ლეგენდარული სატელევიზიო შოუ Poker After Dark ტელეეთერს ახალი სეზონით უბრუნდება. გადაცემის პროდუსერებმა ისეთი მოთამაშეები მოიწვიეს, როგორებიც დოილ ბრანსონი, დენიელ ნეგრანუ და ანტონიო ესფანდიარი. რაც მთავარია, ოფიციალური ინფორმაციით, გადაცემაში ტომ დუანიც მიიღებს მონაწილეობას.

"ამჟამად მსოფლიოს გარშემო ვმოგზაურობ, რათა უფრო მეტ თამაშზე დასწრება შევძლო, - თქვა ხუთშაბათს Poker Central-ისთვის მიცემულ ინტერვიუში დუანმა, - Poker After Dark პოკერის მოყვარულებისთვის ერთ-ერთი საყვარელი გადაცემაა. თამაშის დროს, ხშირად მეკითხებიან, როდის დაბრუნდება გადაცემა სატელევიზიო სივრცეში? ძალიან მიხარია, რომ 6 წლის შემდეგ, მაყურებლებს შოუს ნახვის შესაძლებლობა კვლავ მიეცემათ."

უკვე რამდენიმე წელია, რაც ტომ დუანი სატელევიზიო ეთერებიდან გაქრა. ის არც ლას ვეგასში ჩადის, არც პრივატულ ქეშ-გეიმებს ესწრება და არც WSOP-ის ძვირადღირებული ტურნირებით ინტერესდება, არაფერი რომ აღარ ვთქვათ ონლაინ პოკერზე. ლეგენდარული მოთამაშე, მანილაში და მაკაუში გამართულ ქეშ-გეიმებზე თამაშობს, სადაც, კულუარული ინფორმაციით, ასტრონომიულ თანხებთან აქვს საქმე. დენიელ ქეითსის მიერ გავრცელებული ინფორმაციით, ტომ დუანმა ერთ-ერთ დარიგებაში $20.000.000 დოლარი წააგო.

გადაცემის პირველი ეპიზოდი ორშაბათს, 14 აგვისტოს გავა ეთერში, მაგრამ, სამწუხაროდ, მისი ნახვის შესაძლებლობა მხოლოდ PokerGo-ის მაყურებლებს ექნებათ. მოგვიანებით, ქეშ-გეიმის ეპიზოდები გასაჯაროვდება და ინტერნეტის მომხმარებლებს მასზე თავისუფალი წვდომა ექნებათ. გადაცემის კომენტატორები ალი ნეჯადი და ნიკ შულმანი იქნებიან. თავდაპირველად, გადაცემაში ულიმიტო ტეხასური ჰოლდემის სესიები იქნება ნაჩვენები, ხოლო შემდგომი ეპიზოდები პოტ-ლიმიტ ომაჰას და პოკერის სხვა სახეობებს დაეთმობათ. ქეშ-გეიმის მინიმალური ბაი-ინი $100.000 დოლარი იქნება. გადაცემის მოწვეული სტუმრებისა და განრიგის შესახებ ინფორმაციის ნახვა ქვემოთ შეგიძლიათ: