ბოსნიელმა მოთამაშემ ბოლო წლებში არნახული პოპულარობა მოიპოვა. პოკერში კი პოპულარობა წარმატების გარეშე წარმოუდგენელია. ალი იმსიროვიჩმა, 4 ტურნირის გამოტოვებით, Poker GO Cup-ის ორი ივენთი მოიგო, რაც თითქმის ნახევარმილიონიან აპსვინგად შეიძლება ჩავთვალოთ. 

დასაწყისში, იმსიროვიჩმა $10.000 დოლარიანი ტურნირი მოიგო, $183.000 დოლარით პირველი ადგილისთვის. მაშინდელი გამარჯვება ბოსნიელმა პოკერის თეორიის გულმოდგინედ შესწავლას დააბრალა: "რაც უფრო მეტს ვგებულობ პოკერზე, რაც უფრო მეტს ვსწავლობ, მით უფრო იზრდება ჩემი თავდაჯერებულობა."

გუშინწინ კი, მან $15.000 დოლარიანი ულიმიტო ჰოლდემის ტურნირი მოიგო, $240.000 დოლარიანი ანაზღაურებით პირველი ადგილისთვის. ამჯერად, იმსიროვიჩმა წარმატების ასახსნელად იღბალი გამოიყენა: "ზოგჯერ, რამდენიმე სეტი უნდა მიიღო და, როგორც ჩანს, მოგებასაც შეძლებ." 

იმსიროვიჩის უკანასკნელი მოგება რთულ ლაინ-აფზე შედგა, სადაც მსოფლიოს არაერთი დიდი სახელი და ჰაიროლერ მოთამაშე იყო წარმოდგენილი. "ჩემი მიზანიც სწორედ ესაა, - ამბობს ბოსნიელი, - მინდა, რაც შეიძლება მეტი დიდი ტურნირი მოვიგო, რომლებზეც საუკეთესო მოთამაშეები რეგისტრირდებიან."