2017 წლის Aussie Millions-მა დაამტკიცა, რომ პოკერის ავსტრალიური ფესტივალი კვლავ აქტუალური და მსოფლიო პოკერის ერთ-ერთი უმნიშვნელოვანესი მოვლენაა. მაშინ, როცა $25.000 დოლარიანმა აშკარად გაამართლა, ორმა ჰაი როლერ ივენთმა, შეიძლება ითქვას, კრახი განიცადა. 

მას შემდეგ, რაც $100.000 დოლარიან ჰაი როლერზე მხოლოდ 18 მოთამაშე დარეგისტრირდა, ფესტივალის მასპინძელ კაზინოს უფრო ძვირადღირებული ტურნირის ჩატარებაზე  საფუძვლიანი ეჭვები გაუჩნდა. როგორც კაზინოსა და Aussie Millions-ის ხელმძღვანელები აცხადებენ, მსგავსი ძვირადღირებული ტურნირების ჩავარდნა იმ ფაქტით იყო განპირობებული, რომ ღონისძიება მდიდარი და ამავდროულად გამოუცდელი მოთამაშეების ნაკლებობას განიცდიდა. პროფესიონალებს კი ე.წ. 'ფიშების' გარეშე თამაში გამოცდილი გრაინდერების წინააღმდეგ აღარ ხიბლავთ. სწორედ ამიტომ, $250.000 დოლარიანი ტურნირი, რომელიც ფესტივალის ფარგლებში უნდა ჩატარებულიყო, გაუქმდა. 

წლევანდელი ძვირადღირებული ტურნირები არამხოლოდ მოყვარული მოთამაშეების ნაკლებობას განიცდიდნენ. მელბურნში არც ისეთი მოთამაშეები გამოჩენილან, როგორებიც ფილ აივი, პატრიკ ანტონიუსი, დენიელ ნეგრანუ და ჯეისონ მერსიერი არიან. Crown Casino-ს გადაწყვეტილებით $250.000-იანი ივენთის ნაცვლად, $50.000 დოლარიანი ჰაი როლერი ჩატარდა, რომელსაც უფრო მეტი ხალხი უნდა მოეზიდა, მაგრამ ტურნირი მაინც ჩავარდნით დასრულდა - მასზე მხოლოდ 6 მოთამაშე დარეგისტრირდა. ტურნირის გამარჯვებული ბელორუსი მიკიტა ბადიაკოვსკი გახდა, რომელმაც $176.400 ავსტრალიური დოლარი მოიგო. 

გასული წლების $250.000 დოლარიანი ჰაი როლერ ტურნირების გამარჯვებულთა სია ასე გამოიყურება: