2015 წლის წარმატებული დებიუტის შემდეგ, 2016 წლის ზაფხულში, Aria Resort & Casino-ში Super High Roller Bowl ბრუნდება. ტურნირი არნახული პოპულარობით სარგებლობს, რაზეც ის ფაქტი მეტყველებს, რომ მასზე არსებული 49 ადგილი უკვე გაყიდულია. "ღონისძიება წარმოუდგენლად მოთხოვნადი აღმოჩნდა, - ამბობს Poker Central-ის აღმასრულებელი დირექტორი კლინტ სტინჩკომბი, - მოვლენამდე რამდენიმე თვეა დარჩენილი, ადგილები კი უკვე განაწილებულია. როგორც ჩანს, პოკერის მოყვარულებს დიდი სანახაობა ელით." შეგახსენებთ, რომ პოკერის მოყვარულებს, Poker Central-ზე სუპერ ჰაიროლერის პირდაპირი ტრანსლირების ხილვის საშუალება ექნებათ. 

ამჟამად, გაყიდული 49 ადგილიდან, მხოლოდ 2 ადგილის მფლობელის ვინაობაა უცნობი. Aria Super High Roller-ის მონაწილეებში ისეთ სახელებს შეხვდებით, როგორებიც არიან: გასული წლის ივენთის გამარჯვებული, ბრაიან რასტი, $1 Million One Drop-ის გამარჯვებულები - დენ კოლმანი და ანტონიო ესფანდიარი, დენიელ ნეგრანუ, ფილ ჰელმუტი, ბაირონ კავერმანი, ერიკ საიდელი, დომინიკ ნიცშე და პოკერის უამრავი ვარსკვლავი. მოთამაშეებს, 22 იანვრიდან, სუპერ ჰაიროლერის ტურნირზე ადგილების დაჯავშნა $30.000 დოლარად შეეძლოთ. 

"არასდროს მინახავს მსაგვსი შემთხვევა, როცა ჰაი სტეიკს ტურნირის ყველა ადგილი რამდენიმე თვით ადრე დაკავებულია, - ამბობს კაზინო 'არიას' პოკერის ტურნირების მენეჯერი, შონ მაკკორმაკი, - ფაქტია, რომ ტურნირი დიდი პოპულარობით სარგებლობს. საქმე არამხოლოდ ენტრანტებშია, ტურნირის მოლოდინის რეჟიმშიც კი ძალიან ბევრი მოთამაშეა."

ივენთში მონაწილეობისთვის, თითოეული მოთამაშე $300.000 დოლარს იხდის. როგორც ტურნირის ორგანიზატორები ამბობენ, 49-დან 14 ადგილი ბიზნესმენებისა და მოყვარულებისთვის იქნება, რათა მკაცრი ატმოსფერო არ შეიქმნას, სადაც მხოლოდ პოკერის ელიტაა შეკრებილი. Super High Roller Bowl სტარტს 29 მაისს აიღებს, WSOP-ის ხანგრძლივ სერიებამდე სულ რამდენიმე კვირით ადრე, და 4 დღის განმავლობაში გაგრძელდება.