სავარაუდოდ, როცა პოკერის მოთამაშეთა ოჯახზე ლაპარაკობ, პირველი აზრი ენი დიუკსა და ჰოვარდ ლედერერზე მოვა. მაგრამ როცა საქმე ონლაინ პოკერს ეხება, კიდევ ერთი ამერიკული ოჯახი უნდა ვახსენოთ: ჰაკ დენგი და მისი ძმა - დი დენგი უპირობო ლიდერები არიან. 

HighStakesDB-ის მონაცემებით, რომელიც ონლაინ მოთამაშეების ტრეკინგს ახორციელებს, ჰაკ დენგი ყველაზე შემოსავლიანი მოთამაშეების სიის მე-7 პოზიციას იკავებს. PokerStars-ზე მისი ექაუნთი, რომელსაც barcode-ის სახელით იცნობენ, $2 მილიონ დოლარზე მეტ შემოსავალს ითვლის. Full Tilt Poker-ის სტატისტიკას თუ გადავხედავთ, სადაც ის trex313-ით თამაშობდა, დენგის ანგარიშზე $6.759.566 მოგებაა. 

ჰეკ დენგის მდგომარეობა საკმაოდ უცნაურია, რადგან ყველაზე შემოსავლიანი გრაინდერის ტიტულის მოსაპოვებლად ის არამხოლოდ სხვა მოთამაშეებს, არამედ საკუთარ ძმას ეპაექრება. დი დენგი, რომელიც ონლაინ პოკერის სამყაროში Urindanger-ის ნიკითაა ცნობილი, $8 მილიონ დოლარამდე შემოსავალს ითვლის. 

რა თქმა უნდა, საუკეთესო რომ გახდე, ასევე საუკეთესოებს უნდა ეთამაშო. ჰეკ დენგმა ისეთი მოთამაშეების წინააღმდეგ გაილაშქრრა, როგორებიც ტიმოფეი კუზნეცოვი, ლივიუ იგნატი და იენს კილონენი არიან. ერთ-ერთი დიდი ბანკი, რომელიც მას ლეგენდარულმა ილარი საჰამისმა 'გადაუხადა', $317.670 დოლარს შეადგენდა. მის მსხვერპლებს შორის მე-2 და მე-3 ადგილებს ბენ ტოლერენი და რონი კაისერი ინაწილებენ. 

წარმატებული სტარტის შემდეგ, ძმებმა ფართო პუბლიკასთან ურთიერთობა გადაწყვიტეს და ფილ გალფონდის RunItOnce-ისთვის სატრეინინგო ვიდეო გაკვეთილების ჩაწერა დაიწყეს. უნდა ითქვას, რომ ლაივ პოკერის კარიერაში ძმებს, ფაქტიურად, არანაირი მოგება არ აქვთ. მათი სათამაშო ისტორია მთლიანად ონლაინ სივრცეშია მოქცეული.