2019 წლის US Poker Open-ის ჩემპიონი დევიდ პიტერსი გახდა
2019 წლის US Poker Open შაბათს, $100.000 დოლარიანი მეინ ივენთით დასრულდა. მთლიანობაში, პოკერის ამერიკულმა ფესტივალმა მოთამაშეებს 10 ტურნირი შესთავაზა, რომელთა საფასურიც $10.000-დოლარიდან იწყებოდა. მთავარი ღონისძიების გამარჯვებული დევიდ პიტერსი გახდა, რომელმაც $1.32 მილიონთან ერთად, ფესტივალის საერთო რბოლაც მოიგო და US Poker Open-ის ჩემპიონი გახდა.
ტურნირზე 33 მოთამაშე დარეგისტრირდა. ფინალური მაგიდის დაწყების მომენტში, ჩემპიონობის მთავარ პრეტენდენტად შონ ვინთერი განიხილებოდა - ის საერთო ქულებითაც და ტურნირის ჩიპქაუნთის მიხედვითაც პირველ ადგილზე იმყოფებოდა. ჩიპლიდის დაკარგვისა და ვარდნის შემდეგ, დევიდ პიტერსს ჩემპიონატის მოგების შანსი მიეცა. საკმარისი ქულების მოპოვება მხოლოდ ტურნირის პირველ ადგილზე გასვლით იყო შესაძლებელი.
"უდავოა, რომ ერთ-ერთი ყველაზე პრესტიჟული სატურნირო სერიაა, - ყვება 31 წლის მოთამაშე, - ქვედა პოზიციებიდან ამ დონემდე ამოსვლა და შონ ვინთერის უკან ჩამოტოვება მართლაც სიგიჟეა. სათამაშო მაგიდის მიღმა, პოკერს უამრავ დროს ვუთმობ. მიხარია, რომ ჩემი შრომა მაგიდასთან ფასდება."
$1.32 მილიონიან ანაზღაურებასთან ერთად, დევიდ პიტერსმა US Poker Open-ის ჩემპიონისთვის დაწესებული $100.000 დოლარიც მიიღო. რამდენიმე დღის წინ ის მე-11 პოზიციაზე იმყოფებოდა, მაგრამ მეინ ივენთის მოგებამ მას ისეთი მოთამაშეების ჩამოტოვების საშუალება მისცა, როგორებიც შონ ვინთერი, სტივენ ჩედვიკი, ნიკ შულმანი, კორაი ალდემირი და კერი კატზი არიან.
ქვემოთ მოცემულ ცხრილში შეგიძლიათ ნახოთ 2019 წლის US Poker Open-ის ყოველი ტურნირის მოკლე სტატისტიკა:
| ტურნირი | ენტრანტები | გამარჯვებული | ქვეყანა | ანაზღაურება |
| #1: $10.000 NLH | 90 | სტივენ ჩედვიკი | დიდი ბრიტანეთი | $216.000 |
| #2: $20.000 PLO | 64 | ჯორდან კრისტოსი | აშშ | $179.000 |
| #3: $10.000 NLH | 91 | ლორენ რობერტსი | აშშ | $218.400 |
| #4: $10.000 SD | 42 | შონ ვინთერი | აშშ | $151.200 |
| #5: $25.000 NLH | 59 | ალი იმსიროვიჩი | აშშ | $442.500 |
| #6: $25.000 PLO | 39 | სტივენ ჩედვიკი | დიდი ბრიტანეთი | $351.000 |
| #7: $25.000 NLH | 60 | ბრინ კენი | აშშ | $450.000 |
| #8: $25.000 8 Game | 20 | ნიკ შულმანი | აშშ | $270.000 |
| #9: $50.000 NLH | 41 | კორაი ალდემირი | გერმანია | $738.000 |
| #10: $100.000 Main Event | 33 | დევიდ პიტერსი | აშშ | $1.320.000 |
