2016 წლის მოთამაშე დევიდ პიტერსი გახდა
ხანგრძლივი და დაძაბული ბრძოლის შემდეგ, 2016 წლის მოთამაშე დევიდ პიტერსი გახდა, რომელმაც სულ ცოტა ხნის წინ მოახერხა ფედორ CrownUpGuy ჰოლცის უკან ჩამოტოვება. მიუხედავად ჰოლცის დამარცხებისა, უნდა ითქვას, რომ გერმანელი მოთამაშე თითქმის მთელი წლის განმავლობაში ახერხებდა Global Poker Index-ის წლის მოთამაშეთა რეიტინგში პირველი ადგილის შენარჩუნებას. დევიდ პიტერსმა მისი გასწრება ერთი თვის წინ, EPT Prague-ის მეინ ივენთზე მესამე ადგილის დაკავებით შეძლო, ხოლო გუშინ მოგებული $25.000 დოლარიანი ჰაი როლერ ტურნირის მოგებით წლის მოთამაშის ტიტულისთვის რბოლას საბოლოო წერტილი დაუსვა.
პიტერსს 2016 წლის განმავლობაში $7 მილიონ დოლარამდე აქვს მოგებული, რომელთა შორის აღსანიშნავი მოგება ლას ვეგასური ზაფხულით თარიღდება, როდესაც პიტერსმა WSOP-ის ოქროს სამაჯური მოიგო. ონლაინ მიღწევებს რაც შეეხება, პიტერსის ანგარიშზე PokerStars-ის Sunday Million-ია. ჰოლმსის საერთო კარიერული მოგება $16.5 მილიონ დოლარს აჭარბებს.
2016 წლის Global Poker Index-ის საუკეთესო ათეული ასე გამოიყურება:
| პოზიცია | მოთამაშე | ქვეყანა |
| 1 | დევიდ პიტერსი | აშშ |
| 2 | ფედორ ჰოლცი | გერმანია |
| 3 | ჯასტინ ბონომო | აშშ |
| 4 | ჩენს კორნუთი | აშშ |
| 5 | ადრიან მატეოსი | ესპანეთი |
| 6 | ალან არი ენგელი | კანადა |
| 7 | პოლ ვოლპი | აშშ |
| 8 | ნიკ პეტრანგელო | აშშ |
| 9 | ანკუშ მანდავია | აშშ |
| 10 | სემუელ პანზიკა | აშშ |
