Aria-ში დაგეგმილი $300.000 დოლარიანი Super High Roller-ის 55 მონაწილის ვინაობა ცნობილია. 20 ადგილი, რომელიც თავად კაზინოს ჰქონდა დაჯავშნილი, იმ მოთამაშეებისთვის იყო განკუთვნილი, ვისაც ტურნირის ორგანიზატორები აირჩევდნენ. მოთამაშეების ვინაობა უამრავი სპეკულაციისა და მითქმა-მოთქმის საგანი გახდა. ბევრი ცნობილი გემბლერი ფსონებსაც კი ღებულობდა ტურნირის სავარაუდო მონაწილეების გამოცნობაზე. ამჟამად მხოლოდ ერთი, ტურნირის 56-ე მონაწილის ვინაობაა უცნობი, რომელიც სავარაუდოდ მსოფლიო სპორტის ვარსკვლავი, ან სულაც კინოსა და მუსიკალური ინდუსტრიის ცნობილი წარმომადგენელი იქნება. 

ტურნირში მონაწილეობას პოკერის ისეთი ცნობილი სახეები მიიღებენ, როგორებიც ფილ ჰელმუტი, დენიელ ნეგრანუ, დენიელ კოლმანი, ჯეისონ მერსიერი და ჯასტინ ბონომო არიან. ბიზნესმენებიდან, რომლებმაც უკანასკნელი წლები აქტიურად დაუკავშირეს პოკერს და აზარტულ თამაშებს, ბილ კლაინი და ბილ პერკინსი იქნებიან. პერკინსის თამაშის აქტიური სტილი, მხიარული განწყობა და მაგიდასთან მიმდინარე არანორმალური სანაძლეოების სერია ღონისძიების ერთ-ერთი საუკეთესო სანახაობრივი ნაწილი იქნება. 

განსაკუთრებულ ყურადღებას ანტანას გუოგა, იგივე ტონი ჯი იმსახურებს, რომელიც უკანასკნელ წლებში აქტიურად გადაერთო პოლიტიკაზე. ის ამჟამად ევროპარლამენტის წევრია, სადაც ლიტვის ლიბერალურ მოძრაობას წარმოადგენს. ტონი ჯი, გარდა პოლიტიკური, სოციალური და საქველმოქმედო საქმიანობისა, თავისი არაორდინალური ხასიათითაცაა ცნობილი. მან სახელი პოკერის მოთამაშის სტატუსით გაითქვა და დღემდე ერთ-ერთ ყველაზე დიდ და ხმაურიან შოუმენად რჩება. ტონი ჯის განსაკუთრებულობა მის პირდაპირობაში, გადაჭარბებულ გულახდილობასა და, რიგ შემთხვევაში, უტაქტობაში გადასულ საქციელებში მდგომარეობს. ის ერთდროულად მეგობრობს და მტრობს ყველას. ფილ ჰელმუტთან მისი მეგობრობა ყველასთვის ცნობილია, მიუხედავად იმისა, რომ პოკერის მაგიდასთან განსაკუთრებულ უხეშობას და უსამართლოდ სასტიკ დამოკიდებულებას სწორედ მის მიმართ იჩენს. 

მოთამაშეთა სია, რომელიც რამდენიმე დღის წინ გახდა ცნობილი, ასე გამოიყურება:

• ზაკ ჰიმენი
• ბილ კლაინი
• ტონი ჯი
• თალალ შაკერჩი
• ლორენ რობერტსი
• ფილ ჰელმუტი
• ლეონ ცუკერნიკი
• ჯეისონ კუნი
• ჯონ მორგანი
• დენიელ ნეგრანუ
• ჯუზეპე ლადისერნია
• ჯეისონ მერსიერი
• დენ პერპერი
• ჯასტინ ბონომო
• დენ შეკი
• კერი კატზი
• დენიელ კოლმანი
• ბობი ბოლდვინი
• დენ სმიტი
• ბილ პერკინსი