხილოთ 4-ბეთის ვარიანტი. ბათონს სოლიდური მოთამაშის სტატისტიკა აქვს. შესაბამისად თქვენ უნდა გამოხვიდეთ იქიდან, რომ ის რეგულარია და ყურადღებას აქცევს თქვენი თამაშის მანერას. მას აუცილებლად ეცოდინება, რომ თქვენ მსგავს სიტუაციებში უფრო გააფართოვებთ რეიზის დიაპაზონს, რადგან თქვენამდე თამაშში მხოლოდ ლუზი UTG+1 შევიდა. მაგრამ მან ასევე იცის რომ თქვენ აბსოლუტური ნაგავით დარიგებში არ შეხვიდოდით, შესაბამისად მისი 3-ბეთი ძალის დემონსტრირებაც არის.

თუ თქვენ 4-ბეთს გააკეთებთ მაშინ მსგავსი მოქმედება ბლეფის ტოლფასი იქნება, რადგან თქვენ ვერ იქნებით დარწმუნებული რომ თქვენ დაგიქოლავთ ან ოლინს იტყვის უფრო სუსტი ხელი. შესაბამისად 4-ბეთი მსგავს სიტუაციებში კატეგორიულად გამორიცხულია. ქოლი არ იქნებოდა ცუდი რომ არა რამდენიმე პრობლემა:

AJo ხშირად იქნება დომინირებული.
თქვენ სენდვიჩში ხართ UTG+1-სა და ბათონს შორის.
თქვენ არ გინდათ მულტიპოტის თამაში, რამდენიმე ოპონენტის წინააღმდეგ თქვენი ხელი საგრძნობლად კარგავს ძალას.

რა სახის ბორდის ნახვა გსურთ და როგორ ითამაშებთ მასზე? ბორდზე მაღალი კარტით ტუზი იდეაში თქვენ სტეკზე უნდა ითამაშოთ. მაგრამ ძნელი წარმოსადგენია რომ მსგავს სიტუაციაში თქვენ გადაგიხდით უარესი ხელი მაგ.: AT ან უფრო სუსტი. KK-ს მსგავსი ხელები ტუზის დანახვისას აღარ მოისურვებენ ბანკში ფულის დაბანდებას. არ ღირს მსგავსი ხელით დიდი მოლოდინის შექმნა, უბრალოდ დაუჯერეთ ბათონს და დაყარეთ უარესი ხელი.

მაგალითი 2

PartyPoker $25 NL Hold'em (10-handed)

Pre-flop: Hero is MP3 with A , J
UGT calls $0.25, UTG+1 calls $0.25, 2 folds, MP2 calls $0.25, Hero...

ეს მაგალითი გავს წინას მაგრამ ამჯერად UTG+1 თან ერთად თამაშში კიდევ ორი მოთამაშეა. ზემოთნახსენები გეგმა ჰედსაფი UTG+1 ის წინააღმდეგ რთული განსახორციელებელი ხდება.

თქვენ ასევე შეგიძლიათ გააკეთოთ რეიზი და რაც შეიძლება მეტი მოწინააღმდეგე აიძულოთ დაყაროს კარტი. მაგრამ ეს ვერ დაგიცავთ მულტიპოტისგან, რადგან თუ რომელიმე მოთამაშე თქვენს შემდეგ ქოლს გააკეთებს, ლიმპერები ჩათვლიან რომ ეს სწორედ ის არის რაც მათ უნდოდათ.

რეზულტატი დაემსგავსებოდა წინა დარიგებას. მულტიპოტი და მაღალი კარტი ტუზი არ არის ის რისი ხილვაც თქვენ გსურთ მსგავსი ხელით. მიუხედავად ყველაფრისა რეიზის სასარგებლოდ ბევრი ფაქტორი მეტყველებს:

თქვენ უნდა აიძლოთ რაც შეიძლება მეტი მოთამაშე რომ დაყარონ კარტი.
თქვენს შემდეგ სხედან საკმაოდ თაით მოთამაშეები, ამიტომ უბრალო ქოლი ნაკლებ ალბათურია. თუ ვინმე თქვენს შემდეგ 3-ბეთს გააკეთებს, მაშინ ისევე როგორც წინა მაგალითში თქვენ ადვილ ფოლდს გააკეთებთ.
AJ ჯერ-ჯერობით საუკეთესო ხელს გავს და თქვენ არეიზებთ ველიუსთვის.
თქვენ კარგი შედარებითი პოზიცია გაქვთ ყველა იმ მოთამაშესთან რომელიც თამაშში შემოვიდა.

მაშ ასე რეიზის ვარიანტი მომგებიანია, მაგრამ არსებობს სხვა ვარიანტებიც:

თუ თქვენც ლიმპს გააკეთებთ, მიიღებთ ზუსტად იმ სიტუაციას რომელიც არ გსურთ. ანუ მულტიპოტს. რისი დანახვა გსურთ ბორდზე? ამასთან თქვენს შემდეგ სხედან მოთამაშეები, რომლებიც დიდი ალბათობით დაარეიზებენ. ასეთ შემთხვევაში თქვენ ქოლის გაკეთება მოგიწევთ და ითამაშებთ ინიციატივის გარეშე დიდ ბანკში პრობლემური ხელით. ან უნდა დაწვეთ. ორივე ხაზი საკმაოდ წამგებიანია.

მაშ ასე თუ რეიზის გაკეთება არ გსურთ, მაშინ ფოლდი უფრო მომგებიანია ვიდრე ლიმპი. არჩევანის შეჩერება რეიზსა და ფოლდს შორის ხდება მაგიდასთან საკუთარი იმიჯის გათვალისწინებით. თუ აქამდე ძალიან აქტიური იყავით მაშინ ფოლდი იძენს მეტ აზრს. ხოლო თუ დიდი ხნის მანძილზე არ მოგდიოდათ სათამაშო კარტი, მაშინ დროა აგრესიაზე გადახვიდეთ.

მოდით ახლა სხვა საშუალო სიძლიერის ხელებითაც ვითამაშოთ მაგ.: KQ-KT. აი სამი მაგალითი 6 კაციანი მაგიდიდან. ოპონენტები იგივენი არიან რაც წინა მაგალითებში, მაგრამ ამჯერად თქვენ პატარა ბლაინდზე ზიხართ ცოტა სხვანაირი ხელით. ყველა მაგალითში ჩვენამდე აგრესია არ ყოფილა, ანუ იყვნენ მხოლოდ ლიმპერები.

მაგალითი 3

PartyPoker $25 NL Hold'em (6-handed)

Stacks & Stats
CO ($25)
MP ($25) (34/12/1.1/28/101) [VPIP/PFR/AF/WTS/Hands]
UTG ($25)
BB ($25) (16/13/2.5/21/456) [VPIP/PFR/AF/WTS/Hands]
Hero ($25)
BU ($25) (26/22/3.4/22/390) [VPIP/PFR/AF/WTS/Hands]

Pre-flop: Hero is SB with K , Q
1 fold, MP calls $0.25, 2 folds, Hero raises to $1.50, BB raises to $6.00, MP folds, Hero...

თქვენ KQo გყავთ, საკმაოდ ძლიერი ხელი პატარა ბლაინდისთვის. მოთამაშე საშუალო პოზიციიდან ლიმპავს. თქვენ მას იცნობთ როგორც საკმაოდ ლუზ მოთამაშეს.

თქვენს შემდეგ მხოლოდ დიდი ბლაინდია, რომელიც შეგვიძლია TAG სტილის მოთამაშეს მივაკუთვნოთ.

როგორია იდეალური სცენარი მსგავს სიტუაციაში? ლუზი მოთამაშის იზოლირება კარგი იქნებოდა, რადგან ჩვენ ვგულისხმობთ რომ ის დაქოლავს უფრო სუსტი ხელებითაც. ცუდ ხელებში არამარტო ჯიბის წყვილებს და ერთი ფერის კონექტორებს ვგულისხმობთ, არამედ გაცილებით უფრო სუსტ ხელებსაც. ზუსტად ასევე გულისხმობთ რომ ის თამაშში შემოვა ისეთი ხელებით რომლებიც დომინაციაში გყავთ მოქცეული მაგ.: KJ ან QJ. ამიტომ თქვენ უბრალოდ ვალდებული ხართ გააკეთოთ რეიზი. რაც ნამდვილად არ გვინდა არის ექშენი დიდი ბლაინდის მხრიდან.

მაშ ასე თქვენ გააკეთეთ $1,50- იანი რეიზი რაც 6BB-ს ტოლფასია. რეიზი სტანდარტულზე ცოტა დიდია, რადგან თქვენამდე ერთი ლიმპერია, რომლის ქოლის შემთხვევაშიც უპოზიციოდ იქნებით პოსტფლოპზე.

თქვენს შემდეგ საკმაოდ თაითი დიდი ბლაინდი ასრულებს 3-ბეთს, ლუზი ლიმპერი წვება, თქვენ სამი ვარიანტი გაქვთ: ფოლდი, ქოლი, 4-ბეთი.

როგორც უკვე აღვნიშნეთ 3-ბეთი დიდი ბლაინდისგან იყო ყველაზე ცუდი რამ რაც შეიძლება მომხდარიყო. თუ თქვენ 4-ბეთს გააკეთებთ, უარესი ხელი არასდროს არ იტყვის ოლინს. შესაბამისად 4-ბეთი მსგავსი ხელით სუფთა ბლეფის ექვივალენტურია.

ასევე ქოლიც არ არის საუკეთესო გამოსავალი, რადგან ხელების ის კატეგორია, რომელსაც თქვენი ხელი განეკუთვნება ხშირად აღმოჩნდება დომინირებული. ამ შემთხვევაში ისეთი ხელებით როგორებიცაა AQ და AK. პოსტფლოპზე არ გადაგიხდით არცერთი უარესი ხელი ვიდრე თქვენია. ამ ყველაფერს დაუმატეთ თან ისიც, რომ უპოზიციოდ იქნებით პრეფლოპ აგრესორის წინააღმდეგ. მოკლედ რომ ვთქვათ მივედით დასკვნამდე, რომ ეს სიტუაცია აშკარა ფოლდია.

მაგალითი 4

PartyPoker $25 NL Hold'em (6-handed)

Stacks & Stats
UTG ($25)
MP ($25) (34/12/1.1/28/101) [VPIP/PFR/AF/WTS/Hands]
CO ($25)
BU ($25) (26/22/3.4/22/390) [VPIP/PFR/AF/WTS/Hands]
Hero ($25)
BB ($25) (16/13/2.5/21/456) [VPIP/PFR/AF/WTS/Hands]

Pre-flop: Hero is SB with K, T
1 fold, MP calls $0.25, CO calls $0.25, BU calls $0.25, Hero...

წინა მაგალითისგან განსხვავებით თქვენ ახლა სამი ლიმპერი და გაცილებით სუსტი ხელი KTo გყავთ. ლუზ MP-სთან ერთად დარიგებაში უცნობი CO და ძალიან აგრესიული ბათონი არიან. მისგან ლიმპი მოულოდნელია, რადგან აქამდე მხოლოდ ფოლდ/რეიზი ხაზით თამაშობდა. მიუხედავად ყველაფრისა ეს ლიმპი მაინც ვერ ცვლის საერთო სურათს.

თქვენ ცხადია შეგიძლიათ გააკეთოთ რეიზი, მაგრამ კვლავ აწყდებით იმ პრობლემას რაც უკვე ვახსენეთ: თქვენ არ დაგიქოლავთ არცერთი ხელი რომელიც დომინაციაში გყავთ. მაგიდაზე თუ პაპა დაიდება თქვენი გადაწყვეტილებები აღარ იქნება მარტივად მისაღები, თუ რომელიმე მოწინააღმდეგე დიდი ბანკის თამაშის სურვილს გამოთქვამს. მსგავსი ხელით თქვენ ხშირად მაღალი უკუ მოსალოდნელი პოტ ოდსები გექნებათ (ის სავარაუდო თანხა რომელსაც წააგებთ) და ამასთან ვერ იქნებით დარწმუნებული რომ სამივე ლიმპერს გააგდებთ დარიგებიდან.

მსგავს სიტუაციებში შესაძლებელია როგორც ქოლი ასევე ფოლდი. მშვენიერი ოდსებია და თქვენ ცხადია არ ითამაშებთ მთლიან სტეკზე, მხოლოდ ტოპ წყვილით. მაშ ასე ლიმპი მსგავს სიტუაციაში საუკეთესო გადაწყვეტილებაა.

მაგალითი 5

PartyPoker $25 NL Hold'em (6-handed)

Pre-flop: Hero is SB with K, J
UTG calls $0.25, 3 folds, Hero...

თითქოს KT-სა და KJ-ს შორის არ არის დიდი სხვაობა და მსგავს სიტუაციაშიც ქოლი უნდა გავაკეთოთ, მაგრამ ამ მაგალითში მდგომარეობა ცოტათი იცვლება.

მოთამაშე ადრეული პოზიციიდან ლიმპავს, შემდეგი სამი ყრის კარტს. თქვენს შემდეგ როგორც აქამდე ზის TAG-ი, რომელმაც შეიძლება იზოლაცია გაუკეთოს UTG-ს რადგან თქვენს ქოლს სისუსტედ ჩათვლის. ამიტომ თქვენ თავად უნდა დაარეიზოთ.

მეოთხე მაგალითისგან განსხვავებით ერთი ლიმპერის წინააღმდეგ თქვენ გაქვთ საკმარისი ფოლდ-ექუითი. ლიმპი UTG და ხშირ შემთვევაში სისუსტის ნიშანია, ზოგიერთი მოთამაშე ლიმპ/ფოლდს თამაშობს ზოგიერთი კი ლიმპ/ქოლს - დაბალი ჯიბის წყვილებით. ზოგიერთი მათგანი ავტომატურად ყრის ჩვენს კონტბეთზე.

ამასთან KJs-ით თქვენ შეგიძლიათ წარმატებულად მოხვდეთ ფლოპში. ერთი ფერი ქუითის უმატებს თქვენს ხელს. 3 ბეთის შემთხვევაში ცხადია ადვილ ფოლდს გააკეთებთ. საბოლოო ჯამში იზოლაციური რეიზი საუკეთესო ალტერნატივაა მსგავს შემთხვევებში.

რეზიუმე

ამ მაგალითებმა საკმაოდ ცხადად აჩვენეს საშუალო სიძლიერის ხელების პრობლემატიკა. თუ თქვენ აგრესიის დემონსტრირებას ახდენთ დიდია უკეთესი ხელებისგან ქოლის მიღების ალბათობა. მსგავსი ხელებით რთულია რეალურად ძლიერი ხელის აწყობა ფლოპზე. თუ თქვენ პრეფლოპზეც ვერ ხედავთ საკმარის ფოლდ-ექუითის, პასიური თამაში საუკეთესო გადაწყვეტილება იქნება.

როგორ გავათამაშოთ მარგინალური ხელები?

მარგინალურ ხელებში ვგულისხმობთ დაბალ ჯიბის წყვილებს და ერთიფერის კონექტორებს. მათი თავისებურება იმაში მდგომარეობს, რომ ისინი ხშირად უკან არიან პრეფლოპზე ექუითის კუთხით, მაგრამ აქვთ ფლოპზე მონსტრად ქცევის პოტენციალი და თითქმის არასდროს არ ხვდებიან დომინაციაში. ამ ფაქტორების გათვალისწინებით მსგავს ხელებს საკმაოდ მაღალი გათამაშების პოტენციალი გააჩნიათ. რადგან თქვენ ხომ უკვე ფლოპზევე იცით რას წარმოადგენს თქვენი ხელი, ეს ფაქტორი თავიდან გარიდებთ რთულ და წამგებიან გადაწყვეტილებებს პოსტფლოპზე.

თავიდან განვიხილოთ 10 კაციანი მაგიდის ორი მაგალითი. თუ თქვენ კარგი პოზიცია გაქვთ და თქვენამდე ბევრი მოთამაშე შემოვიდა ლიმპით, თქვენც შეგიძლიათ გალიმპოთ და დაელოდოთ თქვენთვის სასურველ ფლოპს. თუ თქვენ ააწყობთ მონსტრს, მაშინ ოპონენტები ხშირად გადაიხდიან. ხოლო თუ დროუს გათამაშება მოგიწევთ, ხშირ შემთხვევაში კარგი პოტ-ოდსები გექნებათ.

მაგალითი 1

PartyPoker $25 NL Hold'em (10-handed)

Stacks & Stats
UTG ($25)
UTG+1 ($25) (40/5/0.3/35/432) [VPIP/PFR/AF/WTS/Hands]
Hero ($25)
MP1 ($25)
MP2 ($25)
MP3 ($25)
CO ($25) (8/5/1.8/18/371) [VPIP/PFR/AF/WTS/Hands]
BU ($25) (15/12/2.1/23/800) [VPIP/PFR/AF/WTS/Hands]
SB ($25)
BB ($25) (12/9/2.6/21/333) [VPIP/PFR/AF/WTS/Hands]

Pre-flop: Hero is UTG+2 with 4, 4
1 fold, UTG+1 calls $0.25, Hero raises to $1.25, 4 folds, BU raises to $4.00, 3 folds, Hero...

ამ დარიგებაში სტანდარტულზე მეტი შეკითხვები იქნება: თქვენ ზიხართ UTG+2 პოზიციაზე და გყავთ 44-მარგინალური ხელი. უნდა დაარეიზოთ, დაყაროთ თუ დაქოლოთ?

თქვენ აცნობიერებთ რომ 44-ით იშვიათად იქნებით წინ და მხოლოდ ძალიან ცოტა უარესი ხელი დაქოლავს თქვენს რეიზსს. პოსტფლოპზე ძალიან გაგიჭირდებათ შოუდაუნამდე მისვლა, ცხადია თუ სეტს არ დაიჭერთ.

თუმცა თუ მაინც მოგივათ სეტი, თქვენ მის სანაცვლოდ კარგად გადაგიხდიან. ჯერ ჯერობით ბანკში მხოლოდ UTG+1-ია, რომელიც ძალიან გავს ავტომოპასუხეს.

როგორც ყოველთვის სამი ვარიანტი გაქვთ. ფოლდი ადრეულ პოზიციაში მისაღებია, თვლით რომ თქვენ არასაკმარისი იმფლაიდ ოდსები გაქვთ. თქვენ იცით რომ თქვენს შემდეგ მინიმუმ 3 აგრესიული მოთამაშე ზის, რომლებიც სიამოვნებით დაარეიზებენ. მაშ ასე თუ ლიმპს გადაწყვეტთ ლიმპ/ქოლის თამაში მოგიწევთ, რაც თქვენს ხელს ოპონენტთათვის ადვილად წაკითხვადს გახდის. მეორეს მხრივ ბანკში შეიძლება ლუზი UTG+1 დარჩეს, რომელიც აანაზღაურებს ჩვენს დანაკარგებს, სეტის დაჭერის შემთხვევაში.

ორივე სვლა მომგებიანია, მაგრამ რეიზსაც აქვს თავისი უპირატესობები. TAG-ები თქვენს შემდეგ იშვიათად გააკეთებენ 3-ბეთს და თქვენ ფლოპზე გექნებათ ინიციატივა და მძლავრი იარაღი - გაგრძელებული ფსონი. საკმაოდ ალბათურია რომ პრეფლოპზე უკეთესმა ხელმა გაასწოროს, მაგრამ დაყაროს კონტბეთის შემდეგ. ყველაფრის გათვალისწინებით ჩვენ რეიზს ვაკეთებთ პრეფლოპზე.

თუმცა ბათონის მაინც აკეთებს 3-ბეთს. თქვენ ეს ნამდვილად არ მოგწონთ, რადგან მასთან მიმართებაში პოსტფლოპზე უპოზიციოდ თამაში მოგიწევთ, რაც როგორც ვიცით დიდი დანაკლისია. ასეთ შემთხვევაში ძნელი იქნება ძლიერი ხელის ყოლის შემთხვევაში ველიუს მიღება. ჯიბის წყვილის მომგებიანად გათამაშებისთვის, არამარტო ის არის საჭირო რომ სეტი დავიჭიროთ, არამედ ისიც რომ ოპონენტს ყავდეს ისეთი სიძლიერის ხელი, რომლითაც მზად იქნება სტეკზე სათამაშოდ, ასევე საჭირო წმინდა ტექნიკურად ისე წაიყვანოთ გათამაშება, რომ რივერზე ოლინი ოვერბეთი არ იყოს. პოზიციაში ამის შესრულება გაცილებით ადვილია ვიდრე უიმისოდ. გარე პოზიციაში თამაშისას თქვენ იძულებული ხართ დროზე ადრე გათქვათ თქვენი ხელის სიძლიერე.

მეორეს მხრივ 3-ბეთ ბანკში, ოპონენტები ხშირად გადაიხრებიან ოლინისკენ, რადგან პრეფლოპზევე აჩენეს ძალა. ამასთან გადაწყვეტილების მიღებაზე იმოქმედებს ის ფაქტიც დაქოლავს თუ არა 3-ბეთს ავტომოპასუხე. თქვენ იცით რომ ის ქოლავს ბევრს და ხშირად, შესაბამისად შესაძლოა კარგი სამიზნე აღმოჩნდეს ჩვენი სეტისთვის. მაშ ასე თუ UTG+1 დარჩება თამაშში, თქვენც ქოლავთ.

რეალურ დარიგებაში ის დაწვა. თქვენ დარჩით ერთი-ერთზე TAG-თან, გარე პოზიციაში. თქვენ იცით რომ სეტის მოსვლის ალბათობა 12,5%-ია, თეორიულად რამდენის მოგება შეგიძლიათ პოსფლოპზე?

ბანკში უკვე $5.50-ია, ოპონენტს სტეკში $21 დარჩა. შესაბამისად თქვენ შეგიძიათ მოიგოთ მაქსიმუმ $26.50. ამისთვის თქვენ $2.75 უნდა გადაიხადოთ. სასურველ მოსალოდნელ პოტ ოდსებს 10:1 თან ვერ იღებთ (2,5% შემთხვევებში წააგებთ როდესაც სეტს დაიჭერთ, დაეჯახებით მაღალ სეტს ან უკეთესს) ხოლო call20-ის წესამდე საერთოდ ძალიან შორია. ამ შემთხვევაში ფიქრი მხოლოდ ფოლდზე შეიძლება.

მაგალითი 2

PartyPoker $25 NL Hold'em (10-handed)

Pre-flop: Hero is MP3 with 5, 6
1 fold, UTG+1 calls $0.25, 3 folds, Hero raises to $1.25, 2 folds, BB raises to $4.00, UTG+1 calls $3.75, Hero...

ამ მაგალითშიც ღირს განვიხილოთ ყველა შესაძლო ვარიანტი. თქვენ საშუალო პოზიციაში ხართ 56s-ით. რაც საკმაოდ კარგი ერთი ფერის კონექტორია, იმას რომ UTG+1 ძალიან უყვარს ფლოპის თქვენ უკვე შეეგუეთ.

თქვენ თავისუფლად შეგიძლიათ დაყაროთ კარტი, რადგან ერთი ფერის კონექტორების გათამაშება პოსტფლოპზე საკმაოდ რთულია და მოთამაშის მხრიდან გარკვეულ გამოცდილებას მოითხოვს.

მიუხედავად ყველაფრისა რეიზი მაინც გამართლებულია, რადგან ჩვენს შემდეგ ჩვენთვის ცნობილი მოთამაშეები სხედან, რომელთა წინააღმდეგაც თქვენ დანამდვილებით გაქვთ ფოლდ-ექუითი. ლიმპი კი პირიქით ძალიან სუსტი თამაშია, რადგან თქვენს შემდეგ ხშირად გაკეთდება რეიზი და მისი დაქოლვა ოდნავ მომგებიანი იქნება თუ საერთოდ წამგებიანი არა. თქვენ უფრო იშვიათად გეყოლებათ სთრეითი ან ფლეში ვიდრე სეტი გეყოლებოდათ ჯიბის წყვილის შემთვევაში, ხშირად თქვენ ფლოპზე გეყოლებათ მხოლოდ დროუ-ხელი. თქვენს კონექტორს ჰაერივით სჭირდება ცოტა ფოლდ-ექუითი, ამიტომ მსგავს სიტუაციებში რეიზი უფრო გამართლებულია, ვიდრე ქოლი.

მაგრამ მოულოდნელად BB 3-ბეთს აკეთებს. ავტომოპასუხე ამჯერად რჩება ბანკში. წინა მაგალითში ვთქვით რომ ასეთ შემთხვევაში გამართლებული იქნებოდა 3-ბეთის დაქოლვა. მაგრამ ახლა პრობლემა მდგომარეობს იმაში, რომ ფლოპში მოხვედრის შემთხვევაში ჩვენ ხშირად გვეყოლება დროუ-ხელი (მზა სთრეითი ან ფლეში მოგვივა ძალიან იშვიათად) რომელიც იდეაში აგრესიულად უნდა გავათამაშოთ. კიდევ ერთი შეკითხვა, გაქვთ თქვენ საკმარისი ფოლდ-ექუითი ავტომოპასუხის წინააღმდეგ? თქვენთვის ასევე უცნობია გაქვთ თუ არა საკმარისი იმპლაიდ ოდსები BB-სთან მიმართებაში. ერთადერთი უპირატესობა რომელსაც ვფლობთ პოსტლოპზე ჩვენი პოზიციაა, ვაჭრობის ყველა რაუნდში გადაწყვეტილებას უკანასკნელნი მივიღებთ. ამ მნიშვნელოვანმა ფაქტორმა, შესაძლოა ქოლისკენ გადაგხაროთ, მაგრამ სტანდარტულ თამაშში, თქვენ ფოლდს უნდა მიანიჭოთ უპირატესობა.

10 კაციანი მაგიდისგან განსხვავებით, თქვენ შეგიძლიათ ნაკლები მოთხოვნები წაუყენოთ სასტარტო ხელებს 6 კაციან მაგიდებზე. მოკლე მაგიდებზე დაბალი ჯიბის წყვილები გათამაშების პოტენციალიდან გამომდინარე კვლავაც სპეკულაციურ ხელად ითვლება, მაგრამ 10 კაციანი მაგიდისგან განსხვავებით საუკეთესო კომბინაციაც იქნება შოუდაუნზე. ყოველ შემთხვევაში უფრო ხშირად ვიდრე 10 კაციან მაგიდაზე.

ამიტომ ნებისმიერი ჯიბის წყვილით ნებისმიერი პოზიციიდან თქვენ თამაშში რეიზით უნდა შეხვიდეთ. იგივე ლოგიკა მუშაობს ერთი ფერის კონექტორების შემთხვევაშიც დაწყებული 54s+ -დან თქვენ შეგიძლიათ ააწყოთ სთრეითი ორივე მხრიდან, რაც ბრწყინვალე გათამაშების პოტენციალს აძლევს მსგავს ხელებს.

განსაკუთრებით გვიანი პოზიციებიდან თამაშში ყოველთვის რეიზით უნდა შეხვიდეთ და არავითარ შემთხვევაში ლიმპით (საუბარია სიტუაციებზე როდესაც პირველები ვხსნით ვაჭრობას). თქვენი და ოპონენტების თამაშის სტილის, იმიჯის და მაგიდის დინამიკიდან გამომდინარე, შეგიძლიათ დაარეიზოთ ადრეული პოზიციებიდანაც.

იმის გამო რომ ჩვენ საკმაოდ დიდ დროს ვუთმობთ ამ 2 კატეგორიის ხელების განხილვას, სხვადასხვა სტატიებში, გადავიდეთ არანაკლებ მნიშვნელოვან დაჯგუფეზე, როგორებიცაა სხვადასხვა ფერის კონექტორები, კონექტორები ხვრელით (Gap Hands - მაგ.: 86 ან 74) დაბოლოს ერთი ფერის ტუზები.

სამივე შემთხვევაში თქვენ სხედხართ პატარა ბლაინდზე, დარიგება სამივე შემთხვევაში ერთნაირია. დარიგების განვითარების ანალიზი არ მოხდება, რადგან ვგულისხმობთ რომ მსგავსი ხელით ყოველ ჩვენს რეიზს მოჰყვება ოპონენტის 3-ბეთი.

ასევე სამივე შემთხვევას განვიხილავთ იმ შემთხვევისთვის როდესაც ბათონზე ვიჯდებით.

მაგალითი 3

PartyPoker $25 NL Hold'em (6-handed)

Pre-flop: Hero is SB with 4, 5
1 fold, MP calls $0.25, 2 folds, Hero...

თქვენ სხვადასხვა ფერის კონექტორი გყავთ. MP ლუზია. სპეკულაციური ხელის აგრესიულად გასათამაშებლად აუცილებელია საკმაოდ მაღალი ფოლდ-ექუითი. ცხადია პატარა ბლაინდზე თამაშისას პოსტფლოპზე უპოზიციოდ თამაში მოგიწევთ, რაც ართულებს საქმეს.

დიდი ბლაინდი საკმაოდ თაით მოთამაშეა. ამიტომ თქვენ ხშირად მოახერხებთ ავტომოპასუხის იზოლირებას. მაგრამ პოზიციის უქონლობის გამო თქვენ თავს იკავებთ მსგავსი ქმედებისგან.

არის ასევე ქომფლითის ვარიანტი. ოდსები ცუდი არ არის, მაგრამ ორივე ოპონენტის წინააღმდეგ, თქვენ უპოზიციოდ იქნებით. ასევე დიდ ბლაინდს შეიძლება თავში რეიზის აზრმა გაუელვოს. დისტანციაზე თქვენ გაგიჭირდებათ ასეთ სიტუაციებში ველიუს აკრეფვა. ამიტომ თქვენ გადაწყვიტეთ არ შეხვიდეთ თამაშში.

სცენარი 2: თქვენ ბათონზე სხედხართ

ბათონზე თქვენ პოზიციის აბსოლუტური უპირატესობა გაქვთ. თუ MP რეიზს დაქოლავს, თქვენ ხშირად გაძლიერების გარეშე წაიღებთ ბანკს, ასევე საშუალება გექნებათ უფასოდ ნახოთ შემდეგი კარტი, თუ დროუ ხელი ამის აუცილებლობას განაპირობებს. ამიტომ რეიზი ბათონიდან დიდ ყურადღებას იმსახურებს, მაგრამ ეს ყველაფერი 54o არ აძლიერებს ექუითის კუთხით, შესაბამისად ფოლდი მსგავს სიტუაციაში არასდროს არ იქნება შეცდომა. ცხადია რომ ლიმპს საერთოდ არ განვიხილავთ.

მაგალითი 4

PartyPoker $25 NL Hold'em (6-handed)

Pre-flop: Hero is SB with 8 , J
1 fold, MP calls $0.25, Hero...

ამჟამად თქვენ ერთი ფერის გეპერი გყავთ ორი ხვრელით. შესაბამისად თქვენი შესაძლებლობები პოსტფლოპზე საკმაოდ შეზღუდულია. იმის ალბათობა რომ ფლოპზე სთრეითი ან ფლეში გეყოლებათ გაცილებით უფრო დაბალია ვიდრე ერთი ფერის კონექტორების შემთხვევაში.

ძირითადად აქ იგივე ფაქტორები მუშაობს რაც წინა მაგალითში. მსგავსი ხელის გადაყრა პრეფლოპზევე ჯობია . ქომფლითი დასაშვებია მაგრამ, კვლავაც პრობლემაა მოთამაშე დიდ ბლაინდზე.

რეიზი ყველაზე ნაკლებ ყურადღებას იმსახურებს, მაგრამ მისი სრულად უგულველყოფა არ ღირს.

სცენარი 2: თქვენ ბათონზე სხედხართ

ბათონზე ყველაფერი იცვლება. პოზიციაში მსგავსი ხელის გათამაშება შესაძლებელია აგრესიულად. პასიური გათამაშება კი პირიქით ძალიან სუსტი ხაზია, შესაბამისად ლიმპი შეგიძლიათ დაივიწყოთ. ფოლდი ცხადია ვარიანტია, მაგრამ პოზიციაში ყოფნისას ზოგჯერ შეგიძლიათ მოიპოვოთ ინიციატივა მსგავსი ტიპის სპეკულაციური ხელებით. თქვენ გაქვთ შესაძლებლობა ფლოპზე ტოპ წყვილის მიღების შემთხვევაში, მომგებიანად მიხვიდეთ შოუდაუნამდე, რადგან ხშირად ითამაშებთ ერთი-ერთზე ლუზ პასიური ოპონენტის წინააღმდეგ. J8s -ით უბრალოდ უფრო ხშირად მოხვდებით ფლოპში ვიდრე სხვადასხვა ფერის კონექტორით.

მაგალითი 5

PartyPoker $25 NL Hold'em (6-handed)

Pre-flop: Hero is SB with A, 2
1 fold, MP calls $0.25, 2 folds, Hero...

კიდევ ერთი სპეკულაციური ხელი ერთი ფერის ტუზია. მსგავსი ხელის უდიდესი უპირატესობა იმაში მდგომარეობს, რომ წარმატებული ბორდის შემთხვევაში თქვენ ნათსი გეყოლებათ (თუ არ ჩავთვლით გაწყვილებულ მაგიდებს). A2-ს აქვს გარკვეული შანსები სთრეითისთვის, ცხადია ერთადერთი კარგი სთრეითი რომელსაც მსგავსი ხელით ააწყობთ А2345-ია. ამიტომ არ ღირს ამ ფაქტორის გადაჭარბებით შეფასება (აქვე აღვნიშნოთ რომ, სწორედ ამიტომ A5s უფრო ძლიერია ვიდრე A6s, რადგან კიკერი უკვე კარგავს არსებით მნიშვნელობას).

ცხადია მსგავსი ხელით ტოპ წყვილის მიღებაც შეიძლება, მაგრამ პრობლემები საკმაოდ თვალსაჩინო იქნება:

ხშირად თქვენ გეყოლებათ სუსტი კიკერი A9s ზე ქვევით ვეღარ იტყვით, რომ ოპონენტი გადაიხდის უარესი კიკერით.

მიუხედავად ყველაფრისა ერთი ფერის ტუზებს გათამაშების საკმაოდ მაღალი პოტენციალი აქვთ და არ ღირს პრეფლოპზე მათი უბრალოდ გადაყრა. კომფლითი შესაძლებელია, მაგრამ ყოველთვის თავში უნდა გვქონდეს ზემოთნახსენები საშიშროება, რეიზის შესახებ.

ცხადია ყოველთვის არის რეიზის ვარიანტი, სწორედ ლუზ პასიური მოთამაშის წინააღმდეგ, არის იმის ალბათობა რომ შევძლებთ ველიუს აკრეფვას უარესი ხელებისგან. ხოლო თუ ისე მოხდა რომ ამ მოთამაშემ აგრესია გამოავლინა ტუზიან მაგიდაზე, თავისუფლად შეგიძიათ შეელიოთ საკუთარ ხელს.

სცენარი 2: თქვენ ბათონზე სხედხართ

აქ იზოლაციური რეიზი სტანდარტული თამაშია, ლიმპი არ ღირს, ხოლო ფოლდს მსგავსი ხელი არ იმსახურებს.

რეზიუმე

სპეკულაციური ხელები შესაძლებელია ბევრნაირ კატეგორიებად დავყოთ. თითოეულ მათგანს აქვს როგორც უპირატესობა ასევე სისუსტე, რომლებიც ცალ ცალკე უნდა განვიხილოთ. ისეთი ხელებით რომლებითაც თერნის კარტის ყიდვა მოგიწევთ, მნიშვნელოვანია ითამაშოთ პოზიციაში. ასეთი ხელებით გარე პოზიციიდან იშვიათად უნდა შეხვიდეთ თამაშში.

შეკითხვა: რა ტიპის ხელი შეიძლება ავაწყო მსგავსი ხელით და რამდენ ველიუს მივიღებ ამ ოპონენტისგან თუ კომბინაციას ავაწყობ?

მიუხედავად ყველაფრისა მოკლე მაგიდებზე შემდეგი სტანდარტული წესი მუშაობს: თუ არ იცით დაქოლოთ თუ დაფოლდოთ, დაარეიზეთ.

10 კაციან მაგიდებზე მსგავსი ხელები სხვაგვარად უნდა განვიხილოთ. თუ ბანკისადმი ინტერესს ბევრი მოთამაშე იჩენს, მაშინ შესაძლებელია პასიური თამაში და ფლოპის იმედად ყოფნა. ფოლდ-ექუითი აგრესიული გათამაშების შემთხვევაში გაცილებით ნაკლებია ვიდრე, მოკლე მაგიდებზე.

როგორ ვითამაშოთ ხელებით რომლებიც მხოლოდ ბლაინდის მოსაპარად ვარგა?

პრინციპში ბლაინდებზე გამხსნელი რეიზით შეტევას მოპარვა (Steal) ეწოდება და არ აქვს მნიშვნელობა რეიზერს ტუზები ჰყავს თუ 72. ამ თავში განვიხილავთ ისეთ ხელებს, რომლებიც ტუზებზე ან KQ-ზე სუსტები არიან, მაგრამ სჯობნიან ნებისმიერ შემთხვევით შერჩეულ ორ კარტს. ანუ გააჩნიათ გარკვეული პოტენციალი.

მაგალითად:

K4 (ერთი ფერის პაპა)
Q3 (ერთი ფერის ქალი)
A3 (პატარა სხვადასხვაფერის ტუზი)
79 (სხვადაასხვა ფერის ერთი გეპერი)

ყველა ამ ხელს ის გარემოება აერთიანებს, რომ მათ არ გააჩნიათ პოსტფლოპზე მაღალი პოტენციალი, მაგრამ ძალიან ძლიერები არიან პრეფლოპზე ავტომატური ფოლდისთვის. გათამაშების თეორია გავს სპეკულაციური ხელების გათამაშებას. თქვენ ყოველთვის უნდა უპასუხოთ შემდეგ შეკითხვას:

რას მივიღებ ამ ხელით და რამდენ ველიუს ავკრიფავ ოპონენტებისგან ბორდის გამართლების შემთხვევაში?

სხვადასხვა ფერის ტუზს მაგალითად იგივე პრობლემა აქვს რაც ერთი ფერის ტუზს - დომინაციის პრობლემა. მაგრამ ამ შემთხვევაში ფლეშის აწყობის ალბათობა უფრო დაბალია. როგორი ბორდის ნახვა გინდათ A3o-ით? როგორ ბორდზე გადაიხდის უფრო სუსტი ხელი?

მსგავსი ტიპის ხელებისთვის მართალია მტკიცება, რომ მათ არ გააჩნიათ პოსტფლოპ პოტენციალი და რთულია მათი გათამაშება. ამ ყველაფრის შედეგად მსგავსი ხელები მხოლოდ ბლაინდის მოსაპარად გამოდგება. თქვენ არ გინდათ ნახოთ ფლოპი, თქვენი მიზანია პრეფლოზევე მოიპაროთ ბლაინდები.

შესაბამისად თქვენი აგრესია ეფუძნება შემდეგ მიზნებს:

თქვენ გინდათ მოიგოთ ბანკი პრეფლოპზე.
კონტბეთის მეშვეობით წაიღოთ ბანკი ფლოპზე.
მსგავსი ხელებით აგრესიის გამოვლენით, დააბალანსოთ ძლიერი ხელით რეიზები. რათა უფრო მეტი მოიგოთ მათი საშუალებით. ფაქტიურად თქვენ ინიღბებით.
ძალიან მცირე ალბათობა იმისა რომ ფლოპი გაგიმართლებთ.

პირველ რიგში თქვენთვის მნიშვნელოვანია ფოლდ-ექუითი და შენიღბვა. ცხადია საჭიროა განვასხვავოთ მოკლე და მთლიანი

მაგიდები.

10 კაციან მაგიდაზე არასდროს არ არის შეცდომა უბრალოდ უარი ვთქვათ მსგავსი ხელების გათამაშებაზე. 9 ოპონენტის წინააღმდეგ ფოლდ-ექუითი ძალიან დაბალია, ხოლო შენიღბვას არ აქვს იმდენად დიდი მნიშვნელობა, როგორც მოკლე მაგიდაზე თამაშისას. მეორეს მხრივ თქვენ გაგიჩნდებათ შესაძლებლობა დრო და დრო მომგებიანად მოიპაროთ ბლაინდები (თუ თქვენამდე ყველა დაყრის კარტს და გაქვთ ინფორმაცია რომ ბლაინდებზე ABC შორტსტეკი ზის) რადგან ოპონენტის ფუშის შემთხვევაში არ გაგიჭირდებათ მოძებნოთ ფოლდის ღილაკი. ამასთან რეიზის სასარგებლოდ იმუშავებს ის ფაქტიც თუ დიდი ხნის განმავლობაში არ მოგდიოდათ სათამაშო, კარტი და საკმაო პაუზის შემდეგ შედიხართ თამაშში. შესაძლოა ასეთ შემთხვევაში რეიზმა მეტი პატივისცემა დაიმსახუროს.

მოკლე მაგიდებზე სიტუაცია იცვლება. აქ მნიშვნელოვანია მსგავსი ხელების გათამაშება უბრალოდ შენიღბვის მიზნით. პრინციპში შესაძლებელია ქათ ოფიდანაც დაარეიზოთ მსგავსი ხელებით. ყოველ შემთხვევაში ასე შეგიძლიათ დააბალანსოთ თქვენი დიდი ხნის უქმობა პოკერის მაგიდასთან. ხოლო თუ პირიქით აქტიურობდით ჯობია მარტივად გადაყაროთ მსგავსი ხელები.

ბათონზე მსგავსი ხელი ძალიან კარგი საშუალებაა ბლაინდის მოსაპარად. თუ ფოლდ-ექუითის დამაკმაყოფილებლად აფასებთ, მაშინ წყნარად შეგიძლიათ დაარეიზოთ იმ ფაქტის გათვალისწინებით, რომ არ გინდათ და არც ელით პოსტფლოპზე დიდი ბანკის თამაშს. თქვენ უნდა შეეგუოთ ამ ფაქტს, რადგან როგორც აღვნიშნეთ თქვენი მიზანი არ არის დიდი ბანკის მოგება.

მსგავსი ხელები კარგად მუშაობენ თაით მოთამაშეების წინააღმდეგ, რომლებიც ან ყრიან კარტს ან 3-ბეთს აკეთებენ, მათ წინააღმდეგ იშვიათად აღმოჩნდებით რთულ სიტუაციაში. გაცილებით დისპერსიულია მსგავსი ხელებით ლუზ მოთამაშეებთან პაექრობა, ისინი იშვიათად დაყრიან კარტს და ძალიან მნიშვნელოვანია დიდ ბანკში არ აღმოვჩნდეთ მსგავსი ხელით.

რეზიუმე

მოსაპარი ხელებით თამაშისას ყველაზე მნიშვნელოვანი ფოლდ-ექუითის შეფასებაა. თქვენი მიზანი ბლაინდის მოპარვაა და არა დიდი ბაანკის მოგება. ამიტომ მნიშვნელოვანია ოპონენტზე საიმედო რიდსები გვქონდეს. ასევე მსგავსი ხელები მნიშვნელოვანია ძლიერი ხელების დასაბალანსებლად რათა მათი საშუალებით მოახდინოთ მოგების მაქსიმიზაცია.

დასკვნა

ძლიერი ხელებით სწორხაზოვანი თამაში არასდროს არ არის შეცდომა. პრეფლოპზე ძალიან ხშირად წინ ხართ და მნიშვნელოვანია დაიცვათ ხელი და ასევე გაზარდოთ ბანკი.

საშუალო სიძლიერის ხელებით კი პირიქით პასიური თამაში უფრო მომგებიანი იქნება. თქვენს რეიზებს ხშირად დაქოლავენ, როდესაც აგრესიას გამოავლენთ, მაგრამ ნამდვილად კარგ ფლოპში იშვიათად მოხვდებით, ამასთან ყოველთვის იქნება დომინაციის საფრთხე.

სპეკულაციური ხელების გათამაშება ყოველთვის პოზიციიდან ჯობია. მოკლე მაგიდებზე სიტუაციის შესაბამისად უნდა გამოავლინოთ აგრესია.

გრძელ მაგიდებზე კი პირიქით რეკომენდირებულია პასიური თამაში, კარგი ფლოპის იმედად. მსგავს მაგიდებზე ფოლდ ექუითი მცირეა და რეიზი აზრს კარგავს, მულტიპოტში კი შესაძლებელია დიდი ბანკი მოვიგოთ, თუ მაგიდა გაგვიმართლებს.

მოსაპარი ხელებით თქვენი ერთადერთი მიზანი ბლაინდების მოპარვაა. ამიტომ უმნიშვნელოვანესია ფოლდ-ექუითის სწორი შეფასება და ოპონენტების თამაშის სტილზე საიმედო ინფორმაცია. ასევე ამ გზით თქვენ მოახდენთ მონსტრი ხელების დაბალანსებას.