ანტონიო ესფანდიარის, თამაშის ისტორიაში, ერთ-ერთი საუკეთესო რეზიუმე აქვს: ყველაზე წარმატებულ სატურნირო მოთამაშეთა სიაში, $26.7 მილიონი დოლარით, მესამე ადგილზეა; ფლობს რამდენიმე WSOP-ისა და WPT-ის ტიტულებს, არის მსოფლიოში ყველაზე ძვირადღირებული ტურნირის $1 მილიონიანი One Drop-ის გამარჯვებული, რომლის პირველი ადგილისთვის მან $18.246.673 დოლარი მოიგო; მონაწილეობს უდიდეს ქეშ-გეიმებში. ერთადერთი ტიტული, რომელიც მსოფლიოს ერთ-ერთ გავლენიანი მოთამაშის კარიერას აკლდა, WSOP Circuit-ის ოქროს ბეჭედი იყო. 

სამშაბათს, 29 მარტს, ანტონიო ესფანდიარიმ ეს შეცდომაც გამოასწორა: მან, Bicycle Casino-ში გამართულ $1.675 დოლარიან WSOP Circuit-ის მეინ ივენთზე დარეგისტრირებულ 756 მოთამაშეს შორის საუკეთესო შედეგი აჩვენა და $226.785 დოლართან ერთად, მისი პირველი ოქროს ბეჭედი მოიგო. კიდევ ერთი მნიშვნელოვანი ფაქტი - ფინალურ ჰედს-აპსი, ესფანდიარი, 2006 წლის WSOP-ის მეინ ივენთის გამარჯვებულს, ჯეიმი გოლდს დაუპირისპირდა. ტურნირზე, ესფანდიარისა და გოლდის გარდა, ისეთ მოთამაშეებსაც შეხვდებოდით, როგორებიც ბრინ კენი, ტუან ლი, ჯეისონ ლესი და ჯეიმს ვუდსი არიან.

ფინალური მაგიდა ჯეიმი გოლდის ჩიპლიდით დაიწყო, რომლის სტეკი 2.8 მილიონს აღემატებოდა. მაგრამ ორი დიდი სტეკის დაპირისპირების შემდეგ, სიტუაცია შეიცვალა. 15.000/30.000 პირობებში, 2015 წლის WSOP-ის ოქროს სამაჯურის მფლობელმა, ჯეკ დონგმა 100.000-მდე გაზარდა, რასაც ესფანდიარის 3-ბეთი მოჰყვა, 300.000 ჩიპის ოდენობით. დონგმა, მოწინააღმდეგეს. 4-ბეთით შეუტია და საბოლოოდ ორივე მოთამაშე 'ოლ ინ' სიტუაციაში აღმოჩნდა: ჯეკ დონგი AK-ით, ესფანდიარი QQ-ით. ბორდი, Magician-ისთვის საკმაოდ უსაფრთხო გამოდგა და 4.2 მილიონიანი ბანკი მას დარჩა. ესფანდიარი ამას არ დასჯერდა და ჯერ ლუდოვიკ გილიჩს 3-აუტერით მოუგო, შემდეგ კი KQ-ით, ბრინ კენის A5 დაამარცხა. 

ესფანდიარისთვის ერთ-ერთი გადამწყვეტი დარიგება, სწორედ ჯეიმი გოლდთან შედგა, როდესაც A34 ფლოპზე, გოლდის AK და ესფანდიარის 33-ის სეტი ერთმანეთს დაუპირისპირდნენ. თერნზე დადებულ T-ზე ესფანდიარიმ მეტოქეს ჩექ-რეიზით შეუტია, რასაც გოლდის 'ოლ ინი' მოჰყვა. საბოლოოდ ესფანდიარის 6.5 მილიონიანი სტეკი, ხოლო გოლდს - 20 ბიგ ბლაინდი დარჩა. ალექს გრინბლატი, რეი ჰენსონი და ბარი ვუდსი თამაშიდან მალევე გავიდნენ. ფინალურ ჰედს-აპზე, ერთმანეთს, One Drop-ისა და WSOP-ის მეინ ივენთის გამარჯვებულები დაუპირისპირდნენ, თუმცა მათი სტეკების შეფარდება უხერხულიც კი იყო - 10:1 -  ესფანდიარის უპირატესობით. 

მართალია, ჯეიმი გოლდმა გაორმაგება შეძლო, მაგრამ A23 ფლოპზე, მისი AK, ესფანდიარის A2-ის წინააღმდეგ უძლური აღმოჩნდა, მით უმეტეს, რომ თერნზე კვლავ 2 დაიდო, რამაც მეინ ივენთის გამარჯვებულის ყველა იმედი გაანადგურა. ესფანდიარიმ, $226.785 დოლარისა და WSOP Circuit-ის ოქროს ბეჭდის გარდა, $10.000 დოლარიან WSOP Global Casino Championship-ზე უფასო ადგილი მიიღო.