ამაზონის მიერ საზოგადოებისთვის შეთავაზებული ახალი პროდუქტით სულ უფრო და უფრო მეტი პროფესიონალი პოკერის მოთამაშე ინტერესდება. ეს ყველაფერი კი პოკერის მოყვარულების დიდ ყურადღებას იმსახურებს. ჯეიმი სტეპლსს, ბარი გრინშტაინსა და ჯეისონ სომერვილს უკვე ონლაინ პოკერის სპეციალისტი,  გრიფინ ბენგერი და პოკერსტარსის თიმ პრო, დენიელ ნეგრანუც შეუერთდნენ. 
"მადლობა მინდა გადავუხადო ჯეიმი სტეპლსს და ჯეისონ სომერვილს ამ პლატფორმის პოპულარიზაციისთვის. ასეთმა აჟიოტაჟმა მეც მაიძულა გამეკეთებინა ჩემი პროფილი", - წერს ტვიტერზე ნეგრანუ, 14 აპრილს მისი პირველი ლაივ სტრიმინგის შემდეგ. 
ნეგრანუს, რომელსაც უკვე 4000-მდე საბსქრაიბერი ყავს ტვიჩის ექაუნთზე, აწარმოებს მისი თამაშების ინტერაქტიულ განხილვას მაყურებელთან ერთად. სავარაუდოდ ყველაზე მოლაპარაკე და მხიარული პოკერის მოთამაშე, რომელიც ექვსი WSOP სამაჯურის მფლობელია, პოკერის მოყვარულებს რეალურ დროში უხსნის თავის გადაწყვეტილებებს, ფიქრებსა და თამაშის თავისეულ ხედვას. ტვიჩის საშუალებით პოკერის მოყვარულებს საშუალება ჰქონდათ დაეთვალიერებინათ დენიელ ნეგრანუს სახლი ლას ვეგასში და მისი ძაღლი მუშუ. 
ნეგრანუ, რომელიც ძალიან გახარებული ჩანდა მისი პირველი ლაივ სტრიმინგის შემდეგ, კვლავ აპირებს დაუბრუნდეს ტვიჩის პლატფორმას და მომავალშიც განაგრძოს საკუთარი სესიების განხილვა. 
პოკერის მოთამაშეების ბოლო თვეების აქტიურობა შეუმჩნეველი არ დარჩენია პოკერსტარსს, რაც არავის გაკვირვებია. მსოფლიოს უდიდესმა პოკერ საიტმა ჯეისონ სომერვილი თავის გუნდში შეიყვანა, ხოლო ჯეიმი სტეპლსი პოკერსტარსის მეგობრად გამოაცხადა. 
მათ კი, ვისაც სურვილი აქვს, რეალურ დროში მიიღონ უფასო გაკვეთილები პროფესიონალი მოთამაშეებისგან, ვურჩევდით თვალი მიადევნონ გრიფინ ბენგერის ახალ ტვიჩ ექაუნთს. ყოფილი ვიდეო თამაშების პროფესიონალი და ქაუნთერ-სტრაიკის ლეგენდა, გრიფინ ბენგერი, წარმატებულ პოკერის მოთამაშედ მოევლინა ონლაინ სამყაროს. ის $6.000.000 დოლარს ითვლის ონლაინ მოგებების სახით, ხოლო ლაივ სატურნირო კარიერაში - $1.300.000 დოლარს. 
ტორონტოელი პროფესიონალი მოთამაშე, რომელმაც პოკერსტარსის სატელევიზიო შოუ Shark Cage მოიგო, მაყურებლებს დეტალურად უხსნიდა თავის ფიქრებსა და შეხედულებებს კონკრეტული დარიგებებისა და სიტუაციების შესახებ. მან გულშემატკივრების წინაშე პირობა დადო, რომ მომავალშიც აქტიურად გააშუქებდა თავის თამაშს და მის მიერ დაგეგმილი რამდენიმე ონლაინ ტურნირის ლაივ სტრიმინგიც დააანონსა. 

http://www.twitch.tv/dnegspoker ამ ლინკის გამოყენებით შეგიძლიათ ნახოთ დენიელ ნეგრანუს ტვიჩის არხი და უყუროთ მის ლაივ ტრანსლაციებს.