რამდენადაც ლაივ კაზინოები პანდემიის გამო კვლავ დახურულია, ძვირადღირებული ტურნირების რაოდენობამ მკვეთრად იკლო. ამ ფაქტს ხელი არ შეუშლია ირლანდიელი ჰაი როლერისთვის ნახევარ მილიონ დოლარზე მეტი მოეგო. სტივ ო'დუაიერმა PokerStars-ზე მიმდინარე SCOOP-ის $25.000-იან ივენთზე $521.598 დოლარი მოიგო. 

ტურნირი საკმაოდ სწრაფად განვითარდა: 89 ენტრანტიდან, დღის ბოლოსთვის, მხოლოდ 10 იყო დარჩენილი. მართალია, კანადელმა ტიმოთი ადამსმა ფულში შესვლა მოახერხა, მან მაინც მე-11 პოზიციაზე დაასრულა თამაში. ტურნირის 'ბაბლი' კი ლეგენდარული ბენ სალსკი აღმოჩნდა, რომლის გავარდნამაც ოფიციალური ფინალური მაგიდა შექმნა. 

ცნობილი მოთამაშეებიდან $2.182.725 დოლარიანი საპრიზო ფონდისთვის ფედორ ჰოლცი, თალალ შაკერჩი და ჩუნ ლეი ჟოუ იბრძოდნენ. გარდა ამისა, მაგიდაზე ოლე შემიონი და ანდრაშ ნემეტიც მოხვდნენ. ერთ-ერთი მძიმე დარიგების დროს, როცა რამდენიმე რირეიზის შემდეგ სამმა მოთამაშემ სტეკები მაგიდის ცენტრში მოათავსა, ანდრაშ ნემეტს ორი მეტოქის გაგდების შანსი მიეცა: უნგრელს AA ჰყავდა, როცა ოლე შემიონი KK-ს ფლობდა, ხოლო ო'დუაიერი - AQ-ს. დარიგებას დრამატულობა ფლოპმა შეჰმატა: QQJ. პრეფლოპ ანდერდოგი პოსტფლოპზე უპირატეს მდგომარეობაში აღმოჩნდა და შემდგომ რაუნდებში დადებულმა 3-მა და 7-მა მას ვერაფერი დააკლეს. 

საბოლოოდ, ფინალური ჰედს-აპი სწორედ ირლანდიელსა და უნგრელს შორის გაიმართა, რომლის ფინალურ დარიგებაში კვლავ ო'დუაიერს გაუმართლა და K10-ით ნემეტის AK დაამარცხა. მე-2 ადგილისთვის ანდრაშ ნემეტს $403.096 დოლარი შეხვდა.