4 დღიანი მძიმე ბრძოლის შემდეგ, 2018 წლის WSOP-ის მე-5 ივენთზე - $100.000 დოლარიან ულიმიტო ჰოლდემის ჰაი როლერ ტურნირზე, ნიკ პეტრანგელომ ურთულესი ლაინ-აფის დამარცხება და $2.910.227 დოლარის მოგება შეძლო. 

გუშინდელმა მოგებამ პეტრანგელოს რიგით მე-2 WSOP-ის ოქროს სამაჯური მოუტანა. პირველი სამაჯური 2015 წლით თარიღდება, როდესაც ამერიკელმა პროფესიონალმა $3.000 დოლარიანი 'შუთაუთ' ივენთი მოიგო. 

პეტრანგელომ პოკერის სამყაროში სახელი სწორედ ძვირადღირებული ტურნირების რეგულარის სტატუსით შეძლო. მის ანგარიშზე $11.7 მილიონი დოლარია, რაც თავისთავად მეტყველებს 31 წლის მოთამაშის წარმატებაზე. მიუხედავად საოცარი კარიერისა, პეტრანგელო არც იმას უარყოფს, რომ მსგავსი ტურნირები დიდ მსხვერპლსაც მოითხოვენ: "გასულ კვირას Super High Roller Bowl-ზე ვითამაშე, ზუსტად მეორე დღეს კი WSOP-ის ივენთზე გადმოვერთე. ერთკვირიანი აქტიური თამაშის შემდეგ, პირველ რიგში, შვებას ვგრძნობ. მსგავსი მოთამაშეების წინააღმდეგ გამოსვლა დიდ ძალისხმევას მოითხოვს და მნიშვნელოვან სტრესთანაა დაკავშირებული. თუმცა, სწორედ ამ მიზეზით გვიყვარს ჩვენ მსგავსი ტურნირები."

ტურნირის მე-2 დღისთვის, პეტრანგელო გავარდნის პირას იყო, მაგრამ ჩიპლიდის მოპოვების შემდეგ, უპირატესობა ერთი წამითაც არ დაუკარგავს. ტურნირის გამარჯვებულმა იმ სირთულეებზეც ისაუბრა, რასაც ჩიპლიდერი აწყდება: "როდესაც ჩიპების მხრივ უპირატესობა გაქვს, მის გამოყენებას ცდილობ. მსგავს სიტუაციებში ძალიან დიდი მოლოდინი გიჩნდება. სულ ვცდილობ, საკუთარ თავს ვასწავლო, რომ ჩიპლიდის მოპოვების შემთხვევაში დავკმაყოფილდე არსებული სიტუაციით. უნდა ითქვას, რომ უკანასკნელ ტურნირზე ძალიან მიმართლებდა. რამდენიმე მნიშვნელოვანი დარიგება იღბლის ხარჯზე მოვიგე, რაც სხვებისთვის მტკივნეული უნდა ყოფილიყო."

ფინალურ მაგიდაზე, რომელზეც ვარსკვლავები თამაშობდნენ, საპრიზო ადგილები შემდეგნაირად გადანაწილდა: