ბარი გრინშტაინმა და კრის მანიმეიკერმა ისტორიაში ყველაზე დიდი "ფლეი მანი" ტურნირი ითამაშეს. ორი ამერიკელი გიგანტი ერთმანეთს დაუპირისპირდა "მილიარდერთა კლუბის" ტიტულის მოსაპოვებლად. 
ბოლო ვიქენდზე, პოკერსტარსმა ჩაატარა პირველი "მილიარდერთა კლუბის" ტურნირი, რომელიც განკუთვნილია მოთამაშეთათვის, რომლებმაც როგორღაც მოახერხეს მილიარდზე მეტი სათათამაშო ჩიპის მოგროვება. მოვლენა ყოველწლიურ ხასიათს მიიღებს. როგორც ჩანს, მსოფლიოში საყოველთაოდ აღიარებული მოთამაშეები, ვირტუალური ფულის სამყაროშიც არ კარგავენ თავიანთ ტალანტს. 
ერთი შეხედვით უცნაურია, რატომ უნდა ითამაშონ მილიონერებმა "ფლეი მანი", როდესაც მათ ისედაც საკმაოდ დატვირთული გრაფიკი აქვთ? როგორც აღმოჩნდა კონტრაქტი პოკერსტარსთან, მოთამაშეებს აკისრებს ერთგვარ ვალდებულებას, რის მიხედვითაც მათ გარკვეული დრო უნდა დაუთმონ საიტზე თამაშს. რამდენადაც ამერიკაში რეალურ ფულზე ონლაინ თამაში აკრძალულია, მოთამაშეები ხშირად ვირტუალური ფულით ერთობიან. აღმოჩნდა, რომ ვირტუალურ ფულს რეალურთანაც აქვს შეხება: თუ გსურთ მთლიანად იყიდოთ კრის მანიმეიკერის "ფლეი მანი" ექაუნთზე დაგროვილი ჩიპები, რომელიც 15 მილიარდს აღემატება, თქვენ მოგიწევთ $20.000 დოლარის გადახდა. 
"ფლეი მანი" ფორმატით ასეთმა დაინტერესებამ კი გამოიწვია "ფლეი მანი" ტურნირების ბაი ინის ზრდა, რომელიც ათჯერ აღემატებოდა წინა 100 მილიონ ჩიპს. ტურნირზე ბარი გრინშტაინმა 31 მოთამაშეს შორის საუკეთესო, 2003 წლის WSOP-ის გამარჯვებული და მსოფლიო ჩემპიონი, კრის მანიმეიკერი დაამარცხა. მისი ენთუზიასმისთვის გრინშტაინს გადაეცა 13.9 მილიარდი "ფლეი მანი" ჩიპი და ტურნირის პირველი ტიტული. თუმცა ვეტერანი მოთამაშე სხვა ამბებით უფრო ჩანდა გატაცებული. 
"კრის მანიმეიკერთან ჰედს-აპის თამაში ძალიან სახალისო იყო. საკმაოდ ძლიერად დამიპირისპირდა, თუმცა ამჯერად იღბალი ჩემ მხარეს იყო, რამაც თამაშის დასასრული მთლიანად განსაზღვრა. რა თქმა უნდა სასიხარულოა ის ფაქტი, რომ პირველი ვარ, ვინც ეს ტიტული მოიპოვა, მაგრამ უფრო მეტად მახარებს ის ფაქტი, რომ მოვახერხე ტურნირი პირდაპირი ეთერით გადამეცა Twitch-ის დახმარებით", - განაცხადა ბარი გრინშტაინმა. 
კრის მანიმეიქერი დიდი ხნის განმავლობაში ლიდერობდა "ფლეი მანი" ჩარტებში თავისი 15 მილიარდიანი ბანკროლით, თუმცა მას გაუსწრო "Dash_Lane"-მა, რომლის "ფლეი მანი" ექაუნთი 3 მილიარდით აღემატებოდა მსოფლიო ჩემპიონისას. მეორე ადგილზე გასვლამ და 9 მილიარდიანმა საპრიზო ადგილმა კი მანიმეიქერი კვლავ პირველ პოზიციაზე დააბრუნა.