მიუხედავად იმისა, რომ ივენთს Turbo Bounty Hunter ერქვა, ტურნირი 13 საათის განმავლობაში მიმდინარეობდა. 386 მოთამაშეს შორის გამართული დამღლელი ბრძოლის შემდეგ, უკრაინელმა მიხაილო გუტიმ კარიერაში პირველი ოქროს სამაჯური და გამარჯვებულისთვის დაწესებული €61.299 ევრო მიიღო. 

საერთო ჯამში, უკრაინის ანგარიშზე 6 სამაჯურია. მიხაილო გუტი WSOP-ის ივენთებში გამარჯვებულ უკრაინელთა რიცხვს შეუერთდა, რომელთა შორისაც ალექსი კოვალჩუკი, იუჯინ (ევგენი) კაჩალოვი, იგორ დუბინსკი და ალექსანდრ შერბაკი არიან. მართალია, გუტისთვის ეს პირველი სამაჯურია, WSOP-ის ჰედს-აპი მისთვის უცხო არ ყოფილა - ერთი თვის წინ, WSOP Circuit-ის ტურბო ტურნირზე მან მე-2 ადგილი აიღო, შემდეგ WSOP Circuit-ის მეინ ივენთის მე-17 ადგილი დაიკავა, ხოლო COLOSSUS-ის ივენთზე ფულში შესვლა მოახერხა. როგორც თავად ამბობს, სოლიდური ანაზღაურება საშუალებას აძლევს მოგვიანებით WSOPE მეინ ივენთიც ითამაშოს. 

ტურნირის ბაი-ინი €1.100 ევროს შეადგენდა, მაგრამ ამის მიუხედავად, სათამაშო მაგიდებთან რამდენიმე ცნობილი სახეს შეიმჩნეოდა: წინა წლის ღონისძიების ჩემპიონი - მარტინ კაბრელი, WSOPE-ის ოქროს სამაჯურის ახალთახალი მფლობელი - ასი მოშე, მანიგ ლუსერი, ჯეფ მედსენი და დაჩ ბოიდი.