ქეშ გეიმების სიყვარული ფილ აივის ძვირი დაუჯდა. მართალია, მაკაუში მიმდინარე თამაშებზე მისი ბანკროლი, სავარაუდოდ, გაიზარდა, მაგრამ ტურნირებიდან წასვლის შემდეგ, აივის სატურნირო რეიტინგი მნიშვნელოვნად დაზარალდა. 

ბოლო მოთამაშე, ვინც აივის $26.267.283 დოლარიან მაჩვენებელს გადააჭარბა, ჯეისონ კუნია. მანამდე მას დენ სმიტმა და სტივ ო'დუაიერმა გაუსწრეს. ფილ აივის უკანასკნელი სატურნირო მოგება 8 თვის წინ ფიქსირდება, როდესაც WSOP-ის მეინ ივენთზე 547-ე ადგილისთვის $23.940 დოლარი მიიღო. 

სამხრეთ კორეის ქალაქ ჯეჯუში Triton High Roller-ის სერიები ჯეისონ კუნისთვის განსაკუთრებულად წარმატებული აღმოჩნდა: Triton Refresh-ის პირველი ადგილისთვის მან $973.306 დოლარი მიიღო, რასაც Short Deck Event-ის მოგება მოჰყვა, $2.840.945 დოლარიანი ანაზღაურებით. ამ  ყველაფერმა მისი საერთო სატურნირო შემოსავალი $27.911.824 დოლარამდე გაზარდა, რაც ფილ აივის გზიდან ჩამოსაშორებლად საკმარისი აღმოჩნდა. 

ზამთარი ასევე წარმატებული გამოდგა სტივ ო'დუაიერისთვისაც. ირლანდიური წარმოშობის ჰაი როლერმა Caribbean Party Poker-ზე $1.3 მილიონი გამოიმუშავა, რამაც მისი საერთო შემოსავალი $26.820.595 დოლარამდე გაზარდა. 

ამ მომენტისთვის, მსოფლიოს 12 ყველაზე შემოსავლიანი მოთამაშე (სატურნირო სტატისტიკის მიხედვით) ასე გამოიყურება: