პოკერის სამყაროში თუ რამდენიმე დღე მაინც გაგიტარებია, ბედ ბითის ისტორია აუცილებლად გექნება მოსაყოლი, მაგრამ ვერავინ ყვება წაგებულ დარიგებებს ისე, როგორც ფილ ჰელმუტი. 

ერთი კვირის წინ, ლეგენდარულმა მოთამაშემ, ონლაინ პოკერის თამაშისას, $90.000 დოლარი წააგო. ფილ ჰელმუტის კალიბრის გემბლერისთვის $90.000 დოლარი დიდი ვერაფერი თანხაა, მაგრამ საქმე იმაშია, რომ 9 ოლ-ინიდან ის ვერცერთხელ გამოძვრა ზარალის გარეშე. 

ამბავი პრივატული ონლაინ ქეშ-გეიმის $5/$10 ლიმიტზე მოხდა. როგორც ჩანს, ეს მსოფლიოში ყველაზე დიდი $5/$10 იყო, რადგან ასეთი ბლაინდების მიუხედავად, მოთამაშეები $50.000 დოლარიანი სტეკებით ისხდნენ. მაგიდის ერთ-ერთმა მონაწილემ $100.000 დოლარის მოგებაც კი შეძლო. 

"ჩემი ცხოვრების ყველაზე ცუდი ბედ ბითი! - ასე მონათლა ფილ ჰელმუტმა წაგებული ხელი, რომელშიც მან დიდი თანხა არა, მაგრამ ძალიან ბევრი ბიგ ბლაინდი გადაიხადა, - მე AA მყავდა, როცა ორმა მოთამაშემ გადაწყვიტა, რომ ჩემთვის AA-ით და AQ-ით 2.000 ბიგ ბლაინდი გადაეხადათ. რა თქმა უნდა, დარიგება სთრეითთან წავაგე."

... და ასე გამეორდა 9-ჯერ. მაგალითად, ერთ-ერთი ოლ-ინი მან ისევ AA-ით გააკეთა, 744 ფლოპზე, მაგრამ K10-თან წააგო. "ბოლო სამი კვირის განმავლობაში მუდმივად ვიგებ, - წერს ტვიტერზე ჰელმუტი, - არაუშავს, ერთ ცუდ დღეს ნამდვილად ავიტან."