რამდენიმე დღის წინ PartyPoker-ის სახემ, ჯეფ გროსმა საკუთარ პოდკასტზე თანამედროვე ჰაი სტეიკს პოკერის ერთ-ერთი კაშკაშა ვარსკვლავი, დენიელ ქეითსი მიიწვია. 

შეიძლება ითქვას, რომ ორსაათიანი ინტერვიუს დროს, გროსმა ქეითსის ტვინის დეტალური გამოკვლევა ჩაატარა. პოდკასტი დენ ქეითსის მეტსახელის, jungleman-ის განხილვით დაიწყო. როგორც ჰაი სტეიკს გრაინდერი ყვება, ყველაფერი კოლეჯის წლებში დაიწყო, როცა მას გრძელი თმისა და მოუწესრიგებელი წვერის გამო მეგობრებმა jungleman - ჯუნგლების კაცი შეარქვეს. 

რა თქმა უნდა, საუბარი მასსა და ტომ დუანს შორის დაუსრულებელ Durrrr Challenge-საც შეეხო. თითქმის 10 წელი გავიდა მას შემდეგ, რაც მოთამაშეები ერთმანეთს დაუპირსპირდნენ. წყვილმა უკვე 20.000 დარიგებაზე მეტი ითამაშა, ორთაბრძოლის დასრულებამდე კი 30.000 დარიგება დარჩა. როგორც ქეითსი ამბობს, დუანი მასთან მილიონ დოლარზე მეტ ზარალში გავიდა. "როცა ხედავ, რომ მილიონზე მეტი გაქვს წაგებული, ხოლო სათამაშო გაცილებით მეტი დარიგება დაგრჩა, თამაშის გაგრძელება აღარ უნდა გინდოდეს" - განმარტავს ქეითსი. სწორედ ამ მიზეზს ასახელებს ამერიკელი მოთამაშე ჰედს-აპის უვადოდ გადადების მიზეზად. 

Full Tilt Poker-ზე დაწყებული თამაშის გაგრძელება ჯეფ გროსმა მოთამაშეებს PartyPoker-ის პლატფორმაზე შესთავაზა. როგორც ცნობილია, გაჭიანურებული ჰედს-აპის გამო ტომ დუანი დენ ქეითსს პერიოდულად გარკვეულ კომპენსაციას უხდის. უკვე წლებია, რაც ტომ დუანი მასსა და დენ ქეითსის შორის არშემდგარ ბრძოლაზე კომენტარისგან თავს იკავებს. 

პოდკასტის სრული ვერსიის ნახვა ქვემოთ მითითებულ ბმულზე შეგიძლიათ: