ბრიტანელი ვეტერანი პროფესიონალი მოთამაშე, დეივ ულიოტი, რომელიც ცნობილია მეტსახელით "Devilfish", სახლში, კერძოდ კი ქალაქ ჰულში, ოჯახისწევრებისა და ახლობლების გარემოცვაში ატარებს უდიდეს დროს. იგი სიმსივნეს ებრძვის. როგორც ცნობილი გახდა ინგლისელ ლეგენდას ნაწლავის სიმსივნე დაუდგინეს.
    მოთამაშის ჯანმრთელობის შესახებ ურთიერთგამომრიცხავი ინფორმაციების მიუხედავად, რომელიც ინტერნეტით ვრცელდებოდა ბოლო პერიოდის განმავლობაში, მასთან და მის ოჯახთან დაახლოებული წრეებიდან გავრცელდა ინფორმაცია, რომ ულიოტი თავს კარგად გრძნობს და მაქსიმალური კომფორტის შესაქმნელად მთელ დროს სახლში ატარებს. მიუხედავად ავადმყოფობის სიმძიმისა და სერიოზულობისა, დევილფიში მას მოთმინებით ებრძვის და ისეთსავე შეუპოვრობას იჩენს, როგორსაც სხვა ცხოვრებისეულ რთულ პერიოდებში. 
    ულიოტი მსოფლიო პოკერის ლეგენდადაა აღიარებული. მას მოგებული აქვს WSOP-ის ბრასლეტი 1997 წელს, პოტ ლიმიტ ომაჰაში, რომლისთვისაც მან $200.000 დოლარი მიიღო. თუმცა როგორც ნამდვილ ძველი ყაიდის გემბლერს შეეფერება მან ეს ფული ისევ აზარტული თამაშების წყალობით წააგო. ულიოტი ასევე WPT-ის 2003 წლის გამარჯვებულიცაა. იგი 160 მოთამაშეს შორის საუკეთესო აღმოჩნდა და ფინალურ ჰედს-აპზე ფილ აივი დაამარცხა. ის იყო ასევე ერთ-ერთი მონაწილე იმ მოთამაშეთა გუნდისა, რომელთა თამაშს სატელევიზიო ეთერი დაეთმო 1999 წელს. პოკერის სამყაროში ულიოტმა სახელი გაითქვა მისი უნიკალური თამაშისა და ექსტრაორდინალური, სკანდალური პიროვნული მახასიათებლებით. 

    ერთ-ერთ ონლაინ ჟურნალთან საუბრისას დეივ ულიოტთან დაახლოებულმა პირმა განაცხადა, რომ მიუხედავად მისი ჯანმრთელობის რთული მდგომარეობისა, დევილფიში, 4 აპრილს, დაბადების დღისთვის წვეულების მოწყობას აპირებს. ასევე ის აქტიურად მუშაობს თავისი პოკერ რუმის "Devilfish Poker"-ის განახლებულ ვერსიაზე და რუმის ხელახალ ამოქმედებაზე. 
    მისმა ოჯახმა თხოვნით მიმართა როგორც მის თაყვანისმცემლებს, ასევე მედია საშუალებებს, რომ არ გაევრცელებითან ცრუ ინფორმაცია ულიოტის ჯანმრთელობის შესახებ. როგორც მოგეხსენებათ, ონლაინ ფორუმებზე ხშირად ვრცელდებოდა ამბები ულიოტის მდგომარეობის გაუარესებისა და მისი საავადმყოფოში მკურნალობის შესახებ, რაც სიმართლეს არ შეესაბამება. 
    მას შემდეგ რაც საზოგადოებისთვის ცნობილი გახდა მოთამაშის ჯანმრთელობის შესახებ, მისი ათასობით თაყვანისმცემელი და უბრალოდ პოკერის მოყვარულები, უამრავ წერილს უგზავნიან მას გამოჯანმრთელების სურვილით. პოკერის ლეგენდის, დოილ ბრანსონის განცხადებით, პოკერის სამყარომ უნდა გაითვალისწინოს თუ რამდენი გააკეთა დეივ ულიოტმა თამაშისთვის მსოფლიოს მასშტაბით და მიუჩინოს მას ადგილი პოკერის დიდების დარბაზში.