უკვე რამდენიმე წელია, რაც Aria Resort & Casino მოთამაშეებს ძვირადღირებული ტურნირების სერიებს სთავაზობს. ტურნირები ყოველთვიურად, ზოგჯერ ყოველკვირეულადაც იმართება და რამდენიმე სხვადასხვა ბაი-ინის ღონისძიებას აერთიანებს. როგორც წესი, ტურნირების ბილეთები $25.000-დან $50.000 დოლარამდე მერყეობენ. რამდენიმე დღის წინ კი Aria-ს ტურნირებით დაინტერესებულ მოთამაშეებს ახალი შესაძლებლობა გამოუჩნდათ. მართალია, Bellagio-ს ახალი მეტოქე არ ეთქმის - ის Aria-ს ისტორიული კონკურენტია, მაგრამ ისეთი ძვირადღირებული მომსახურების თვალსაზრისით, როგორიც ჰაი როლერ ტურნირია, რომელიც ისედაც მცირერიცხოვანი ლაინაფით გამოირჩევა, Bellagio-ს ახალი ივენთების სერია მნიშვნელოვან გამოწვევად შეიძლება ჩაითვალოს. 

Bellagio-ში პირველი ჰაი როლერ ივენთი გაიმართა, რომლის ღირებულება $25.000 დოლარს შეადგენდა. ტურნირი იმით იყო გამორჩეული, რომ მასზე მიქს-გეიმსი იყო წარმოდგენილი, რომლის იდეა კანადელ სუპერვარსკვლავს, დენიელ ნეგრანუს ეკუთვნოდა. უნდა ითქვას, რომ ნეგრანუს იდეის განხორციელება ბრაიან რასტის დამსახურებაა, რომელმაც მოთამაშეების სურვილი Bellagio-ს ადმინისტრაციას გააცნო და ხანგრძლივი მოლაპარაკებები აწარმოა. 

პირველ ივენთზე 25 მოთამაშე დარეგისტრირდა, რამაც საპრიზო ფონდი $625.000 დოლარამდე გაზარდა. ტურნირის სტრუქტურის მიხედვით, ფულში შესვლას პირველი ოთხი მოთამაშე შეძლებდა. ფინალურ ჰედს-აპზე ერთმანეთს WSOP-ის 2011 წლის საუკეთესო მოთამაშე, ბენ ლემი და თავად დენიელ ნეგრანუ დაუპირისპირდნენ. აღსანიშნავია, რომ ნეგრანუმ საკმაოდ მძიმე ბრძოლა გადაიტანა - მან სულ რაღაც 1.5 ბიგ ბლაინდიდან ბენ ლემის სტეკთან გათანაბრება და გარკვეული პერიოდით გასწრებაც კი მოახერხა. პოტ-ლიმიტ ომაჰას თამაშისას, ნეგრანუს ტრიპსს, ბენ ლემი ფლეშ დროთი დაუპირისპირდა, რაც ოლინით და რივერზე დასრულებული ფლეშით დაგვირგვინდა. 

ბენ ლემმა $281.000, ხოლო ნეგრანუმ $175.000 დოლარი მოიგო. უკანასკნელი ორი წლის განმავლობაში ბენ ლემმა პირველად მოახერხა ტურნირზე ფულში შესვლა. მისი უკანასკნელი სატურნირო ანაზღაურება $2015 წლით თარიღდება, როდესაც $25.000 დოლარიან Aria-ს ჰაი როლერ ივენთზე მეორე ადგილისთვის $300.000 დოლარი მიიღო.