დღეს, 23 ივლისს, სამხრეთ კორეაში მდებარე Jeju Landing Casino-ში Triton High Roller-ის სერია იწყება, რომელიც 1 აგვისტომდე გაგრძელდება. 'ტრიტონის' სახმრეთ კორეულ სერიებზე, უმეტესად, ულიმიტო ჰოლდემი და ახალთახალი შორთ-დექ ტურნირები იგეგმება. 

პოკერის სამყაროს მთელი ყურადღება ლას ვეგასიდან სამხრეთ კორეაზე გადაერთო, რადგან ფილ აივიმ, ჯერ კიდევ სერიების დაწყებამდე, რამდენიმე ივნეთზე დასწრება დააანონსა, რაც ტურნირებისადმი მის სერიოზულ მიდგომაზე მეტყველებს. 

სერიებზე სულ 5 ივენთია დაგეგმილი, საიდანაც 2-ზე ტრადიციულ ულიმიტო ჰოლდემს ითამაშებენ, ხოლო 3 ტურნირი შორთ-დექ ჰოლდემს დაეთმობა. შორთ-დექი პოკერის ახალი სახეობაა, რომელიც, სავარაუდოდ, მაკაუში შეიქმნა. ის ულიმიტო ჰოლდემს გულისხმობს, მაგრამ ამ შემთხვევაში დასტიდან ყველა 2,3,4 და 5 ბანქო ამოღებულია. ამასთანავე, შეცვლილია რამდენიმე შემდგარი ხელის ფასეულობა. მაგალითად: რამდენადაც ფულ ჰაუსები გაცილებით ხშირია, ვიდრე ფლეშები (ამოღებული კარტების ხარჯზე, რომლებიც ფლეშის აუტების რაოდენობას მნიშვნელოვნად ამცირებს), ულიმიტო ჰოლდემისგან განსხვავებით, ფლეში ფულ ჰაუსზე ძლიერ კომბინაციად ითვლება. 

ტურნირის კომენტატორების რანგში ლეგენდარული ონლაინ გრაინდერი - რენდი nanonoko ლიუ და ჰაი სტეიკს რეგულარი - ლექს ველდუსი მოგვევლინებიან. 

აივის გარდა, სერიებზე დასწრების სურვილი უკვე გამოთქვეს ტომ დუანმა, დენ ქეითსმა, პოლ ფუამ, ჯეისონ კუნმა და პოკერის მთავარმა 'პენსიონერმა' - ფედორ ჰოლცმა. "პოლ ფუასთან და რიჩარდ იონგთან მეგობრობა მაკავშირებს, - ყვება ჯეისონ კუნი, - მათ ყოველ ტურნირზე ვერ ნახავ. თუ ისინი ტურნირზე თამაშობენ, ეს იმას ნიშნავს, რომ ტურნირი მართლაც ძვირიანია. ამიტომაც, სახმრეთ კორეულ სერიებზე მნიშვნელოვან იმედებს ვამყარებ."

ტურნირების ბაი-ინები $13.000 დოლარიდან იწყება და $255.000 დოლარამდე ადის.