გასულ კვირას, მონტენეგროში, Maestral Resort & Casino-ს გახსნის გრანდიოზული ცერემონია გაიმართა, რომელსაც პოკერის სამყაროს ცნობილი სახეები დაესწრნენ. სტუმრებს შორის განსაკუთრებულ აღნიშვნას ენდრიუ რობლი, სტივ ო'დუაიერი, დენიელ ქეითსი, ფედორ ჰოლცი და, რა თქმა უნდა, ტომ დუანი იმსახურებენ. 

მონტენეგროში მიმდინარე ფესტივალის ფარგლებში, ახლადგახსნილ კაზინოში Triton Super High Roller-ის ღონისძიება გაიმართა, რომლის გამარჯვებული გერმანელი ფედორ ჰოლცი გახდა. 

რაც მთავარია, კაზინოს გახსნაზე ტომ დუანი ნახვა გახდა შესაძლებელი. ლეგენდარული ამერიკელი მოთამაშე, ცერემონიაზე, ფართო საზოგადოებისთვის უცნობ, ქერა მანდილოსანთან ერთად გამოჩნდა. აქვე იყო მისი მეგობარი პოლ ფუა, რომელსაც უამრავ შავ-ბნელ და ბურუსით მოცულ ისტორიას მიაწერენ. სამწუხაროდ, ტომ დუანისთვის კითხვების დასმის საშუალება ჟურნალისტებს არ მიეცათ. პოკერის ისტორიაში ერთ-ერთი საუკეთესო მოთამაშის დიდი სცენიდან გაქრობის მიზეზი ჯერჯერობით კვლავ უცნობია. 

ფოტოები იხილეთ ქვემოთ