Twitch-მა ონლაინ პოკერის დეფინიცია მნიშვნელოვნად შეცვალა. პირდაპირ ეთერში ისეთი მოთამაშეების ღია კარტების ხილვაა შესაძლებელი, როგორებიც დაგ პოლკი, ჯეისონ სომერვილი და ჯეიმი სტეპლსი არიან. მაგრამ 'ტვიჩი' როგორც ჩანს ონლაინ პოკერის ფარგლებს გასცდა - პლატფორმის შესაძლებლობებს უკვე კაზინოები იყენებენ, მათ შორის აზარტული ინდუსტრიის ისეთი გიგანტი, როგორიც 'ბელაჯიოა'. 

უკანასკნელ დროს Twitch-ზე საკმაოდ ძვირადღირებული ქეშ-გეიმების ხილვა იყო შესაძლებელი, ისეთი 'მძიმეწონიანი' პროფესიონალების მონაწილეობით, როგორებსაც Poker Night America-ზე შეხვდებოდით: შონ დიბი, ფილ ჰელმუტი, დაგ პოლკი და მაიკ დენტალი. პოკერის მოყვარულებს კალიფორნიაში მდებარე Bicycle Casino & Hotel-ში მიმდინარე Live At the Bike-ის ხილვის შესაძლებლობაც ჰქონდათ, სადაც ერთმანეთს ალეკ ტორელი და დაგ პოლკი დაუპირისპირდნენ. დიდი აჟიოტაჟი გამოიწვია ტონი ჯისა და გას ჰენსენის დიდ პოკერში დაბრუნებამ, რომელიც ასევე Twitch-ის მეშვეობით პირდაპირ ეთერში გადაიცა, შემდეგ კი Youtube-ზე აიტვირთა. 

როგორც Bellagio-ს ოფიციალური ვებ-გვერდი იუწყება, კაზინო პირდაპირი ეთერების ტრანსლირებას აპრილის ბოლოდან დაიწყებს. კაზინო ლაივ სტრიმის გამოყენებას ყოველდღიურ რეჟიმში, ადგილობრივი დროით საღამოს 7 საათიდან გეგმავს. სტრიმინგი მაისში დასრულდება, როდესაც პოკერის სამყაროს მთელი ყურადღება WSOP-ზე გადაერთვება. Bellagio-ს მიწერ წარმოებულ პირდაპირ ეთერში $25/$50 ლიმიტის ქეშ-გეიმების ნახვის შესაძლებლობა გექნებათ, რაც პოკერის მოყვარულებისთვის და დამწყები მოთამაშეებისთვის ცოდნის მიღების კიდევ ერთი დამატებითი საშუალება იქნება.