მიმდინარე SCOOP-ის სერიების მთავარი ღონისძიების გამარჯვებული ინგლისელი ჩარლი კარელი გახდა, რომელმაც ტურნირის ფინალური მაგიდა შორტ სტეკის სტატუსით დაიწყო. უნდა ითქვას, რომ ჩარლი კარელს, ჩიპების რაოდენობასთან დაკავშირებული პრობლემის გარდა გარდა, კავშირის პრობლემაც ჰქონდა მოსაგვარებელი, რადგანაც უხარისხო ინტერნეტის გამო, სათამაშო პროცესიდან მისი გათიშვა საკმაოდ ხშირი იყო. ეს ყველაფერი კი იმან გამოიწვია, რომ კარელმა ფინალური მაგიდა Starbucks-დან, კაფეში არსებული უსადენო ინტერნეტის იმედად ითამაშა.

ტურნირის პირველი აუტსაიდერი ემილ maroonlime პატელი იყო, რომელმაც 'ბატონის' პოზიციიდან 78-ით საკმაოდ უდროო ოლინი გააკეთა. მის ოლინს th'kick-მა TT-ის წყვილით უპასუხა. მართალია ფლოპზე 7 დაიდო, რამაც დარიგებაში გარკვეული დაძაბულობა შეიტანა, მაგრამ ბორდი TT-ისთვის უვნებელი აღმოჩნდა და ემილ პატელმაც მაგიდა $91.000 დოლარით მდიდარმა დატოვა. შემდეგი მოთამაშე, რომელმაც SCOOP-ის რიგით მეორე ტიტულისთვის ბრძოლა შეწყვიტა, ფინელი სემუელ ვუზდენი იყო. 2015-ში მან $700 დოლარიანი ჰედს-აპ ივენთის მოგება შეძლო. 

როცა ფინალური მაგიდის მონაწილეთა რაოდენობა განახევრდა, ჩარლი კარელმა გააქტიურება დაიწყო: მან ჯერ პოტ-ლიმიტ ომაჰას სპეციალისტი, ოლა ამუნდსგარდთან მოიგო დიდი დარიგება, შემდეგ კი th'kick გაისტუმრა მაგიდიდან. მოგვიანებით, სულ რამდენიმე დარიგებაში, ამუნდსგარდი სწორედ კარელის მსხვერპლი გახდა. 

ფინალური ჰედს-აპი ჩარლი კარელსა და კანადელ ჰარისონ გიმბელს შორის გაიმართა. პირველივე დარიგების შემდეგ, წყვილმა მოლაპარაკება გამართა, რომლის შედეგადაც კანადელს $1.122.873 დოლარი, ხოლო ბრიტანელს - $1.100.899 დოლარი შეხვდათ. ფინალისტებმა სათამაშოდ ტურნირის გამარჯვებულის ტიტული და $100.000 დოლარი დატოვეს. ჩიპების უპირატესობის მიუხედავად, გიმბელმა პოზიციების დათმობა დაიწყო, რაც საბოლოოდ კარელის გამარჯვებით დასრულდა. 

რაც შეეხება SCOOP-ის დარჩენილ 2 მეინ ივენთს: საშუალო ლიმიტის მთავარი ღონისძიების გამარჯვებული ავსტრალიელი მოთამაშე, ROFLshove გახდა, $787.312 დოლარით პირველი ადგილისთვის; დაბალი ლიმიტის მეინ ივენთი კი ავსტრიელმა ალან მედესონმა მოიგო, რომელსაც $221.516 დოლარი ხვდა წილად.