ჯეიმი სტეპლსს, შეიძლება ითქვას, საუკეთესო კვირა აქვს: ბილ პერკინსთან მოგებული $150.000 დოლარიანი სანაძლეოს შემდეგ, PokerStars-ის პროფესიონალთა გუნდის წევრმა Peppermill Casino-ში გამართული Run It Up Reno-ის ტურნირი მოიგო, შედარებით მცირე - $5.600 დოლარიანი ანაზღაურებით პირველი ადგილისთვის. 

Run It Up Reno-ში სტეპლსმა 4 სეზონის განმავლობაში სცადა ბედი და საბოლოოდ მიზანსაც მიარწია. საოცარი სანაძლეოსა და წონის კორექციის გარდა, ჯეიმი სტეპლსი Twitch-ის საკუთარი ექაუნთითაცაა ცნობილი, რომელსაც ათასობით გამომწერი ჰყავს. ჯეისონ სომერვილთან ერთად, პოკერის სამყაროში, ის ყველაზე პოპულარული სტრიმერია. სწორედ Twitch-ის მეშვეობით გადასცა სტეპლსმა ტურნირის მსვლელობა. "მგონი, ეს აქამდე არავის გაუკეთებია პოკერის სამყაროში, - თქვა სტეპლსმა ღონისძიების დასრულების შემდეგ, - ყოველ შემთხვევაში, პირველი პერსონის პერსპექტივიდან ეს პირველი შემთხვევა უნდა იყოს. მაყურებელსა და პოკერის მოყვარულებს სრულიად განსხვავებული რაკურსის ნახვის საშუალება ეძლევათ."

ჯეიმი სტეპლსმა საკუთარ დიეტაზეც ისაუბრა: "მას შემდეგ, რაც სანაძლეო მოვიგე და კალორიების დეფიციტს თავი დავაღწიე, ვატყობ, რომ უკეთესად ვკონცენტრირდები და ბევრად ფხიზლად ვთამაშობ. ასეთი თავგადასავლის შემდეგ, გაცილებით თავდაჯერებული გავხდი."