რამდენიმე კვირის წინ დენ ბილზერიანმა "ტვიტერზე" პოსტი გამოაქვეყნა, სადაც ამბობდა, რომ პოკერის მაგიდებათან მას დენ ქეითსზე მეტი ჰქონდა მოგებული. ასეთი განცხადების შემდეგ, დროა, გამოვარკვიოთ, რეალურად რამდენი აქვს ონლაინ პოკერის ლეგენდას მოგებული?

10 წელზე ოდნავ მეტია, რაც მერილენდელი გემბლერი დიდ პოკერში ჩაერთო. ამ პერიოდის განმავლობაში მან პოკერის სამყაროში საკუთარი სახელის სამუდამოდ ჩაწერა მოახერხა. ლაივ ტურნირებზე ქეითსის მოგება $6 მილიონ დოლარს აჭარბებს. არავინ იცის, რამდენი აქვს მოგებული მას ლას ვეგასისა და მაკაუს უდიდეს ქეშ-გეიმებზე. ის პირველი იყო, ვინც ტომ დუანის გამოწვევა მიიღო და 20.000 დარიგებაში $1.2 მილიონი დოლარის მოგებაც შეძლო.  

ეს ყველაფერი Full Tilt Poker-ის დახურვამდე ხდებოდა, სადაც ქეითსის მოგება $10.270.847 დოლარს შეადგენს. მას მხოლოდ ფილ აივი და პატრიკ ანტონიუსი უსწრებენ. შესაძლოა, დენ ქეითის დარიგებები ისეთი მასიური არ ყოფილა, როგორებსაც ტომ დუანი, ვიქტორ ბლომი ან პატრიკ ანტონიუსი თამაშობდნენ, მაგრამ 6-მაქს მაგიდებზე რეგულარული თამაშით მან სოლიდური ბანკროლის დაგროვება შეძლო. 

jungleman-ის გარდა მისი კიდევ ერთი ზედმეტსახელია ცნობილი - w00ki3z. ამ ნიკით ის PokerStars-ზე თამაშობს, სადაც ქეითსი ვიქტორ ბლომს, ბენ სალსკისა და მალაიზიელ მილიარდერ ბიზნესმენსა და პოკერის ენთუზიასტს - პოლ ფუას უპირისპირდება.  მსოფლიოს უდიდეს პოკერ-რუმზე ის რამდენჯერმე აცდა მილიონდოლარიან ზღვარს. PokerStars-ზე მისი უდიდესი ერთჯერადი დარიგება $200.000 დოლარს ითვლის, რომელიც ქეითსმა ტიმოფეი კუზნეცოვს მოუგო. 

სამწუხაროდ, ინტერნეტში არ იძებნება დენ ბილზერიანის მიერ მოგებული მნიშვნელოვანი თანხა, რომელიც მისი და ქეითსის შედეგების შედარების საშუალებას მოგვცემდა.