PokerStars-დან ბეტრან Elky გროსპელიეს, ვანესა სელბსტისა და ჯეისონ მერსიერის წასვლას დიდი აჟიოტაჟი მოჰყვა. დაიწყო კამათი იმაზე, თუ რა ტიპის მოთამაშეებს ეძებს კომპანია და ვისი მხარდაჭერა სჭირდება მსოფლიოს უდიდეს პოკერ-რუმს? 

ჯერჯერობით, ისიც კი უცნობია, რამდენად იყო მოთამაშეების პროფესიონალთა გუნდიდან წასვლა მათი გადაწყვეტილება და არა თავად კომპანიისა: რამდენიმე წლის წინ, მსგავსი გადაწყვეტილება აიზიკ ჰექსტონმა მიიღო, მაგრამ ჰექსტონის მაშინდელი პროტესტი სრულიად ნათელი და გასაგები იყო - ჰექსტონის ხმაურიანი წასვლით კომპანიამ დიდი დარტყმა მიიღო. 

PokerStars-მა უკვე გაუშვა ისეთი მოთამაშეები, როგორებიც ჯო კადა, გრეგ რეიმერი, ჯო ჰეშემი, ვანესა რუსო და ალექს კრავჩენკო არიან. სამაგიეროდ, ჯეისონ სომერვილი, ჯეფ გროსი და ჯეიმი სტეპლსი პროფესიონალთა გუნდის აქტიურ წევრებად რჩებიან. მათი მონაწილეობა 'პოკერსტარსის' ცხოვრებაში მართლაც შთამბეჭდავია - ისინი ათასობით დარიგებას თამაშობენ და Twitch-ის ყველაზე პოპულარული არხების სტრიმერები არიან. 

HighStakesDB-მა გამოკითხვა ჩაატარა, რომლის მიხედვითაც ონლაინ გამოცემის მკითხველებს PokerStars-ის პროფესიონალთა გუნდის 4 წევრიდან გაშვების აქტიური კანდიდატი უნდა დაესახელებინათ. მაშინ როდესაც ლივ ბურემ 11%, რენდი nanonoko ლიუმ 20%, ჯეიკ კოდიმ 30%, ხოლო ბარი გრინშტაინმა 39% მიიღეს, გულშემატკივრების დამოკიდებულება და აზრი აშკარა გახდა - ახალგაზრდა მოთამაშეებს, რომლებიც აქტიურად თამაშობენ და იცავენ 'სტარსის' ღირსებას, კომპანია ადვილად არ დათმობს.

რაც შეეხება ბარი გრინშტაინს - მიუხედავად იმისა, რომ გრინშტაინი მსოფლიო პოკერის ლეგენდაა, მისი უკანასკნელი დიდი გამარჯვება 2011 წლით თარიღდება. ძირითადად, ის ქეშ-გეიმ მოთამაშეა, რომელიც რეალურ თამაშებს ესწრება და, მართალია მსოფლიოს უდიდეს პრივატულ თამაშებში მონაწილეობს, მისი მოგება არც PokerStars-თანაა დაკავშირებული და არც ონლაინ პოკერთან. 12 წლიანი კონტრაქტის შემდეგ, პოკერის გულშემატკივრები ფიქრობენ, რომ სწორედ ბარი გრინშტაინი იქნება ის მოთამაშე, რომელსაც კომპანიის დატოვება მოუწევს. სავარაუდოდ, 'პოკერის რობინ ჰუდის' ჯიბეზე ფიქსირებული შემოსავლის დაკარგვა დიდ დარტყმას არ გამოიწვევს, რადგან გრინშაინი ქეშ-გეიმების ერთ-ერთ საუკეთესო სპეციალისტად ითვლება.