2016 წელს, WSOP-ის მეინ ივენთის ყოფილმა ფინალისტმა, პიერ ნუვილმა დიდი ხმაური გამოიწვია. აჟიოტაჟი, რომელიც 73 წლის მოთამაშის განცხადებას მოჰყვა, მხოლოდ $1.500 დოლარიანი ივენთის მეორე ადგილზე გასვლით არ ყოფილა გამოწვეული - ნუვილმა რამდენიმე ძვირადღირებული სანაძლეო დადო: იმჟამად GPI-ის 119-ე ადგილზე მყოფი მოთამაშე საუკეთესო 50-ეულში მოხვედრაზე ფსონებს ღებულობდა. აღნიშნული პირობის შესრულებას ნუვილი 2017 წლის 30 ივნისამდე აპირებდა, რისთვისაც მას უამრავი მნიშვნელოვანი, დიდი და ძვირადღირებული ტურნირის მოგება, ან მოწინავე საპრიზო ადგილებზე გასვლა დასჭირდებოდა. 

15 თებერვალს პიერ ნუვილის 'ტვიტერის' გვერდზე მისი ახალი შეტყობინება გამოჩნდა, რომელშიც ის სანაძლეო პირობის შესრულების შესახებ გვამცნობდა. საერთო ჯამში მან 12 ფსონი მიიღო, მაგრამ შემდეგ სანაძლეოების მიღება შეწყვიტა: "ყოველთვის მჯეროდა, რომ თუ მოვინდომებდი, ყველაფრის მოგებას შევძლებდი, - ამბობს ფრანგი მოთამაშე, - გარკვეულ მომენტში მე ახალი ფსონების მიღებაზე უარი ვთქვი, რადგან ზედმეტი დაძაბულობა და დამატებითი წნეხი ჩემს თამაშს არ წაადგებოდა. "ნოემბრის ცხრიანში" მოხვედრის შემდეგ 12 თვე იყო გასული და ჩემი რეიტინგიც საკმაოდ დავარდა, რის გამოც მოთამაშეებს გამარჯვების იმედი მიეცათ და აქტიურობა დაიწყეს."

პიერ ნუვილის მეტსახელი ერთ დროს The Serial Qualifier იყო, რაც დიდი ტურნირების სატელიტების სერიულ გამარჯვებულად შეიძლება გადავთარგმნოთ. მისი კარიერა იმ ფაქტით იყო გამორჩეული, რომ EPT-ის მეინ ივენთებზე მოხვედრა ნუვილმა სწორედ სატელიტებითა და საკვალიფიკაციო ტურნირებით მოახერხა. მოთამაშის კარიერის პირველ ნახევარში ნუვილი აქტიურად ეტანებოდა ინტერნეტს და ძვირადღირებულ საკვალიფიკაციო ტურნირებს თამაშობდა. 2015 წელს WSOP-ის მეინ ივენთის ფინალურ მაგიდაზე მოხვედრის შემდეგ კი ძალების მობილიზება ლაივ ტურნირებზე მოახდინა, რამაც შედეგი გამოიღო. 2016 წლის განმავლობაში, ნუვილმა 150 ტურნირი ითამაშა, საიდანც 36 მათგანიდან საპრიზო ადგილებზე გასვლა შეძლო. მის გასული წლის მნიშვენლოვან მოგებებში WSOP-ის ორი ტურნირი, EPT Main Event და EPT High Roller-ზე მიღებული ექვსნიშნა ანაზღაურებები შედის, რომელთა დახმარებითაც ნუვილმა ძვირადღირებული სანაძლეოების მთელი სერიის მოგება შეძლო.