American Poker Awards-ის დაჯილდოების მე-3 ცერემონიალი უკვე ისტორიის ნაწილია, რაც იმას ნიშნავს, რომ მსოფლიო პოკერის წარმომადგენლებმა უკვე გამოავლინეს პოკერის ინდუსტრიის საუკეთესო სახეები. არი ენგელი, მორის ჰოუკინსი და PokerStars Team Pro ჯეისონ მერსიერი გამარჯვებულთა შორის აღმოჩდნენ. 

არი ენგელმა წლის საუკეთესოდ ჩატარებული ტურნირისთვის მიიღო ჯილდო, რაც Aussie Millions Main Event-ზე მისი გამარჯვებით იყო განპირობებული. WSOP-ზე 4 ოქროს ბეჭდის მოგებისა და კარიერისთვის უდიდესი ანაზღაურების - $581.000 დოლარის გამომუშავებისთვის, მორის ჰოუკინსი წლის აღმოჩენა გახდა. წლის საუკეთესო მომენტის ავტორად ჯეისონ მერსიერი აღიარეს - 'პოკერსტარსის' სახემ გასულ წელს WSOP-ის 2 ოქროს სამაჯური მოიგო, ხოლო ერთ-ერთი ივენთი მეორე ადგილით დაასრულა. მერსიერის ანგარიშზე WSOP-ის კიდევ ერთი ივენთი ირიცხება, რომელშიც მოთამაშემ მე-8 პოზიცია დაიკავა. აღსანიშნავია, რომ მის მიერ ნათამაშები ტურნირებიდან არცერთი არ იყო $10.000 დაბალი ბაი-ინის მქონე. 

PocketFive-ის ჟურნალისტი, ლენს ბრედლი წლის საუკეთესო მედია კონტენტის ავტორად აღიარეს, სატიისთვის "Bob, Charlie and a life-changing WSOP Main Event Journey". ლენს ბრედლი, არი ენგელისა და ჰოუკინსის მსგავსად, ორ ნომინაციაზე იყო წარდგენილი, მაგრამ მხოლოდ ერთის მოგება შეძლო. 

სპეციალური ჯილდოები გადაეცათ 2016 წლის 'ნოემბრის ცხრიანის' წევრსა და ონლაინ პოკერის ლეგენდას, კლიფ ჯოზეფის, ჯონ ჰოლისა და მეტ სევიჯს. GPI-ის წლის მოთამაშე - დევიდ პიტერსი, ხოლო წლის ქალი მოთამაშე ქეით ჰოლი გახდნენ. 2016 წლის ყველაზე მნიშვნელოვან და საუკეთესო ტურნირად Super High Roller Bowl აღიარეს. წლის Twitch-ის სტრიმერი, რა თქმა უნდა, ჯეისონ სომერვილი გახდა. მას არნახულად დიდი წვლილი მიუძღვის თანამედროვე პოკერის ახლებურად აღქმასა და თამაშების პირდაპირი ეთერით გადაცემის პოპულარიზაციაში.