როგორც წესი, პოკერის ტრადიციული სახეობები 52 კარტით ითამაშებოდა. სწორედ ამიტომ, ამერიკულ პოპ კულტურაში რიცხვი 52 ეშმაკის რიცხვადაც მოიხსენიება. პოკერის თანამედროვე ტენდენციებს თუ მივიღებთ მხედველობაში, 52 შესაძლოა 36-ით შეიცვალოს - 'შორთ დექ' პოკერი ძალებს იკრებს.

ძალიან მოკლედ მათთვის, ვისაც 'შორთ დექი' ჯერ არ გაუგია: თამაშს იგივე წესები აქვს, რაც ულიმიტო ჰოლდემს. დასტიდან ამოღებულია დაბალი ღირებულების კარტები - 2,3,4,5. ამ მიზეზით, ხშირად, 'შორთ დექ' პოკერს '6+' პოკერითაც მოიხსენიებენ. ერთადერთი შესამჩნევი განსხვავება ისაა, რომ ყველაზე დაბალი სთრეითი ასე გამოიყურება A6789 - ჰოლდემის უდაბლესი სთრეითის მსგავსად, A ამ შემთხვევაშიც მინიმალური ღირებულების კარტად გვევლინება. 

თამაში პოპულარული მაკაუში გახდა. 'შორთ დექი' ქეშ-გეიმებზე მილიონობით დოლარის მფლობელის ბედს წყვეტდა. Triton Poker-ის გუნდის დახმარებით, 'შორთ დექმა' აზიიდან ევროპაში გადმოინაცვლა და მონტენეგროში გამართულ ფესტივალზე მოსინჯა საკუთარი ძალები. ფილ აივი, დენიელ ქეითსი, ტომ დუანი აქტიურად ეწეოდნენ მონტენეგროში 'შორთ დექის' პოპულარიზაციას. სულ ახლახან დასრულებულმა Poker Masters-მაც მისცა შესაძლებლობა სერიების მონაწილეებს ახალი თამაშისთვის გაეგოთ გემო. Poker Masters-ის პირველი 'შორთ დექ' ივენთის გამარჯვებული აიზიკ ჰექსტონი გახდა. 

თამაშმა პოპულარობა რამდენიმე მიზეზის გამო მოიპოვა. პირველი ისაა, რომ ჰოლდემში 'მონოპოლისტები' გამოჩდნენ. როცა მაგიდაზე ფედორ ჰოლცი, ტომ დუანი ან ჯასტინ ბონომო გიზის, იცი, რომ დიდი შანსი არ გაქვს. ამიტომაც უამრავი ჰოლდემის უამრავი მოყვარული თამაშს თავს არიდებდა. 'შორთ დექი' ყველასთვის ახალი თამაშია. მისი მათემატიკა ჯერჯერობით ბუნდოვანი რჩება და - შესაბამისად, ტომ დუანს ეთამაშები, თუ შენი კალიბრის მოთამაშეს, დიდ განსხვავებას არ იძლევა. რაც ყველაზე მთავარია, 'შორთ დექი' სრულად ითვალისწინებს ჰოლდემის წესებს, რაც იმას ნიშნავს, რომ თამაში ყველასთვის გასაგები და ადვილად აღსაქმელია. 

America's Cardroom-მა უკვე დაამატეს '6+' პოკერი თავის მენიუს. PokerStars-ზე '6+' სიმბოლო გამოჩნდა, რაც იმას ნიშნავს, რომ მომხმარებელს მალე ექნება ახალი თამაშის დაგემოვნების საშუალება. თამაში ახალია, სახალისოა და რაც მთავარია, მას სუპერ ვარსკვლავები თამაშობენ - ყველა მიზეზი იმისთვის, რომ 'შორთ დექი' პოპულარული გახდეს.