როგორც იქნა, პოკერის გულშემატკივრებს საშუალება მიეცათ ვეტარინ ონლაინ გრაინდერის, ფილ გალფონდის თამაშით კიდევ ერთხელ დამტკბარიყვნენ და ლეგენდარული მოთამაშე Poker After Dark-ის პოტ ლიმიტ ომაჰას სესიებზე ეხილათ.

ძვირადღირებული სესიიდან რამდენიმე დღის შემდეგ, გალფონდი ცნობილი ონლაინ მოთამაშისა და ერთ-ერთი ყველაზე პოპულარული Youtube-არხის მფლობელის, ჯოი ინგრამის პოდკასტში გამოჩნდა, სადაც მან რამდენიმე წლის წინ დაანონსებულ პოკერის ახალ პლატფორმაზე ისაუბრა. 

ინგრამის პოდკასტში, უამრავ საინტერესო სიახლესთან ერთად, პოკერის მოყვარულებმა ისიც შეიტყვეს, რომ პოკერის საიტის ნაცვლად, ფილ გალფონდი ახალ საიტს ხსნის, რომელიც მთლიანად Daily Fantasy Sports-ს დაეთმობა და დაახლოებით იგივე სერვისები ექნება, რაც DraftKings-ს, FanDuel-სა და სხვა მსგავს პლატფორმებს აქვთ.

გალფონდის განმარტებით, მის ახალ საიტზე, სხვა მსგავსი საიტებისგან განსხვავებით, მოთამაშეებს რამდენიმე ახალი ლაინ-აფის გაკეთების საშუალება ექნებათ, რაც მათი გუნდების რეგრესს და წინსვლის დეგრადაციას არ გამოიწვევს. მისი აზრით, მსგავსი სიახლე გაზრდილი საპრიზო ფონდების ჩამოყალიბებასაც შეუწყობს ხელს, რაც ყველასთვის დამატებითი წამახალისებელი ფაქტორი იქნება.