ჯეიმი გოლდი WSOP-ის ისტორიაში ერთ-ერთი ყველაზე გამორჩეული სახეა, რომელსაც პოკერის უამრავი გულშემატკივარი განსაკუთრებული ნეგატიურობით ახასიათებს. მოგწონთ თუ არა, გოლდმა მეინ ივენთი მოიგო და WSOP-ის ისტორიაში იმ დრომდე არსებული საუკეთესო ანაზღაურება - $12.000.000 დოლარი მიიღო. "მახსოვს, რომ ძალიან ვნერვიულობდი, - ყვება გოლდი, - მიუხედავად ამისა, საკუთარ თავში მაინც დარწმუნებული ვიყავი. მანამდე რამდენიმე მცირებიუჯეტიანი ტურნირი მქონდა მოგებული, მაგრამ მეინ ივენთზე პირველად დავრეგისტრირდი."

მართლაც, მას WSOP-ის არანაირი გამოცდილება არ ჰქონდა. უნდა ითქვას, რომ სხვა ტურნირებზე გოლდს WSOP-ის ისეთ ვარსკვლავებთან უთამაშია, როგორებიც ჯონი ჩენი და კრის ფერგიუსონი არიან. "სრულად ვიაზრებ, რამდენი რამ მაქვს თამაშში სასწავლი. ჯონი ჩენისა და ფერგიუსონისნაირი მოთამაშეები მოტივაციას მაძლევენ, რომ განვვითარდე."

როგორც 2006 წლის ჩემპიონი ამბობს, მისი საუკეთესო მომენტები კამერაზე არაა აღბეჭდილი: "ჩემი დარიგებების 99% არავის აქვს ნანახი, ჩემ გარდა. თუ ვინმე ჩემს თამაშს ამტყუნებს, მათ არ იციან ჩემი რეალური სტილი. მე თავადვე ვხვდები და ვიაზრებ საკუთარ შეცდომებს."

ჯეიმი გოლდი წლევანდელ მეინ ივენთშიც მიიღებს მონაწილეობას, მაგრამ პირველი ადგილისთვის დაწესებულმა თანხამ ნაკლებადსავარაუდოა, რომ $12.000.000 დოლარს მიაღწიოს. "მაშინ ტურნირში თითქმის 9.000 მოთამაშე ღებულობდა მონაწილეობას. პირველი ადგილის ანაზღაურებაზე მოთამაშეები, მედიის წარმომადგენლები და, ზოგადად, მთელი მსოფლიო ლაპარაკობდა. 

2006 წლის მეინ ივენთის მოგების შემდეგ, გოლდს პომპეზური წვეულება არ მოუწყვია: "მაშინ მამაჩემი ძალიან ცუდად იყო. მას დღეების სიცოცხლე ჰქონდა დარჩენილი. ვეცადე, მთელი დრო მისთვის დამეთმო."

მაშინდელი მეინ ივენთის ფინალური მაგიდის 8 მონაწილიდან, გოლდმა 7 გამოთიშა თამაშს. რა თქმა უნდა, იღბლის გარეშე ასეთი შედეგი წარმოუდგენელი იქნებოდა: "იღბალი თამაშის მნიშვნელოვანი კომპონენტია. მას შეუძლია, მოგაგებინოს და შეუძლია, დაგანგრიოს. ჩემი მთავარი ამოცანა ალან კანინგჰემის გაგდება იყო. ის ყველაზე რთულ ოპონენტად მეჩვენებოდა."

შეიძლება გაგიკვირდეთ, მაგრამ ჯეიმი გოლდს რეალური სამსახური აქვს: "ახლა კომპანიებს საკონსულტაციო მომსახურებას ვუწევ. განვითარებაში ვეხმარები, რათა მომავალში საკუთარ სფეროში მაქსიმალური შედეგი დადონ. გარდა ამისა, მონაწილეობას საქველმოქმედო აქციებშიც ვღებულობ მონაწილეობას, რაც ძალიან სასიამოვნოა." ჯეიმი გოლდმა ისეთი ვარსკვლავები აღმოაჩინა, როგორებიც ჯეიმს განფოლფინი და ჯიმი ფელონი არიან. გარკვეული დროით, ის ჰოლივუდშიც მუშაობდა.