2021 წლის ივნისში, შესაძლოა, პოკერის მოყვარულებმა თამაშის ორი უდიდესი სახელის - ტომ დუანისა და ფილ აივის ჰედს-აპ დაპირისპირება ვიხილოთ. WPT Heads-Up Championship-ის წარმდგენი ჩინური მობილური აპლიკაცია Poker King იქნება, რომელიც მაყურებელს პოკერის 32 საუკეთესო მოთამაშეს სთავაზობს, მათ შორის აივისა და დუანს. 

ტურნირი 18 ივნისს დაიწყება და 4 დღის განმავლობაში გაგრძელდება. 32 მოთამაშე ვალდებულია $25.000 დოლარი გადაიხადოს. მათი ნაწილი მექსიკაში, კაბო სან ლუკას კურორტზე მდებარე ლაივ კაზინოში ითამაშებს, ნაწილი კი შეხვედრებს ონლაინ ფორმატში გამართავს. ჯერჯერობით, ტურნირზე დარეგისტრირებული მოთამაშეების სრული სია გამოქვეყნებული არ არის, მაგრამ აივისა და დუანის სახელები დიდი აჟიოტაჟის შესაქმნელად საკმარისი აღმოჩნდა. ვარაუდობენ, რომ ჩემპიონატში ასევე ჩაერთვებიან ბილ პერკინსი, ნიკ შულმანი და ლენდონ ტაისი. 

უკვე წლებია, რაც ტომ დუანი და ფილ აივი სამხრეთ-აღმოსავლეთ აზიაში, მაკაუსა და სამხრეთ კორეაში თამაშობენ. მათი განმარტებით, ჩინეთსა და კორეაში გაცილებით დიდი და საინტერესო თამაშები იმართება, სადაც პროფესიონალი მოთამაშეების გარდა, მდიდარი ბიზნესმენების ნახვაცაა შესაძლებელი. დროთა განმავლობაში, ორივე მათგანი ჩინური ონლაინ კაზინოს, Poker King-ის სახე გახდა. ისინი აქტიურად უჭერენ მხარს ჩინეთში შექმნილ Short Deck Poker-ის პოპულარიზაციას. 2010-იან წლებში აივისა და დუანის ნახვა პოკერის დასავლურ ტურნირებზე ფაქტიურად შეუძლებელი იყო. ამჯერად, ერთმანეთის პირისპირ სწორედ ორი უდიდესი სახელი შეიძლება ვიხილოთ.