ყოველ წელს, WSOP-ის მსვლელობისას, მსოფლიო სერიების მესვეურები Poker Hall Of Fame-ის კანდიდატთა სიას აქვეყნებენ. პოკერის დიდების დარბაზისთვის 10 კანდიდატია ნომინირებული. მათ არჩევაში მონაწილეობას დიდების დარბაზის 30 ცოცხალი წევრი და პოკერის ინდუსტრიის 21 ექსპერტი ღებულობს. 

იმისთვის, რომ მოთამაშე პოკერის დიდების დარბაზის წევრი გახდეს, რამდენიმე კრიტერიუმია დასაკმაყოფილებელი:

• უნდა თამაშობდეს ცნობილი და აღიარებული მოთამაშეების წინააღმდეგ
• უნდა იყოს 40 წლის მაინც
• უნდა თამაშობდეს მაღალ ლიმიტებზე
• უნდა თამაშობდეს წარმატებით
• უნდა გაუძლოს დროს
• მათ კი, ვინც უშუალოდ თამაშში არაა ჩართული, წვლილი უნდა ჰქონდეთ შეტანილი პოკერის პოპულარიზაციასა და ინდუსტრიის გაუმჯობესებაში

შარშან, Poker Hall Of Fame-ის ჟიურიმ დიდების დარბაზში ორი ახალი წევრი მიიღო: ვეტერანი მოთამაშე - ჯონ ჰენიგანი და პოკერის სატელევიზიო გადაცემების პროდიუსერი - მორი ესკანდანი. 

Poker Hall Of Fame-ის 9 ნომინანტი წინა წელსაც იყო დასახელებული. მათ რიცხვს კიდევ ერთი სახელი დაემატა: ანტონიო ესფანდიარი. რამდენადაც 40 წელს გადაცდა, ესფანდიარი სრულად აკმაყოფილებს იმ კრიტერიუმებს, რის მიხედვითაც პოკერის დიდების დარბაზში მოხვედრაა შესაძლებელი. 

კენჭისყრის შედეგები 8 ივლისს გახდება ცნობილი. Poker Hall of Fame-ის ნომინანტთა წლევანდელი სია ასე გამოიყურება:

• კრის ბიორნი
• დევიდ ჩიუ
• ელი ელეზრა
• ანტონიო ესფანდიარი
• კრის ფერგიუსონი
• ტედ ფორესტი
• მაიკ მატუსოუ
• კრის მანიმეიქერი
• დევიდ ოპენჰაიმი
• ჰაკ სიდი