ხანგრძლივი პაუზის შემდეგ, ფილ ჰელმუტი Poker After Dark-ის ეთერს უბრუნდება. ხვალიდან, პოკერის ლეგენდა სატელევიზიო გადაცემის 3 დღიანი სერიის მთავარი გმირი იქნება. 

ფილ ჰელმუტის მონაწილეობით გამოსულ ეპიზოდებს Holidays with Hellmuth დაერქვა, რაც ერთგვარი ტრადიციაა: გასულ ეპიზოდებსაც, რომლებშიც ჰელმუტი ღებულობდა მონაწილეობას, ყოველთვის მასთან დაკავშირებული სახელი ერქვა, მაგალითად: Hellmuth bash cash game - ქეშ გეიმების ერთ-ერთი ყველაზე ცნობილი სატელევიზიო სერია იყო. 

WSOP-ის 14 სამაჯურის მფლობელი მოთამაშე ორ სით'ენ'გოუ ტურნირში მიიღებს მონაწილეობას: ერთის ბაი-ინი $10.000 დოლარი, ხოლო მეორის $25.000 დოლარი იქნება. ტრადიციულად, ტურნირები winner takes all ფორმატით გაიმართება. 19 დეკემბრიდან 21 დეკემბრის ჩათვლით, ასევე, $100/$200 ქეშ გეიმი იგეგმება. 

ფილ ჰელმუტის გარდა, გადაცემაში მონაწილეობას დენიელ ნეგრანუ, ანტონიო ესფანდიარი, მაიკ მატუსოუ, რანდალ ემეტი, მარია ჰო და დევიდ სენდსი მიიღებენ. ესფანდიარის, ჰელმუტისა და მატუსოუს დაპირისპირება, წარსულში, ხშირად გამხდარა სკანდალების, ხმაურისა და აჟიოტაჟის მიზეზი. სავარაუდოდ, მაყურებელი არც ამჯერად იქნება მოწყენილი.