როცა ის ონლაინ თამაშს იწყებს, ყველანაირი კამათი წყდება - ვიქტორ 'Isildur1' ბლომი სრულად ფლობს სიტუაციას. ორი კვირის წინ ის უდიდესი გამარჯვებული იყო. მან მხოლოდ წინა კვირას დათმო მოგებულთა ლიდერბორდის პოზიციები. ამჟამად კი კვლავ დაუბრუნდა მოწინავე ადგილებს, რაშიც მას პოკერსტარსზე მოგებული $256.514 დაეხმარა. მაგრამ რაც უფრო მნიშვნელოვანია, 31 მაისს, FullTilt-ის $1000/$2000 ლიმიტზე ომაჰა ჰაი-ლოუში, მან $1.000.000 მოიგო. სამშაბათ დილით, ბლომმა ჯერ $250.000 დოლარზე მეტი მოიგო, ხოლო საღამოს სესიაზე, რომელიც თითქმის 10 საათი გაგრძელდა - კიდევ $700.000. 

ამ კვირის გამარჯვებულები იყვნენ: სებასტიან 'taktloss47' რუტენბერგი (+$134.918/2 სესია/121 დარიგება); ბენ 'Bttech86' ტოლერენი (+$126.869/19 სესია/554 დარიგება); ელიორ 'Crazy Elior' სიონი (+118.025/19 სესია/2905 დარიგება). თუმცა ტოლერენმა $112.533 დოლარი წააგო პოკერსტარსზე, რის შემდეგაც ძლივს შევიდა მოგებუთა სიაში. 

გასული კვირის გამარჯვებულმა, ფილ გალფონდმა, 232 დაგირებაში $210.003 დოლარი წააგო და კვირის წაგებულთა სიის სათავეში მოექცა. 24 აპრილს, გალფონდმა და კორტ კიბლერ-მელბიმ 2-7 ტრიპლ დროს 396 დარიგება ითამაშეს $1000/$2000 ლიმიტზე. თამაში, გარდამავალი უპირატესობით, დაახლოებით 4 საათი გაგრძელდა. თუმცა მთლიანობაში ეს თამაში გალფონდისთვის წარმატებული აღმოჩნდა - მან მაგიდა $176.000 დოლარით დატოვა. 

იგივე პარასკევს ერთმანეთს დაუპირისპირდნენ ფილ 'Polarizing' აივი და 'Carlooo13', 8-გეიმში, $1500/$3000 ლიმიტზე. სამსაათნახევრიანი თამაში აშკარად აივის უპირატესობით მიმდინარეობდა. ერთ მომენტში ის $160.000-ის პლუსშიც იყო , მაგრამ ბოლო საათის განმავლობაში იღბალი 'Carlooo13'-ის მხარეს გადაიხარა და საბოლოოდ მან $98.300 დოლარი მოიგო. 'Carlooo13' საკმაოდ მძიმე მდგომარეობაში იმყოფებოდა და სავარაუდოდ თამაშსაც დიდი წაგებით დატოვებდა, რომ არა ძალიან მნიშვნელოვანი ხელი: 8-game-ში როდესაც პოტ ლიმიტ ომაჰას რიგი დადგა, ლიმიტით $300/$600, აივიმ ჯერ $1800 დოლარამდე გაზარდა, ხოლო შემდეგ 'Carlooo13'-ის $5.400-იანი 3ბეტი მიიღო.       495 ფლოპზე 'Carlooo13' კვლავ აგრძელებს აგრესიას, რაზეც აივიც აგრესიითვე პასუხობს. საბოლოოდ, ფილ აივიმ, ფლოპზევე ოლ ინი გააკეთა.                          'Carlooo13' - 9922; ფილ აივი - 946Q. აივის ორი წყვილი ფლოპზევე თითქმის განწირული იყო წაგებისთვის. მოთამაშეები თერნის და რივერის ორჯერ დარიგებაზე შეთანხმდნენ, მაგრამ ფილ აივის ვერც 75 და ვერც KT დაეხმარა და $211.464.70 დოლარიანი ბანკი 'Carlooo13'-მა მოიგო.