რამდენი მოიგო სინამდვილეში WSOP Main Event-ის გამარჯვებულმა?
მსოფლიო პოკერს ახალი ჩემპიონი ჰყავს - სკოტ ბლამსტაინი, რომელმაც პირველი ადგილისთვის, ოფიციალურად, $8.150.000 დოლარი მიიღო. სინამდვილეში მისი მოგება გაცილებით ნაკლები იყო, ვიდრე ამას WSOP-ის ადმინისტრაცია და ონლაინ გამოცემები გვამცნობენ.
2017 წლის WSOP Main Event-ზე, საერთო ჯამში, 7.221 მოთამაშე დარეგისტრირდა. ამ რიცხვს მხოლოდ 2010 წლის (7.319) და 2006 წლის (8.773) მაჩვენებლები აღემატებიან. რაც მთავარია, უკანასკნელი 6 წლის განმავლობაში, მეინ ივენთის ენტრანტების რაოდენობამ 7.000-ს გადააჭარბა.
მეინ ივენთის სტარტისთვის, WSOP-ის ადმინისტრაციამ განცხადება გააკეთა, რომლის მიხედვითაც ფინალური მაგიდა, წინა წლებისგან განსხვავებით, რამდენიმედღიანი შესვენების შემდეგ გაიმართებოდა. გადაწყვეტილება წარმატებული აღმოჩნდა - ტურნირმა გასულ წლებთან შედარებით გაცილებით მეტი მოთამაშე მიიზიდა.
ფინალური მაგიდა რამდენიმე ფაქტორით იყო გამორჩეული: სკოტ ბლამსტაინი ფინალური მაგიდის სტარტისთვის მასიურ ჩიპლიდს ფლობდა; ბირტანელი ჯონ ჰესპი, რომელმაც 64 წლის ასაკში არნახულ წარმატებას მიაღწია, მაყურებელთა სიმპათიისა და სიყვარულის მთავარი ობიექტი გახდა; მაგიდაზე გასული წლების ფინალისტები - ბენ ლემი და ანტუან საუტი მოხვდნენ, რომლებმაც 2011 და 2009 წლებში გამართულ მეინ ივენთებზე მე-3 ადგილი დაიკავეს.
ახლა ვნახოთ როგორ გადანაწილდა WSOP Main Event-ის საპრიზო ფონდი 9 ფინალისტზე და ვინ მიიღო ყველაზე დიდი ანაზღაურება:
| 1 | სკოტ ბლამსტაინი | აშშ | $8.150.000 |
| 2 | დენ ოტი | აშშ | $4.700.000 |
| 3 | ბენჯამინ პოლაკი | საფრანგეთი | $3.500.000 |
| 4 | ჯონ ჰესპი | დიდი ბრიტანეთი | $2.600.000 |
| 5 | ანტუან საუტი | საფრანგეთი | $2.000.000 |
| 6 | ბრაიან პიკოლი | აშშ | $1.675.000 |
| 7 | დემიან სალასი | არგენტინა | $1.425.000 |
| 8 | ჯეკ სინკლერი | დიდი ბრიტანეთი | $1.200.000 |
| 9 | ბენ ლემი | აშშ | $1.000.000 |
როგორ გადანაწილდა საპრიზო თანხები ქვეყნის საგადასახადო კანონმდებლობის მიხედვით (აღსანიშნავია ჯონ ჰესპი, რომელიც ბრიტანეთის მოქალაქეა. ასევე ბენჯამინ პოლაკი და ანტუან საუტი, რომლებიც წარმოშობით ფრანგები არიან, მაგრამ ლონდონში ცხოვრობენ):
| 1 | გადასახადების ამკრეფი | $7.659.195 | |
| 2 | სკოტ ბლამსტაინი | აშშ | $4.310.571 |
| 3 | ბენჯამინ პოლაკი | საფრანგეთი | $3.500.000 |
| 4 | დენ ოტი | აშშ | $2.600.194 |
| 5 | ჯონ ჰესპი | დიდი ბრიტანეთი | $2.600.000 |
| 6 | ანტუან საუტი | საფრანგეთი | $2.000.000 |
| 7 | ჯეკ სინკლერი | დიდი ბრიტანეთი | $1.200.000 |
| 8 | დამიან სალასი | არგენტინა | $997.500 |
| 9 | ბრაიან პიკოლი | აშშ | $791.023 |
| 10 | ბენ ლემი | აშშ | $591.517 |
