PokerCentral-მა, მსოფლიოში პირველმა ტელევიზიამ, რომელიც კვირაში 7 დღის განმავლობაში 24 საათიან მაუწყებლობას პოკერს უთმობს, საკუთარ ახალ წარმომადგენლებად ლას ვეგასის უდიდესი თამაშების აქტიური მონაწილეები - ტომ მარჩესი და ბრაიან რასტი, ასევე 'ტვიჩის' სტრიმერი - მარია ჰო აიყვანა. 

არხი დაახლოებით ერთი წლის წინ გაიხსნა და მისი პირველი სახეები პოკერის გრანდები - დენიელ ნეგრანუ, ფილ ჰელმუტი და ანტონიო ესფანდიარი გახდნენ. როგორც ჩანს, არხის ხელმძღვანელობამ თავის საქმიანობაში ახალი თაობის ჩართულობაზეც გაამახვილა ყურადღება. 

მარჩესმა და რასტმა, პოკერის მოთამაშეების კარიერა, ონლაინ პოკერით დაიწყეს. მიუხედავად ამისა, მარჩესიც და რასტიც მსოფლიოს ერთ-ერთ საუკეთესო ლაივ მოთამაშეებად ჩამოყალიბდნენ. ტომ მარჩესი ონლაინ პოკერის სამყაროში KingOfCards-ის სახელითაა ცნობილი, ხოლო ბრაიან რასტი - tsarrast-ით. საკმაოდ უცნაურია, მაგრამ ორივე მათგანმა თავიანთი კარიერა ე.წ. 'შავი პარასკევის' შემდეგ დაიწყეს და უკვე მოასწრეს მსოფლიოს უდიდესი თამაშების დაპყრობა. 

ტომ მარჩესის სატურნირო მოგებები $13 მილიონ დოლარს აღემატება. მხოლოდ გასულ წელს, მან, 'არიას' კაზინოში სუპერ ჰაი როლერ ტურნირებზე $2 მილიონ დოლარზე მეტის მოგება მოახერხა. ბრაიან რასტის რეზიუმე კიდევ უფრო მიმზიდველად გამოიყურება: მისი ლაივ ტურნირების მოგება $18 მილიონ დოლარს აღწევს, საიდანაც განსაკუთრებით მნიშვნელოვანია WSOP-ის $50.000 დოლარიანი ივენთის - Poker Player Championship-ის ორჯერ ზედიზედ მოგება. გასულ წელს კი, რასტმა, $500.000 დოლარიანი სუპერ ჰაი როლერ ტურნირი მოიგო, $7.5 მილიონი დოლარით პირველი ადგილისთვის. აღსანიშნავია, რომ ამ ტურნირზე გამარჯვება რასტმა მას შემდეგ მოახერხა, რაც ტურნირის საფასურის - ნახევარი მილიონის გადახდის ნაცვლად, $25.000 დოლარიანი სატელიტი მოიგო. საქმე ნამდვილად პოკერის ფენომენთან გვაქვს!

მარია ჰო, რასტისა და მარჩესისგან განსხვავებით, მსოფლიოს ყველაზე ძვირადღირებულ თამაშებში ნამდვილად არ მონაწილეობს, მაგრამ $2.6 მილიონ დოლარიანი ლაივ ტურნირების მოგება უკვე წარმატებული მოთამაშის კარიერაზე მეტყველებს. გარდა ამისა, მარია ჰო სხვადასხვა გადაცემის წამყვანი, პოკერის მიმომხილველი, 'ტვიჩის' სტრიმერი და Global Poker League-ის ერთ-ერთი გუნდის ხელმძღვანელია. შეიძლება ითქვას, რომ ნებისმიერი ტელევიზიისთვის, ჰოს წარმომადგენლად აყვანა, მნიშვნელოვანი წინგადადგმული ნაბიჯი იქნებოდა.