ლეგენდარული გადაცემა ახალ სეზონს დოილ ბრანსონთან ერთად იწყებს. სწორედ მის საპატივსაცემოდ, ე.წ. შერეული თამაშების სესიას Godfather Week დაერქვა და მასზე H.O.R.S.E. თამაშები იქნება წარმოდგენილი. როგორც გადაცემის პროდიუსერები გვპირდებიან, თამაშის 5 სახეობას 2-7 თრიფლ დროუც დაემატება, რაც პოკერის ნაკლებად ცნობილი თამაშების პოპულარიზაციას შეუწყობს ხელს. Godfather Week-ის პირველი სესია გუშინ გაიმართა, რომლის ნაწყვეტის ნახვაც სტატიის ბოლოსაა შესაძლებელი.

ქეშ-გეიმ სესიების ლიმიტი $1.500/$3.000-ით განისაზღვრა, რაც მაყურებლებისთვის ნამდვილ სანახაობას შექმნის. დოილ ბრანსონთან ერთად, მაგიდასთან გას ჰენსენი, ბრაიან რასტი, ბრინ კენი, ნიკ შულმანი და სკოტ სივერი არიან მიწვეულები. როგორც PokerGo-ს გუნდი ამბობს, მათი მიზანი Aria-ში მიმდინარე დიდი ქეშ-გეიმის სატელევიზიო სივრცეში გადატანა იყო. 

აღსანიშნავია გას ჰენსენის ეკრანზე გამოჩენა. როგორც წესი, Great Dane-ს სატელევიზიო გადაცემებში არ უმართლებს. Poker After Dark-ის უკანასკნელი ეპიზოდის ე.წ 'თიზერში', რომლის ნახვაც ქვემოთ მოცემულ ბმულზეა შესაძლებელი, გას ჰენსენი 52-ით ბრაიან რასტის KK-ის წინააღმდეგ 272KA ბორდზე აღმოჩნდება. სესია ჰენსენმა აშკარა 'ქულერით' დაიწყო, მაგრამ საინტერესოა, შეძლებს თუ არა ჰენსენი წარმატებული სესიის გამართვას.