7 წლის წინ, ისაი შაინბერგმა PokerStars-ის პლატფორმა $4.9 მილიარდ დოლარად Amaya Inc-ს მიყიდა. 2021 წელს, ბიზნესმენი, რომელმაც საფუძველი პოკერის უდიდეს საიტს ჩაუყარა, პოკერის დიდების დარბაზში მოხვედრის კანდიდატია. მიუხედავად იმისა, რომ შაინბერგი მოკრძალებული ცხოვრების სტილით გამოირჩევა და ხმაურიან დებატებში არ ერთვება, მან Poker.org-ის მიერ დასმულ შეკითხვებს უპასუხა. 

2015 წელს, PokerStars-ის მფლობელი Amaya Inc გახდა. პირველი დიდი ცვლილება, რომელმაც ფართო უკმაყოფილება გამოიწვია, რეიკბექის სისტემაში მნიშვნელოვანი ცვლილება იყო. საიტის ახალმა მფლობელებმა Supernova Elite-ის ფუნქცია გააუქმეს, რაც იმას ნიშნავდა, რომ აქტიურ მოთამაშეებს რეიკბექით მიღებული შემოსავლის წყარო ფაქტიურად გაურქათ. ნებისმიერ რეგულარ მოთამაშეს კი ეცოდინება, რომ წარუმატებელი პერიოდის დროს ფინანსური თვალსაზრისით გადარჩენა, როცა ალტერნატიული შემოსავალი არ გაქვს, მხოლოდ რეიკბექითაა შესაძლებელი. 

"ვფიქრობ, Supernova Elite-ის გაუქმება დიდი შეცდომა იყო, - ამბობს შაინბერგი, - მე და ჩემი შვილი, მარკი რომ ისევ კომპანიის სათავეში ვყოფილიყავით, მსგავს რამეს არ დავუვებდით. მოთამაშეებს ჩვენ ისე ვუყურებდით, როგორც კლიენტებს და კლიენტი ყოველთვის მართალი უნდა იყოს. შემოსავალი ჩვენი ბიზნესის მნიშვნელოვანი მოტივატორი იყო, მაგრამ - არა ერთადერთი."

ისაი შაინბერგისა და მისი შვილის წყალობით, PokerStars-მა ისეთ რთულ პერიოდს გაუძლო, როგორიც ე.წ. Black Friday იყო. ამერიკის მასშტაბით ონლაინ გემბლინგისთვის დაწესებულმა რეგულაციებმა პოკერის ინდუსტრიის მნიშვნელოვანი მოთამაშეები დააზიანეს. მათ შორის იყო Full Tilt Poker, რომელმაც წნეხს ვერ გაუძლო და გაკოტრებულად გამოცხადდა. "იმისთვის, რომ ამერიკაში პოკერის ახალი ბუმი დაიწყოს, ახალი კანონმდებლობის მიღებაა საჭირო, რაც ამერიკის ბაზარს საერთაშორისო ბაზართან დააკავშირებს. ასეთი ნაბიჯით, პოკერით კიდევ უფრო მეტი მოთამაშე დაინტერესდება." 

75 წლის ბიზნესმენს, პოკერის გარდა, უამრავი ინტერესი აქვს, რაშიც ფულის ინვესტირებას ცდილობს, მაგრამ აზარტსა და თამაშის ჟინს ის არასდროს მიუტოვებიათ: "ძალიან მინდა, დიდ თამაშში მივიღო მონაწილეობა. დანამდვილებით შემიძლია გითხრათ, რომ შემდეგი წლის WSOP-ზე თამაშს აუცილებლად ვაპირებ."