მიმდინარე წლის აპრილში, ტომ დუანი პირობას დებდა, რომ ის გულშემატკივრებისთვის უფრო ხელმისაწვდომი გახდებოდა. მას შემდეგ მის 'ტვიტერზე' რამდენიმე პოსტი გაჩნდა, რომლებიც ინტერაქციის საშუალებას ნამდვილად არ იძლეოდნენ. მიუხედავად ამისა, დუანის 'ვოლზე' გაჩენილი ნებისმიერი სიახლე დიდ აჟიოტაჟს იწვევდა. 

ბოლო რამდენიმე დღის განმავლობაში, ტომ დუანი მართლაც გააქტიურდა. "პირველად ვზივარ სათვალით პოკერის მაგიდასთან, - წერს ის 'ტვიტერზე', - 'ტრიტონი' არაჩვეულებრივ ტურნირებს ქმნის და უამრავ კარგ საქმეს აკეთებს, მაგრამ მათი გამნათებლების ერთადერთი მიზანი შენი დაბრმავებაა."

დუანის 'ტვიტი' მას შემდეგ გამოჩნდა, რაც ის სამხრეთ კორეაში, ჯეჯუში მიდინარე Triton Super High Roller-ის სერიების HK$ 500.000-იან ტურნირზე დარეგისტრირდა და 20-ეულში შესვლა მოახერხა: "მაგიდასთან ოთხნი ვსხედვართ, თამაში - შორთ დექი. მიკიტა ლიმპს აკეთებს, ალანი - ფოლდს, მე QTo-ით ასევე ლიმპს ვთამაშობ. ბენი ლემი 80.000-მდე ზრდის. მიკიტა ყრის კარტს. ბენი ძალიან კარგი მოთამაშეა. როგორც თვითონ ამბობს, შორთ დექი კარგად არ იცის, და ეს შეიძლება მართალიც იყოს. ამ შემთხვევაში, მე ოლ ინიც შემეძლო, ქოლიც და ფოლდიც. გადავწყვიტე, რომ ქოლი საუკეთესო არჩევანი იქნებოდა. ფლოპზე KQ6 იდება. ჩემი ჩექის შემდეგ, ბენი ოლ ინს შემოდის, რაც ჩემს სტეკს მთლიანად ფარავს. როგორ უნდა მოვიქცე? QTo მყავს, საიდანაც ერთიც კი არ არის  'აგური'. ტურნირზე 20 მოთამაშეა დარჩენილი, საიადანც 5 ფულში შედის." 

ლეგენდარული მოთამაშის 'ტვიტს' უამრავი გამოხმაურება მოჰყვა:

• "სთხოვე, მაგიდა გამოგიცვალონ"
• "იჯექი, გაღებული პირით მიაშტერდი ოპონენტს და შემდეგ 'ჰირო ქოლი' გააკეთე"
• "ტომ, ეს ზუსტად ისაა, რაც შენგან გულშემატკივრებს გვინდა. შენი თამაშის სტილი სხვა სამყაროდანაა და თუ მასში ჩახედვისა და გარკვევის საშუალება მოგვეცემა, არაჩვეულებრივი იქნება"

საბოლოოდ, ტომ დუანმა საკუთარი ხელი გადაყარა. მან ტურნირის მე-5 პოზიციას მიაღწია, დაახლოებით $250.000 დოლარი მიიღო და თამაშს გამოეთიშა.