მანილაში 2017 წლის Triton Super High Roller-ის ერთდღიანი ტურნირი გაიმართა, რომლის გამარჯვებულიც 2014 წლის Big One for One Drop-ის პირველადგილოსანი დენ კოლმანი გახდა. ტურნირის ბაი-ინი HK$250.000-ით განისაზღვრა, რაც დაახლოებით $32.000 აშშ დოლარია. საერთო ჯამში, ღონისძიებას 43 მონაწილე ჰყავდა, ხოლო რე-ბაის სახით კიდევ 8 ბაი-ინი იქნა გადახდილი. უამრავი აზიელი ბიზნესმენის გარდა, ტურნირზე პოკერის სამყაროს ისეთი ცნობილი სახეებიც იყვნენ წარმოდგენილნი, როგორებიც ტიმოფეი კუზნეცოვი, ბრინ კენი, მუსტაფა კანიტი, დენიელ ქეითსი და ჯონ ჯუანდა არიან. ტურნირში მონაწილეობა ფილ აივიმაც კი მიიღო, მაგრამ საპრიზო ადგილებამდე მიღწევა ვერ შეძლო. 

Triton Super High Roller-ის გასული წლის ჩემპიონს, ვაი კინ იონგს, რომელმაც $2 მილიონ დოლარამდე მოიგო, წლევანდელ ტურნირზე ბედმა არ გაუღიმა. სამაგიეროდ, მისი მამა, რიჩარდ იონგი გაცილებით უკეთეს ფორმაში აღმოჩნდა, თუმცა ისიც უშედეგოდ: ჩიპების განოლების შემდეგ მან რე-ბაი გააკეთა და მხოლოდ იმიტომ, რომ ე.წ. 'ბაბლამდე' მიეღწია და საპრიზო თანხას სულ რაღაც ერთი პოზიციით აცდენოდა. 

ფინალური შვიდეულის შეკრების შემდეგ, როცა მაგიდასთან დარჩენილმა მოთამაშეებმა გარანტირებული საპრიზო თანხები მიიღეს, თამაში გაცილებით სწრაფ ტემპში წარიმართა. მიკიტა ბადიაკოვსკიმ, მუსტაფა კანიტმა, ტიმოფეი კუზნეცოვმა და სერხიო აიდომ მაგიდა მალევე დატოვეს. რეინერ კემპე ერთადერთი იყო, ვისაც შედარებით დიდი დრო დასჭირდა ჩიპების დასახარჯად. 

ჰედს-აპიც საკმაოდ მოკლე აღმოჩნდა, მაგრამ ინტენსიური და დაძაბული. დენიელ კოლმანი ლეგენდარულ ერიკ საიდელს დაუპირისპირდა. ორთაბრძოლა გარდამავალი უპირატესობით მიმდინარეობდა, მაგრამ საბოლოოდ კოლმანმა ძველი სკოლის დამარცხება მაინც შეძლო: ფინალურ დარიგებაში ერიკ საიდელის A6 დენ კოლმანის AJ-ს დაუპირისპირდა. კოლმანმა ფულ ჰაუსის გაკეთება შეძლო, რამაც მისი კარიერა კიდევ ერთი საფეხურით დააწინაურა. დენიელ კოლმანი, ამ მომენტისთვის, ტურნირებში მოგებული თანხის მიხედვით, მსოფლიო რეიტინგის მე-4 პოზიციას იკავებს. იგივე რეიტინგში ერიკ საიდელი მე-2 ადგილზეა გამაგრებული. 

2017 წლის Triton Super High Roller-ის საპრიზო ადგილები ასე გამოიყურება: