King's Casino-ს მფლობელი, ლეონ ცუკერნიკი Casinos Austria Poker Tour-ს დაესწრო. მიუხედავად CAPT-ზე ცუკერნიკის წარუმატებლობისა, მან მაინც მოახერხა ბანკროლის მნიშვნელოვანი კაპიტალით შევსება. 

CAPT-ის სერიებზე ჩეხი გემბლერის სახელი უცხო ნამდვილად არ არის. ჯერ კიდევ 2011 წელს, მან CAPT-ის მეინ ივენთის მე-2 ადგილი დაიკავა და €33.020 ევრო მიიღო. მაგრამ ეს თანხა მის გუშინდელ მოგებასთან შედარებით ზღვაში წვეთია. ჩეხი ბიზნესმენი €1.000 ევროიან სპინს თამაშობდა, როცა €1.372.500 ევროიანი ჯეკპოტი მოიგო. 

გუშინდელი მოგება რომ ლეონ ცუკერნიკის სატურნირო შემოსავლებში შესულიყო, ის მე-2 ადგილს დაიკავებდა, 2017 წლის Super HIgh Roller Bowl-ზე მოგებული $1.800.000 დოლარის შემდეგ. 

სულ ცოტა ხნის წინ, ლეონ ცუკერნიკმა პრაღაში მდებარე Casino Atrium შეიძინა. ეს სწორედ ის ადგილია, სადაც ბიზნესმენმა 2016 წლის €50.000 ევროიანი EPT Prague მოიგო, €741.000 ევროიანი ანაზღაურებით პირველი ადგილისთვის.