მსოფლიოს უდიდესი პოკერ-რუმად აღიარებული საიტი, უკვე მრავალი წელია პროფესიონალი მოთამაშეების სახლად იქცა. ადრე, ინტერნეტ სივრცეში თუ დიდ თამაშს ეძებდით - 'ფულტილტისთვის' უნდა მიგემართათ. Black Friday-ის შემდეგ კი ჰაი სტეიკს პოკერმა ბინა სწორედ 'პოკერსტარსზე' დაიდო. საინტერესოა, ვინაა 'პოკერსტარსის' საუკეთესო 5 მოთამაშე? დღევანდელ სტატიაში განხილული ტოპ გრაინდერების საერთო მოგება $34 მილიონ დოლარს აჭარბებს. 

ჯენს კილონენი, იგივე Jeans89, ამჟამად 'პოკერსტარსის' ყველაზე მომგებიანი მოთამაშეა. HighStakesDB-ის ინფორმაციით, 'პოკერსტარსზე' მის მიერ გამომუშავებული თანხა $4.83 მილიონ დოლარს აღემატება. ფინელი პროფესიონალი, 'პოკერსტარსზე', 2011 წლიდან თამაშობს. მისი საქმიანობის ძირითადი არეალი პოტ-ლიმიტ ომაჰას $200/$400 ლიმიტის მაგიდებია. დღესდღეისობით, ჯენს კილონენი ერთ-ერთია იმ ორი მოთამაშიდან, რომლის მოგებამაც 'პოკერსტარსის' ქეშ-გეიმებზე(!) $4 მილიონ დოლარს გადააჭარბა.

ბენ Sauce123 სალსკი, არამხოლოდ ერთ-ერთი საუკეთესოა 'პოკერსტარსზე', არამედ მსოფლიოში ერთ-ერთი საუკეთესო ჰედს-აპ გრაინდერია. მის კარიერაში საუკეთესო წლად 2011 უნდა ჩაითვალოს - ამ წელს მისმა მოგებამ $3.6 მილიონი დოლარი შეადგინა. 'პოკერსტარსის' ქეშ-გეიმებზე(!) მისი საერთო მოგება $4.18 მილიონი დოლარია, საიდანაც $2.3 მილიონი პოტ-ლიმიტ ომაჰაზე, ხოლო დანარჩენი ულიმიტო ჰოლდემზე მოდის. 

როცა საქმე ონლაინ ტურნირებს ეხება, კრის მორმანს ვერავინ შეედრება. მისი საერთო ონლაინ ტურნირებში მოგებული თანხა $13 მილიონ დოლარს აჭარბებს. 'პოკერსტარსის' ონლაინ ტურნირებში, მორმანს, $6.58 მილიონ დოლარზე მეტი აქვს მოგებული. 'ფულტილტზე', რომელიც მალე 'პოკერსტარსის' სრულფასოვანი ნაწილი გახდება, მისი მოგება $3.84 მილიონამდე ადის. შესაბამისად, Amaya Inc-ის მფლობელობაში არსებულ საიტებზე, კრის მორმანის მოგება $10.4 მილიონ დოლარს შეადგენს. 

კელვინ ანდერსონი ერთ-ერთი საუკეთესოა ინტერნეტ ტურნირების მოთამაშეებს შორის. HighStakesDB-ის მიხედვით, მისი კარიერული მოგება $6.07 მილიონ დოლარს შეადგენს. 'პოკერსტარსზე', მხოლოდ ტურნირებში, მისი მოგება $4.63 მილიონ დოლარს აღემატება. გარდა ამისა, საიტზე ნათამაშები ტურნირებიდან, ის, 3.500-ჯერ გავიდა საპრიზო ადგილზე. გარდა მისი ფულადი მოგებებისა, კელვინ ანდერსონს COOP-ის 8 ტიტული აქვს მოგებული. მას 6 SCOOP და 2 WCOOP აქვს მოგებული. 

შონ დიბის სატურნირო კარიერა $6.25 მილიონ დოლარს ითვლის, საიდანც 'პოკერსტარსზე' $3.86 მილიონი მოდის. კელვინ ანდერსონის მსგავსად, შონ დიბს COOP-ის 8 ტიტული აქვს მოპოვებული.