მიმდინარე სერიებზე ჯო კადამ WSOP-ის 2 ოქროს სამაჯური მიოგო
2009 წლის WSOP Main Event-ის გამარჯვებულმა ჯო კადამ კიდევ ერთხელ დაამტკიცა, რომ ღირსეული მსოფლიო ჩემპიონია: 2018 წლის მეინ ივენთის ფინალური მაგიდიდან გამოვარდნის შემდეგ, ამერიკელმა მოთამაშემ ფარ-ხმალი არ დაყარა, $1.500 დოლარიან ულიმიტო ჰოლდემის 75-ე ივენთზე გადაინაცვლა და 3.120 მონაწილეს შორის პირველი ადგილი დაიკავა.
"გული მწყდება, რომ უფრო მეტ ტურნირზე არ დავრეგისტრირდი, - ყვება კადა გამარჯვების შემდეგ, - წელს არაჩვეულებრივი სვლა მქონდა. რისი თამაშიც მოვახერხე, ყველგან გვიან სტადიამდე მივაღწიე. ძალიან წარმატებული ზაფხული გამომივიდა."
კითხვაზე, ითამაშებს თუ არა ის მიმდინარე წლის WSOP Europe-ზე, კადამ უპასუხა, რომ WSOP-ის წლის მოთამაშის რბოლაში მას შონ დიბის დაწევისა და გასწრების შანსი მაინც არ აქვს, ამიტომაც ის ევროპულ სერიებში მონაწილეობის აზრს ვერ ხედავს. კარიერაში მე-4 ოქროს სამაჯურის პარალელურად, კადამ $612.886 დოლარიანი ანაზღაურება მიიღო.
4 დღიანი ტურნირის ლაინ-აფში ჯო კადას გარდა, კიდევ რამდენიმე ცნობილი სახე შეიმჩნეოდა: ორი ოქროს სამაჯურის მფლობელი - ბენჯამინ ზმანი, რომელიც 22-ე ადგილიდან გამოეთიშა ტურნირს; კრის კონრადი მე-18 პოზიციაზე გავიდა, ხოლო მარტინ ფინგერი მე-13-დან.
ჯო კადამ წელს სულ 8 ივენთი ითამაშა და $3.025.439 დოლარი გამოიმუშავა. კადას 2018 წლის რეზულტატი ასე გამოიყურება:
| ბაი-ინი | ივენთი | ადგილი | ანაზღაურება |
| $10.000 | Super Turbo Bounty | 9 | $27.582 |
| $3.000 | Shootout | 1 | $226.218 |
| $565 | Colossus | 97 | $4.446 |
| $1.500 | Millionaire Maker | 1.001 | $2.345 |
| $1.000 | Pot Limit Omaha | 75 | $1.962 |
| $10.000 | Main Event | 5 | $2.150.000 |
| $1.500 | The Closer | 1 | $612.886 |
