კრის მორმანი მსოფლიოში ერთ-ერთი ყველაზე მომგებიანი MTT მოთამაშეა. ონლაინ ტურნირის მოგება მისგან ნამდვილად არავის გაუკვირდება, მაგრამ გუშინდელი გამარჯვებით ბრიტანელმა მოთამაშემ Triple Crown-ის ტიტული 30-ედ მოიპოვა. 

რას ნიშნავს Triple Crown-ის ტიტული? ის Pocket Five-ის მიერ შექმნილი კონცეფტია და გულისხმობს 7 დღის განმავლობაში 3 სხვადასხვა პოკერ-რუმზე 3 სხვადასხვა MTT-ის (Multi Table Tournament), ანუ მრავალმაგიდიანი ტურნირის მოგებას. 

კრის მორმანის არჩევანი, ამჯერად, PartyPoker, Americas Cardroom და PokerStars იყო. ანაზღაურებები, რომლებიც ბრიტანელმა ბოლო 7 დღეში მიიღო სიდიდით ნამდვილად არ გამოირჩევა: მან $5.970 დოლარი მოიგო PartyPoker-ზე, $4.496 დოლარი PokerStars-ზე და $14.125 დოლარი ACR-ზე. შეიძლება, ანაზღაურება მასიური არ არის, მაგრამ სწორედ ასეთი მოგებების წყალობით, მორმანის საერთო სატურნირო შემოსავალი, რომელიც მას მხოლოდ ონლაინ ტურნირებით აქვს მიღებული, $15.936.453 დოლარს შეადგენს. 

ნიკოლას ფიერო, რომელიც ინტერნეტ სამყაროში PokerKaiser-ის სახელითაა ცნობილი, კრის მორმანის ყველაზე 'საშიში' მეტოქეა - მის ანგარიშზე 21 Triple Crown-ის ტიტულია. ფიეროს საერთო სატურნირო მოგება $11.893.317 დოლარს ითვლის.