როგორც ცნობილი ხდება, პოკერის მოყვარულები და Daily Fantasy Sports (DFS) კიდევ უფრო დაუახლოვდებიან ერთმანეთს. 19 იანვარს ცნობილი გახდა, რომ WSOP-ის 10 სამაჯურის მფლობელი, ლეგენდარული ფილ აივი iTeam Network-ის პლატფორმაზე, საკუთარი საიტის გაშვებას აპირებს. საიტი თებერვალში შევა ექსპლოატაციაში და PhilIveyDFS-ის სახელით იქნება ცნობილი. 

თავად ფილ აივი ამბობს, რომ უამრავი შემოთავაზების მიუხედავად, მისი ყურადღება მაინც iTeam Network-ზე შეჩერდა. "უკანასკნელი რამდენიმე წლის განმავლობაში, ყველა შესაძლო გზას ვეძებდი, რათა მოთამაშეებისთვის DFS-ზე ჩემი ხედვები გამეზიარებინა, - ამბობს აივი, - მიხარია, რომ საკუთარი პლატფორმა რამდენიმე სხვადასხვა დიდმა კომპანიამ შემომთავაზა. გეიბ ჰანტერტონისა და iTeam Network-ის ტექნოლოგიის გათვალისწინებით კი, ჩემი გადაწყვეტილება საკმაოდ მარტივი აღმოჩნდა."

გეიბ ჰანტერტონი, სათამაშო ბიზნესში, ახალი სახელი ნამვილად არ არის. მისი კარიერა El Cortez Casino-ში დაიწყო, სადაც დილერის პოზიციაზე მუშაობდა. შემდეგი 16 წელი კი GM Resorts Galaxy Entertaiment Group-ში შეუცვლელი ადამიანი გახდა. როგორც თავად ჰანტერტონი ამბობს, აივისთან ხელშეკრულების გაფორმება იმ სტრატეგიის ნაწილი იყო, რომელიც როგორც ქსელის ლიკვიდურობას, ისე მის პრაიზპულების ზრდასაც შეუწყობს ხელს. "ჩვენ ყოველთვის ვცდილობდ პრემიუმ ბრენდებთან და პარტნიორებთან ვითანამშრომლოთ, - აცხადებს ჰანტერტონი, - სათამაშო ინდუსტრიაში ფილ აივიზე დიდ სახელს კი ჩვენ ვერ მოვძებნიდით. პოკერისა და DFS-ის მოთამაშეებს შორის დიდი გადაკვეთა არსებობს, ამ ყველაფერს კი ფილ აივი ემატება, რომელიც როგორ მომხმარებლების რაოდენობის, ისე საპრიზო ფონდების ზრდას გამოიწვევს."

უნდა აღინიშნოს, რომ DFS-სთან დაკავშირება აივიმ მას შემდეგ გადაწყვიტა, რაც ონლაინ გამოცემების მთავარი გვერდები აარონ ჯონსის სახელით იყო აჭრელებული. აარონ ჯონსმა, პოკერის პროფესიონალმა მოთამაშემ, DFS-ის ისტორიაში ყველაზე დიდი პრიზი, $5 მილიონ დოლარამდე მოიგო.