კორაი ალდემირი US Poker Open-ის მე-9 ივენთს $738.000-იანი ანაზღაურებით იგებს
ერთი კვირის წინ, კორაი ალდემირს US Poker Open-ის მე-3 ივენთის მოგებამდე ერთი ადგილი დააკლდა. მაშინ ის ლორენ რობერტსთან დამარცხდა და მე-2 ადგილისთვის $159.250 დოლარი მიიღო. ამჯერად, გერმანელმა მოთამაშემ $50.000 დოლარიანი ულიმიტო ჰოლდემის მე-9 ივენთის მოგება შეძლო. პირველი ადგილისთვის დაწესებული $738.000 დოლარით, კორაი ალდემირი სერიების ყველაზე შემოსავლიანი მოთამაშე გახდა. საერთო ჯამში, წლევანდელ US Poker Open-ზე მას $897.200 დოლარი აქვს დაგროვებული.
"კარგი შეგრძნებაა, განსაკუთრებით ჩემი შარშანდელი მე-2 და მე-3 ადგილების შემდეგ, - ყვება ალდემირი, - ჰაი როლერ ტურნირებით ძალიან ვერთობი. ზოგჯერ, პოკერს სრულიად ვწყდები და ვისვენებ, მაგრამ თუ ასეთ ტურნირების თამაში მიწევს, რაც მამოძრავებს, შეჯიბრის ჟინია."
რაც შეეხება, US Poker Open-ის სერიების საუკეთესო მოთამაშის ტიტულს: მე-9 ივენთის ფინალურ მაგიდაზე მოხვედრის შემდეგ, შონ ვინთერის მდგომარეობა ბევრად გაუმჯობესდა. აქამდე, ის 440 ქულით, სტივენ ჩედვიკის უკან იდგა.მე-3 ადგილზე გასვლით მან ჩედვიკთან გათანაბრება მოახერხა. ამ მომენტისთვის, ორივე მოთამაშეს თანაბარი ქულები აქვთ, მაგრამ შონ ვინთერი მცირე უპირატესობას მაინც ფლობს: 9 ტურნირის განმავლობაში მას ჩედვიკზე მეტი შემოსავალი აქვს მიღებული.
ამჟამინდელი US Poker Open-ის ლიდერბორდი ასე გამოიყურება:
| პოზიცია | მოთამაშე | საპრიზო ადგილები | ქულები | ანაზღაურება |
| 1 | შონ ვინთერი | 5 | 540 | $747.900 |
| 2 | სტივენ ჩედვიკი | 4 | 540 | $705.000 |
| 3 | ნიკ შულმანი | 2 | 410 | $390.000 |
| 4 | ბრენდონ ადამსი | 3 | 365 | 314.750 |
| 5 | კორაი ალდემირი | 2 | 340 | $897.200 |
| 6 | კერი კატზი | 3 | 340 | $580.200 |
| 7 | ბრინ კენი | 2 | 240 | $477.000 |
| 8 | ლორენ რობერტსი | 2 | 240 | $263.400 |
| 9 | ჯორდან კრისტოსი | 2 | 240 | $206.200 |
| 10 | ალი იმსიროვიჩი | 1 | 200 | $442.000 |
