PokerStars-ის მიერ მაკაუში გამართული ფესტივალის მთავარი ღონისძიების გამარჯვებული ჰონგ კონგელი პროფესიონალი მოთამაშე, ალან ლო გახდა, რომელმაც HK$3.265.000, ანუ $420.000 აშშ დოლარი მოიგო. აქამდე მისი სათამაშო კარიერა $244.000 დოლარს ითვლიდა. 'პოკერსტარსის' აღმოსავლურ სერიებზე მიღებული შემოსავალი კი, რა თქმა უნდა, მის კარიერაში უდიდესი მიღწევაა. 

როგორც უკანასკნელმა მოვლენებმა აჩვენეს, PokerStars Macau Poker Cup და განსაკუთრებით მისი Red Dragon Main Event აზიური პოკერის ბაზარზე მთავარ ადგილს იკავებს. ძირითად ღონისძიებაზე, რომლის საფასური HK$15.000 ჰონგ კონგურ დოლარს შეადგენდა, 1.216 მოთამაშე დარეგისტრირდა. PokerStars-ის პროფესიონალთა გუნდიდან ტურნირში მონაწილეობა რამდენიმე მნიშვნელოვანმა ფიგურამ მიიღო. აქ იყვნენ: ცელინა ლინი, რენდი nanonoko ლიუ, ბრაიან ჰონგი, ტომ ალნერი, კიტი კუო, ლუი სოლტერი, ჯეიპი კელი და ჯეიკ კოდი, რომელმაც ტურნირში საკმაოდ ღრმად მოახერხა შეღწევა და 30-ეულშიც მოხვდა. 

PokerStars-ის ლაივფიდის მეშვეობით, ცნობილი გახდა, რომ ალან ლომ ფინალური მაგიდა, ჩიპების რაოდენობის თვალსაზრისით, მეორე პოზიციით დაიწყო. 9 მოთამაშიდან პირველის გაგდება მხოლოდ სამსაათიანი თამაშის შემდეგ მოხერხდა. ფინალურ სამეულში, AQ-ით აპოორვა გოელის A2-ის დამარცხების შემდეგ, ლომ მნიშვნელოვანი ჩიპლიდი მოიპოვა და ზუსტად 10 დარიგებაში PokerStars Macau Red Dragon Main Event-ის ჩემპიონი გახდა.