ავსტრალიური პოკერის ფესტივალის 2017 წლის ზამთრის სეზონს ჯეისონ სომერვილი, საკუთარი Twitch-ის არხზე გაუძღვება. Aussie Millions უკვე მეორედ სთავაზობს Twitch-ის ყველაზე პოპულარული არხის მფლობელს ავსტრალიური პოკერის სერიების ტრანსლირებას. 

"Crown Melbourne-თან თანამშრომლობა ჩემთვის დიდი პატივია, - თქვა ჯეისონ სომერვილმა, - Aussie Millions მსოფლიო პოკერის ერთ-ერთი ყველაზე მნიშვნელოვანი და პრესტიჟული მოვლენაა. ძალიან მიხარია Twitch-ის საკუთარ არხზე ამ ფესტივალის ტრანსლირების საშუალება რომ მეძლევა. შარშანდელი პირდაპირი ეთერი, რომელიც ავსტრალიურ ფესტივალს დაეთმო, ყველაზე ყურებადი ლაივფიდი აღმოჩნდა, რაც კი პოკერის სფეროში გაკეთებულა."

"მოხარული ვარ იმ ფაქტით, რომ ჯეისონ სომერვილი 2017 წლის Aussie Millions-ს საკუთარ არხზე გააშუქებს, - ამბობს Crown Melbourn-ის ტურნირების მენეჯერი, ჯოელ უილიამსი, - გასული წლის თანამშრომლობამ აშკარა გახადა, რომ სომერვილი, პროფესიონალიზმის გარდა, იმ საოცარ შემართებასაც ფლობს, რომელიც პოკერის ნამდვილ ფანს უნდა ჰქონდეს. დარწმუნებული ვარ, რომ წლევანდელი ლაივფიდი გაცილებით მეტ ადამიანს მოიზიდავს, რაც ავსტრალიური პოკერის მნიშვნელობას კიდევ ერთხელ გაუსვამს ხაზს."